यसैया 16:6 - लिम्बु6 यहुदाबा मनाहाॽरे़ मे़बाःत्तुरो, “मोआबबा मनाहाॽ यम्बा मे़ले़ङ्सिङ् के़लॽबे़न् खे़प्सुम्बे़आङ् वाॽरो, कन् लाजेॽओ के़युङ्बाहाॽ आङ्दिङ् मे़लॽआङ् लाङ्मे़घेःक्लो, करसाङ् खे़ङ्हाॽ थेनाधेरक् यम्बा मे़ले़ङ्सिङ्ङाङ् मे़वाॽरो॥” Gade chapit la |
यसैया 16:6
17 Referans Kwoze
आङ्गाॽ इङ्ले़क् माङ्निङ्वाॽपान् के़बाःप्पाहाॽरे़ खुनिॽ मिक्सेःन्निन् कुसुम् मे़न्दम्मनाबा चोगुङ्लो, हे़क्क्याङ् थुम्म्या के़इबाहाॽ अदङ् चोगुसिङ्लो॥ आङ्गाॽ सिक्कुम्साबा मनाहाॽरे़ खुन्छिॽ ने़हिनिङ्वान् खादाःक्पा चोगुङ्लो, खे़ब्याङ् खे़ङ्हाॽ खासिङ् मे़न्निःप्मना मे़बोङ्ल चोगुङ्सिङ्लो॥
खे़निॽ अक्खे के़बाःत्तुम्माङ् आङ्दिङ् के़लॽरिरो, “सिमे़न्नु आनिगे माङ्हे़क् चोगुम्बे़आङ् वयिगे़रो, खे़ब्याङ् खे़मा यङ्सङ्ङिन्नु माङ्हे़क् चोगुम्बे़आङ् वयिगे़रो॥ साॽरिक् यम्बा तुक्खेलाक्खे नु सिमे़न् आनिगे सम्धाङ् तासाङ् खे़न् तुक्खे लाक्खेःल्ले़ आनिगे मे़सुसिगे़न्लो॥ थेआङ्भे़ल्ले़ आनिगे इङ्ले़क्के से़ःप्सिङ्मादे़न्निन् इःम्सिङ्मादे़न् चोगुम्बे़आङ् वयिगे़रो हे़क्क्याङ् से़क्खा मेःम्बे़न् आनिगे चिङ्सिङ्मादे़न् चोगुम्बे़आङ् वयिगे़रो॥”
खिनिॽ थाङ्बे़न्सासे, सेसेहुप्लक्कोबा तुम्लाम्लोबाहाॽरे़ खुनिॽ युक्को वाॽमा पोङ्लो॥ खिनिॽ काक् चुङ्जिगे़न् नःम्नःम्बा पोःक्खे़म्मे़ॽआङ् नुरिक् मे़त्तासिम्मे़ॽ, थेआङ्भे़ल्ले़ साम्योसाप्लाओ साप्ते़आङ् पत्, “निङ्वाॽफुमाङ्ङिल्ले़ आङ्दिङ् के़लॽबाहाॽ अत्तुसिॽ, कर नःम्नःम्बाहाॽ लुङ्गुम् पिरुसिॽरो॥”
वरक् के़जाःक्पा मनाःल्ले़ वरक्के़न् चोगुल्ले़ आक्खेलॽरिक् कुहुक्के़न् सन्छुॽ, हे़क्केलॽरिक्के आबाङे से़ःप्सिङ्मारे़ लागि हुक्हाॽ मे़सन्छुरो॥ खे़ङ्हाॽरे़ खुन्छिॽ हुक्हाॽ ओगप् चोःक्मा के़ले़बा मे़ले़ङ्सिङ्साङ् निङ्वाॽफुमाङ्ङिल्ले़ खे़ङ्हाॽरे़ खुन्छिॽ आङ्दिङ् लॽमान् यो थासु पिरुसिरो॥
Piblisite