यसैया 17:10 - लिम्बु10 इस्राइलबा मनासे, खे़निॽ के़से़ःप्पा निङ्वाॽफुमाङ्ङिन् खे़निॽ निङ्वाॽ के़मुःत्छुम्माङ् के़वयिरो, हे़क्क्याङ् सियाक्पेॽ थे़याक्पेॽ से़ःप्सिङ्मादे़न् नु खे़निॽ हाङ्यक्किन् निङ्वाॽ के़न्इःत्तुम्मिन्लो॥ कल्ले़चोगुल्ले़, खे़निॽ साॽरिक् नुबा फुङ्हाॽ के़लेःत्तुम्लो हे़क्क्याङ् वेॽ लाजेॽलाम् के़दारुम्बा चे़ल्ले़क्सेॽइल्ले़ कुबुङ्हाॽ के़लेःत्तुम्लो, Gade chapit la |
यसैया 17:10
48 Referans Kwoze
इस्राइलरे़ कुनावा चइःत्दाङ्बे़न् निङ्वाॽ फेःत्छुआङ् वाॽरो हे़क्क्याङ् पयम् यम्बा हिम्हाॽ चोगुसिआङ् युङ्लो, यहुदाःल्ले़ यरिक् ये़क्यक्हाॽओ हाङ्यक्हाॽ चोगुसिआङ् ने़रो॥ कर खे़ङ्हाॽरे़ खुन्छिॽ ये़क्यक्हाॽओ मि केःत्तुङ्लो, हे़क्क्याङ् खे़ल्ले़ खुन्छिॽ हाङ्यक्हाॽ खाप्पुथ्यःङ् चोगुरो॥”
आङ्गाॽ आमनाहाॽरे़ सि मे़हेॽरुरो, कर खे़ङ्हाॽरे़ कुदिङ् के़बप्पा याःन्हाॽ मे़सुप्सुरो॥ खे़ङ्हाॽरे़ स्याङ्मे़न्दाङ् याःम्बक् मे़जोगुरो कर खुन्छिॽ हुक्को थेआङ् मे़ध्ये़ने़न्लो॥ आङ्गाॽ साॽरिक् किप्मा के़घुबा आसिक्किल्ले़ हे़क्के पोःक्खे़बारो खे़ङ्हाॽरे़ खुन्छिॽ पोगुगे़न् कुजा मे़धोःक्ते़म्बाल्ले़ खे़ङ्हाॽ सिरिङ्ममो मे़ध्ये़रो॥”
खिनिॽ नावागे़न् चइःत् के़जोःक्पा ताङ्साङ्बे़न् के़जोःक्पाआङ् खे़न् के़घिङ्बा नु इक्सादिङ् खाम्बेःक्मे़ल्ले़ कुबुङ् के़युङ्बा, यहवे दाङ्बे़न् खिनिॽ निङ्वाॽ के़भेःत्छुम्बि? खिनिॽ मे़ङ्मा के़इःप्पाहाॽ नु खिनिॽ तुक्खे के़जाःप्पाहाॽरे़ खुन्छिॽ सिक्पोःक्माल्ले़ चोगुल्ले़ चक्मे़ल्लॽए खिनिॽ के़गिसिआङ् के़वयिबाबि? खे़ङ्हाॽरे़ खुन्छिॽ सिक्पोःक्माल्ले़ खिनिॽ सुमा के़न्छुक्तिन्लो॥
अक्खे लॽरे़म्मे़ॽआङ् अःक्ते़म्मे़ॽओ, “आनिगे से़न्लप्दाङ्बा निङ्वाॽफुमाङ्ङे, आनिगे याप्मि ताङ्आसे़ःप्ते़ॽओ॥ आनिगे याप्मि सोरिक् आभुक्खे़ॽओ, हे़क्क्याङ् मे़न्छाम् सुवाङ्हाॽलाम् आसे़ःप्ते़ॽओ, हे़क्केलॽरिक् के़सेसे मिङ्ङो नुगे़न् तोःम्मा सुक्तुम्बे़ररो, हम्भ्याङ् के़नारा फोमाओ आनिगे ने़बो पत्लरो॥”
