Biblia Todo Logo
Bib sou entènèt

- Piblisite -




यसैया 14:4 - लिम्‍बु

4 कन् ये़न्‍निन् ताःल्‍ले़ खे़ङ्‌हाॽरे़ बेबिलोनबा हाङ्‌ङिन् अक्‍खे मे़मे़त्तुर किनाःन्‍दि मे़बिरुरो, “साॽरिक् कुॽइगे़भे़म्‍बा हाङ्‌ङिन् चोःन्‍दे़रो! खे़ल्‍ले़ याम्‍मो आत्तिन्‍हाॽआङ् तुक्‍खे मे़जाःत्तुसिन्‍लो!

Gade chapit la Kopi




यसैया 14:4
35 Referans Kwoze  

खे़निॽ तुक्‍खे के़जाःप्‍पाहाॽ आङ्‌गाॽ खुन्‍छिॽ आबाङे ने़क्‍सान् चामा पाङ्‌घुङ्‌सिङ्‌लो॥ चे़ल्‍ले़क्‍सेॽ थिःल्‍ले़ मयुसिबा हे़क्‍के खे़ङ्‌हाॽ आबाङे खुन्‍छिॽ माक्‍खिल्‍ले़ मयुसिरो॥ हे़क्‍केलॽरिक् इक्‍सादिङ् खाम्‍बेःक्‍मोबा के़रे़क् मे़न्‍छाम् सुवाङ्‌हाॽरे़ आङ्‌गाॽए खे़ने़ॽ के़यहवे दाङ्‌बा के़से़न्‍लप्‍दाङ्‌बाआ, के़मे़ल्‍लुङ् के़हुङ्‌बाआङ् के़धे़ॽबा याकुबरे़ कुमुक्‍साम्‍दाङ्‌बा कुनिङ्‌वाॽफुमाङ्‌आ फाॽआङ् निङ्‌वाॽ मे़घोसुरो॥”


साङ्‌ग्राम्‍पेदाङ्‌ङो के़वाॽबासे, खे़न् मे़गे़बाओ सःत्ते़म्‍मे़ॽओ! निङ्‌वाॽफुमाङ्‌ङिल्‍ले़ सेसे कुमनाहाॽ, सेःक्‌युक्‍मिबाहाॽ हे़क्‍क्‍याङ् माङ्‌निङ्‌वाॽपान् के़बाःप्‍पासे, सःत्ते़म्‍मे़ॽओ! थेआङ्‌भे़ल्‍ले़ खिनिॽ निङ्‌घुम् के़मे़त्तिबाल्‍ले़ चोगुल्‍ले़ निङ्‌वाॽफुमाङ्‌ङिल्‍ले़ खे़न् खुम्‍दिङ् पिरुआङ् वाॽरो॥”


अक्‍खे मे़लॽरो, “आयाक्‍को, आयाक्‍को! खे़न् पयम् यम्‍बा ये़क्‌यक्‍किङ्‌ग नुःब्‍नुबा नाइनासुःत्, परान्‍ला नु हे़ःत्‍के़लॽबा तेत्‍फुङ्‌हाॽ चाक्‍सिङ्‌ङाङ् साम्‍म्‍याङ्‌हाॽ, इमे़ल्‍लुङ्‌बा मुधिङ्‌लुङ्‌हाॽ हे़क्‍क्‍याङ् ते़क्‍सेःक्‍किल्‍ले़न् वाःत्तिहाॽ के़वाःप्‍मा मे़न्‍छुमाॽइन् कुइसिक् साॽरिक् नुबा चोगे़रो॥


हे़क्‍क्‍याङ् इङ्‌गाॽ खे़न् मे़न्‍छुमाॽइन् ओमे़त्तुङ्‌ङिल्‍ले़ निङ्‌वाॽफुमाङ्‌ङिल्‍ले़ कुसेसे मनाहाॽ नु ये़सु ख्रिस्‍तरे़ कुरुमेहाॽरे़ खुनिॽ माक्‍खिॽइल्‍ले़ मयुआङ् वये़बा निसुङ्‌ङाङ् साॽरिक् आनिङ्‌वाॽ मये़रो॥


ले़बनानबा ताम्‍भुङ्‌हाॽ खे़ने़ॽ के़ले़ःक्‍खुआङ् ने़रो, आल्‍ल खे़ने़ॽ खे़ङ्‌हाॽरे़ के़म्‍ले़ःङ्‌लो॥ खे़प्‍मोबा थक्‍साहाॽ खे़ने़ॽ के़से़रुसिरो आल्‍ल खे़न् थक्‍साहाॽरे़ खे़ने़ॽ यङ्‌मा के़म्‍से़त्‍लो॥ कन्‍हाॽ के़रे़क् पोङ्‌ॽ थेआङ्‌भे़ल्‍ले़ मनाहाॽरे़ खुन्‍छिॽ माक्‍खिॽ के़से़सुरो, खे़ब्‍याङ् खे़ने़ॽ लाजेॽहाॽ नु ये़क्‌यक्‍हाॽ हे़क्‍क्‍याङ् खे़प्‍मो के़युङ्‌बाहाॽ के़रे़क् के़मे़क्‍खुसिरो॥


खुने़ॽ आदाङ्‌बारे़ के़हुक्‍को इक्‍सादिङ् खाम्‍बेःक्‍मोबा के़रे़क् मे़न्‍छाम् याप्‍मिहाॽ नु कुबु थक्‍साहाॽ हे़क्‍क्‍याङ् ताङ्‌साङ्‌बोबा पुसाहाॽ के़बिरे़आङ् वाॽ॥ खे़ङ्‌हाॽ आत्तो आत्तो मे़वाॽ, खुने़ॽ खे़ङ्‌हाