यसैया 16:4 - लिम्‍बु

⁴ मोआबलाम् मे़लःत्तु मे़देसुसिबा मनाहाॽ खे़ने़ॽनु मे़युङ्‌लरो, आमे़ङ्‌मे़ङ्‌बा मनाहाॽलाम् खे़ङ्‌हाॽरे़ खुन्‍छिॽ लागि खे़निॽ लत्‍छा से़ःप्‍सिङ्‌मादे़न् पोःक्‍खे़ आबिरे़ॽओ॥” याप्‍मि तुक्‍खे के़जाःप्‍पा मनाहाॽ आल्‍ल हाराए मे़मे़क्‍काङ् तुक्‍खे सिमा मे़क्‍मा मे़बोङ्‌ने़न्‍लो, याप्‍मि निङ्‌घुम् तुक्‍खे के़जाःप्‍पाहाॽ लाजेॽलाम् मे़मा मे़बेःक्‍लो॥

यसैया 16:4 Referans Kwoze

यसैया 14:4

कन् ये़न्‍निन् ताःल्‍ले़ खे़ङ्‌हाॽरे़ बेबिलोनबा हाङ्‌ङिन् अक्‍खे मे़मे़त्तुर किनाःन्‍दि मे़बिरुरो, “साॽरिक् कुॽइगे़भे़म्‍बा हाङ्‌ङिन् चोःन्‍दे़रो! खे़ल्‍ले़ याम्‍मो आत्तिन्‍हाॽआङ् तुक्‍खे मे़जाःत्तुसिन्‍लो!

मलाकि 4:3

खम्‍भ्‍याङ् फे़न्‌याःम्‍बक् के़जोःक्‍पाहाॽ खे़निॽ लाङ्‌ङिल्‍ले़ के़दोॽरुम्‍सिम्‌ॽ॥ आङ्‌गाॽ खे़न् याःम्‍बक्‍किन् चोगुङ्‌बा ये़न्‍नो, खे़ङ्‌हाॽ खे़निॽ लाङ्‌दाप्‍पेॽ सिगाङ् खाप्‍पुथ्‍यःङ् मे़बोङ्‌लो,” मुक्‍साम्‍दाङ्‌बा यहवे दाङ्‌बे़ल्‍ले़ पाःत्तुॽ॥

यसैया 51:13

खिनिॽ नावागे़न् चइःत् के़जोःक्‍पा ताङ्‌साङ्‌बे़न् के़जोःक्‍पाआङ् खे़न् के़घिङ्‌बा नु इक्‍सादिङ् खाम्‍बेःक्‍मे़ल्‍ले़ कुबुङ् के़युङ्‌बा, यहवे दाङ्‌बे़न् खिनिॽ निङ्‌वाॽ के़भेःत्‍छुम्‍बि? खिनिॽ मे़ङ्‌मा के़इःप्‍पाहाॽ नु खिनिॽ तुक्‍खे के़जाःप्‍पाहाॽरे़ खुन्‍छिॽ सिक्‍पोःक्‍माल्‍ले़ चोगुल्‍ले़ चक्‍मे़ल्‍लॽए खिनिॽ के़गिसिआङ् के़वयिबाबि? खे़ङ्‌हाॽरे़ खुन्‍छिॽ सिक्‍पोःक्‍माल्‍ले़ खिनिॽ सुमा के़न्‍छुक्‍तिन्‍लो॥

यसैया 9:4

थेआङ्‌भे़ल्‍ले़ खे़ने़ॽ खे़ङ्‌हाॽरे़ खुन्‍छिॽ के़लिःप्‍पा खे़ःप्‍सिङ्‌ङिन् के़ए़क्‍खु के़बिरुसिरो हे़क्‍क्‍याङ् ते़ःम्‍भुक्‍किन् स्‍याक् वयाक् के़भुॽरु के़बिरुसिआङ् वाॽरो॥ यरिक् ये़न् तगि मिध्‍यान लाजेॽबा थक्‍सुबाहाॽ के़नाःन्‍दुसिबा हे़क्‍केए खे़ने़ॽ के़मनाहाॽ के़युक्‍पा नु तुक्‍खे के़जाःप्‍पा सुवाङ्‌हाॽ के़नाःन्‍दुसिआङ् वाॽरो॥

सुफो 11:2

कर हिम्‍मिल्‍ले़ लक्‍खुम्‍मिन् मे़सिःक्‍ते़न्‍ने़ॽओ, थेआङ्‌भे़ल्‍ले़ खे़ङ्‌ग के़रे़क् लाजेॽबा सुवाङ्‌हाॽ पिरे़आङ् वाॽरो॥ खे़ङ्‌हाॽरे़ खे़ॽयो ला लि-ने़त् (४२) थारिक् सेसे ये़क्‌यक्‍किन् मे़सॽरु मे़लाःक्‍तुॽरो॥

लुका 21:24

खे़ङ्‌हाॽ ताभेःल्‍ले़ मे़जे़प्‍तु मे़से़रुसिॽ हे़क्‍क्‍याङ् यरिक् लाजेॽओ पुङ्‌लाधाबा मे़बोङ्‌ङाङ् मे़बेःक्‍लो॥ थिम्‍मे़न्‍दङ् सुवाङ्‌हाॽरे़ खुनिॽ ये़म् मे़ङ्‌गे़त्ते थारिक् खे़ङ्‌हाॽरे़ यरुसले़म्‍मिन् मे़दोॽरु मे़सॽरुॽरो॥

जकरिया 10:5

खे़ङ्‌हाॽनु सोरिक् थङ्‌ङो खुन्‍छिॽ निङ्‌मिहाॽ माराम्‍मोबा ले़क्‌वाओ चिदोॽ चिदोॽ के़दोॽबा मुक्‍साम्‍साबा मनाहाॽ हे़क्‍तङ्‌बा मे़बोङ्‌लो, थेआङ्‌भे़ल्‍ले़ यहवे दाङ्‌बे़न् खे़ङ्‌हाॽनु सोरिक् वाॽरो खे़ङ्‌हाॽ थङ् मे़जोःक्‍काङ् अन्‍गे़युक्‍पाहाॽ नाधामो मे़धासुसिरो॥

यर्मिया 48:18

“खिनिॽ दिबोनबा मनासे, खिनिॽ मिमिदिङ्‌ङोनु यो थासिङ् ये़म्‍मे़ॽओ हे़क्‍क्‍याङ् खाम्‍भुत्‍छ्रुम्‍बो युङे़म्‍मे़ॽओ, थेआङ्‌भे़ल्‍ले़ आत्तिन्‍हाॽरे़ मोआबे़न् खाप्‍पुथ्‍यःङ् मे़जोगुॽ, खे़ङ्‌हाॽरे़ए दिबोने़न्‍नाङ् फुत्‍लुम् थ्‍यःङ् मे़जोगुरो॥ खे़ङ्‌हाॽरे़ खिनिॽ चङ्‌हिम्‍हाॽ मे़लुःन्‍दु मे़देसुरो॥

यर्मिया 48:8

के़रे़क् ये़क्‌यक्‍हाॽ खाप्‍पुथ्‍यःङ् पोङ्‌लो, खे़ब्‍याङ् ने़ने़बादे़न्‍हाॽ इग्र ते़म्‍बेहाॽआङ् मे़क्‍लो आत्तिन्‍हाॽआङ् खे़त्‍छिङ्‌मा मे़न्‍छुक्‍ने़न्‍लो, थेआङ्‌भे़ल्‍ले़ यहवे दाङ्‌बे़ल्‍ले़ पाःत्तुआङ् वाॽरो॥

यर्मिया 21:12

दाउदरे़ कुमुॽइदाङ्‌सा यहुदाबा हाङ् हिम्‍सयङ्‌से, यहवे दाङ्‌बे़ल्‍ले़ अक्‍खे पाःत्तुरो, “‘थिक्‌याःन्‍धक् कुदोःप्‍मा खासे़न्‍निन् तक्‍ते़म् कत्ते़म्‍मे़ॽओ॥ मना के़घुम्‍बाल्‍ले़ कुहुक्‍कोलाम्‍बा मे़नाप्‍तुसिबाहाॽ ताङ्‌से़ःप्‍ते़म्‍सिम्‍मे़ॽओ॥ मेःन्‍ने़भग्र खिनिॽ फे़न्‌याःम्‍बक्‍किल्‍ले़ आसिक् पोःक्‍काङ् मि पोङ्‌ङारो खे़ब्‍याङ् खे़न् हाःत्‍ले़आङ् से़प्‍मा मे़सुक्‍तुम्‍बा मि हे़क्‍के हुरुरुना तिःत्‍लो॥

यसैया 33:1

मना के़से़प्‍पा खिनिॽ अस्‍सेरियाहाॽ, के़जिःत्ति के़स्‍ये़ॽइरो! कर खे़निॽग हाःत्‍ले़आङ् मे़न्‍छे़त्ते के़वयिॽ! चिःत्ते़स्‍ये़रो, खिनिॽ इङ्‌ले़क्‍स्‍वाबाहाॽ, खिनिॽग हाःत्‍ले़आङ् इङ्‌मे़ल्‍ले़क्‍के के़वयिरो! मनाहाॽ खे़निॽ मे़ङ्‌मा के़ले़रुम्‍सिम्‍मिल्‍ले़, खे़निॽआङ् के़म्‍मे़क्‍खिरो॥ मनाहाॽ खे़निॽ इङ्‌ले़क्‍मा के़ले़रुम्‍सिम्‌ॽ, खिनिॽआङ् इङ्‌ले़क्‍को के़ध्‍ये़ॽइरो॥

यसैया 25:10

कन् सियोन कोःक्‍मान् यहवे दाङ्‌बे़ल्‍ले़ ताङ्‌से़ःप्‍तुरो कर याॽलाङ्‌ङिन् पिॽहिओ चिराक् चिराक् लाःक्‍मनाबा कुइसिक् मोआब लाजेन् खुने़ॽ कुलाङ्‌भो सिगाङ् पोङ्‌लो॥

यसैया 15:6

निम्रिमओबा खरःक्‌वान् चप्‍प्रे़क् चप्‍तुरो, हे़क्‍क्‍याङ् याःन्‍सुङ्‌हाॽ इरे़मे़रो॥ पोःक्‍ला-सिङ्‌बुङ् खाप्‍पुथ्‍यःङ् पोःक्‍खे़रो, लेःत्ताङ्‌बा मे़प्‍मनाबा थेआङ् होप्‍लो॥

साम्‌योथिम् इङ् 24:14

खिनिॽ इस्राइलि नुसाॽसाङ् इग्र खिनिॽ ये़क्‌यक्‍को के़दाबाआङ् के़युङ्‌बा वेॽ लाजेॽबासाङ्, कुभा याङ्‌गे़साॽबा थेआङ् मे़ङ्‌गप्‍मनाबा याःल्‍लेःक् के़ने़ॽबा के़जाबे़न् मे़न्‌वाॽमनाबा पाःन्‍नो मे़घुम्‍से़म्‍मिन्‍ने़ॽ॥

रोमि 16:20

सनारुङ् याप्‍मि के़बिबा निङ्‌वाॽफुमाङ्‌ङिल्‍ले़ हाराए माफे़न्‍साम्‍मिन् खिनिॽ लाङ्‌भो सिगाङ् थासुआङ् तोॽरुॽरो॥ आल्‍ल आनिॽ दाङ्‌बा ये़सु ख्रिस्‍तरे़ कुलुङ्‌गुम्‍मिन् खिनिॽनु वाॽर॥

जकरिया 9:8

थङ्‌ङो के़भप्‍पाहाॽलाम् आहिम्‍मिन् ताङ्‌से़ःप्‍मारे़ लागि खे़न् के़रे़क् पिसाङ् आङ्‌गाॽ साःङ्‌गाहिम् चोगुङ्‌लो॥ आत्तिन् कुॽइगे़भे़म्‍बाहाॽरे़आङ् आमनाहाॽ याम्‍मो तुक्‍खे मे़न्‍जाःत्तुसिन्‍लो, थेआङ्‌भे़ल्‍ले़ आल्‍ल खे़ङ्‌हाॽ आप्‍फेक् कोसुङ्‌सिङ्‌लो॥”

यसैया 49:26

खे़निॽ तुक्‍खे के़जाःप्‍पाहाॽ आङ्‌गाॽ खुन्‍छिॽ आबाङे ने़क्‍सान् चामा पाङ्‌घुङ्‌सिङ्‌लो॥ चे़ल्‍ले़क्‍सेॽ थिःल्‍ले़ मयुसिबा हे़क्‍के खे़ङ्‌हाॽ आबाङे खुन्‍छिॽ माक्‍खिल्‍ले़ मयुसिरो॥ हे़क्‍केलॽरिक् इक्‍सादिङ् खाम्‍बेःक्‍मोबा के़रे़क् मे़न्‍छाम् सुवाङ्‌हाॽरे़ आङ्‌गाॽए खे़ने़ॽ के़यहवे दाङ्‌बा के़से़न्‍लप्‍दाङ्‌बाआ, के़मे़ल्‍लुङ् के़हुङ्‌बाआङ् के़धे़ॽबा याकुबरे़ कुमुक्‍साम्‍दाङ्‌बा कुनिङ्‌वाॽफुमाङ्‌आ फाॽआङ् निङ्‌वाॽ मे़घोसुरो॥”

यसैया 54:14

खासे़न् चोःक्‍मा नु साम्‌योबा पाःन्‍निल्‍ले़ खे़ने़ॽ के़धुम्‍बा के़बोङ्‌लो, मनारे़ ताप्‍फे़ःल्‍लिक् मे़प्‍मा नु किमा यङ्‌मालाम् किमा मे़बोङ्‌ने़ल्‍लो॥

यसैया 58:7

कप्‍मनाबा चामा कुजाहाॽ कुसिक् के़लाःक्‍पाहाॽ पिमासि, हे़क्‍क्‍याङ् हिम्‍धाःङ् मे़ङ्‌गप्‍मनाबा याङ्‌गे़साॽबाहाॽ युङ्‌मादे़न् पिमासि— ले़क्‍चाबुधुक् के़वाॽबाहाॽ निमासिआङ् तेत् चाक्‍मासि, खे़ब्‍याङ् आबाङे फुॽनुसाॽ सःङ्‌हाॽलाम् चिङ्‌सिङ्‌मा मेःन्, मेःम्‍बि?

यर्मिया 40:11

आल्‍ल मोआबबा, अम्‍मोन, ए़दोम नु वेॽ निःत्ताङ्‌बा लाजेॽहाॽओ के़वाॽबा यहुदाबा मनाहाॽरे़ बेबिलोनबा हाङ्‌ङिल्‍ले़ कुभा मनाहाॽ यहुदाओ ले़रुधसिआङ् गदल्‍याहन् खे़ङ्‌हाॽरे़ खुन्‍छिॽ तुम् हाङ्‌युक्‍पा चोगुआङ् वाॽ फाॽआङ् खे़ङ्‌हाॽरे़ मे़घे़प्‍सु,

ओबदिया 1:14

खे़ङ्‌हाॽरे़ खुन्‍छिॽ के़घे़त्‍छिङ्‌बा मनाहाॽ ते़म्‍मासिरे़ लागि लाम्‍दोओ खे़ङ्‌हाॽ हाङ्‌मासिआङ् युङ्‌मा मे़न्‍नुॽमनाबा वये़रो, खे़ङ्‌हाॽरे़ खुन्‍छिॽ तुक्‍खे लाक्‍खे मे़दुमुबा ये़न्‍नो खे़ङ्‌हाॽरे़ खुन्‍छिॽ के़हिङ्‌बा मनाहाॽ ते़म्‍मासिआङ् निङ्‌मि हुक्‍को थामासि मे़न्‍नुॽमनाबा वये़रो॥”