कर यसुरुन मे़ॽरुआङ् लाङ्गे़धिक्पा पोःक्खे़रो, नुरिक् चामा मे़घोसुआङ् मनाहाॽ चाप्मे़ॽ मे़ॽरुसिरो हे़क्क्याङ् वरे़ङ्ले़ङ्बा मे़बोःक्खे़बारो॥ खे़ब्याङ् खे़ङ्हाॽरे़ खुनिॽ नावागे़न् चइःत् के़जोःक्पा आबाङे खुन्छिॽ निङ्वाॽफुमाङ्ङिन् मे़ले़रु मे़देसुरो, हे़क्क्याङ् खे़ङ्हाॽरे़ खुन्छिॽ से़न्लप्दाङ्बा याक्पेॽइन् हने़ मे़न्जोबा मे़मे़त्तुरो॥
आङ्गाॽ खिनिॽ लुम्मो किमा यङ्मा पोङ्ल चोगुङ्ॽ, खम्भ्याङ् थक्किन् के़मे़ङ्बार के़देॽबा, मिक्किन् मार के़जोःक्पा नु सक्मा मे़न्याक्मनाबा के़जोःक्पार के़देॽबा साॽरिक् किप्मा के़घुबा तुक्माहाॽ पाङ्घुङ् तासुङ्ॽ॥ खिनिॽ के़लेःत्तुम्बा याॽरिःम्बाहाॽ थेनाधेबा पोङ्ॽ, थेआङ्भे़ल्ले़ खिनिॽ निङ्मिहाॽरे़ कुजा के़दुम्बान् मे़जमे़देसु के़म्बिरिॽ॥
थेआङ् मे़ङ्गप्मनाबा याङ्गे़साॽबाहाॽ के़दोॽरुम्सिम्लो, हे़क्क्याङ् साक्के़ल्ले़क् चा के़म्बिरिर के़याःन्दुम्सिम्लो॥ कल्ले़चोगुल्ले़ खिनिॽ खोःम्मना लक्मनाबा लुङ् हिम्हाॽ के़जोगुम्साङ् खिनिॽ खे़ङ्हाॽओ युङ्मा के़ङ्घोसुम्मिन्लो, खिनिॽ चिनॽनॽ के़लॽबा चे़ल्ले़क्सेॽ इक्ताप्हाॽ के़लेःत्तुम्साङ् खिनिॽ खे़न् चे़ल्ले़क्सेॽ थि थुङ्मा के़ङ्घोसुम्मिन्लो॥
आङ्गाॽ आमनाहाॽ सिक्कुम्दिङ् निङ्वाॽ सुःम्मारे़ चोगुल्ले़ मे़मे़गे़आङ् वाॽरो, सिक्कुम्दिङ् निङ्वान् खिनिॽ के़नाॽरुम्बाल्ले़ चोगुल्ले़ आङ्गाॽआङ् खिनिॽ निङ्वाॽफुसाम्बा पोङ्मा मे़बाङ्निङ्ङिन्लो॥ खिनिॽ आप्फेक् निङ्वाॽफुमाङ्ङिल्ले़ कुइङ्जाङ्ङिन् खिनिॽ निनि खे़म्घे़म् के़न्लाप्तुम्मिन्बाल्ले़ चोगुल्ले़, आङ्गाॽआङ् खिनिॽ साहाॽ निनि मे़लाप्पासिङ्ङिन्लो॥
थेआङ्भे़ल्ले़ चासुम्मानुःल्ले़ तगि चाःल्ले़ कुभुङ् फे़क्मेःत्ते़न् फे़क्काङ् लुःक्पेःक्लो, हे़क्क्याङ् खे़न् कुभुङ् फे़क्मेःत्ते़न् के़दुम्बा चे़ल्ले़क्सेॽ पोङ्लो, खे़ब्याङ् यहवे दाङ्बे़ल्ले़ खे़न् चे़ल्ले़क्सेल्ले़ कुबोराःक्हाॽ वाभेःत्तिल्ले़ साःक्तुरो, हे़क्क्याङ् के़बोबा के़दाप्पा पोराःक्हाॽ आःत्तुदेसुरो॥
याङ्गे़साॽबा मनाहाॽरे़ खुन्छिॽ लागि हे़क्क्याङ् ये़त्तुक्खे के़दुम्बा कुधेआङ् के़होःप्पाहाॽरे़ लागि खे़ने़ॽ से़ःप्सिङ्मादे़न् के़बोक्खे़आङ् के़वाॽरो, सुरित् केजङ् हुःल्ले़ वाइःप्सिङ्मादे़न् हे़क्क्याङ् नाम्से़ःक्किल्ले़ इःम्सिङ्मादे़न् नाम्जिःक्खोॽ के़बोक्खे़आङ् के़वाॽरो॥ थेआङ्भे़ल्ले़ कुनिङ्वाॽ के़जिःप्पाहाॽरे़ खुन्छिॽ सक्माःङ्ग लुङ्धाक्को के़दोःक्पा सुरित् केजङ् कुइसिःक्लक् लॽरो,
आङ्गाॽ यहवे दाङ्बाओ साॽरिक् सःत्तारो, आनिङ्वाॽफुमाङ्ङो आयाम्साम्मिन् साॽरिक् सःत्लो॥ थेआङ्भे़ल्ले़ निङ्वाॽफुसाम्बान् हे़क्के मेःक्खिम्साबे़ल्ले़ कुधे़गेःक्किन् चोःक्तुबा हे़क्के, हे़क्क्याङ् मेःक्खिम्सामे़न् आबाङे साम्म्याङ् युप्पा वाःत्छिङ्बा हे़क्के खुने़ॽ से़न्लप्ले़न् चाङ् चाक्ताङ्ङाङ् वाॽरो, हे़क्क्याङ् साम्योनिमा चाङ्ङिल्ले़ ते़प्ताङ्ङाङ् वाॽरो॥
“मुक्साम्दाङ्बा यहवे दाङ्बे़ल्ले़ अक्खे पाःत्तुॽ—हे़क्क्याङ् खे़ने़ॽ आङ्गाॽ निङ्वाॽ के़भेःत्छाङ्ङाङ् के़वाॽबा नु खे़ने़ॽ के़एःक्के़न् के़हिसाङ् के़बिराङ्ङाङ् वाॽबाल्ले़ चोगुल्ले़, खे़ने़ॽ के़जोगुबा के़रे़क् चाराम्मा याःम्बक् के़जोगुबा नु के़त्निमा याःम्बक् के़जोगुबाल्ले़ कुले़क्वान् खे़ने़ॽ के़धरुर पोङ्लो॥”
खे़प्मो मना से़त्छे़ मे़इङुसिबाहाॽ, मे़साङुसिबा फाःन्दाहाॽ नु के़नाप्पाहाॽ आत्तिसाङ् मे़वाॽ॥ खे़ने़ॽ के़हिम्बेसाङ्बाहाॽ मे़न्वाॽमनाबा के़मे़त्तुसिआङ् खे़ने़ॽ साॽरिक् खिःक्ल याङ्ले़ कुस्सा के़जःॽ॥ हे़क्क्याङ् खे़ने़ॽ आङ्गाॽ निङ्वाॽ के़भेःत्छाङ्ङाङ् वाॽ, मुक्साम्दाङ्बा यहवे दाङ्बे़ल्ले़ पाःत्तुॽ॥
Piblisite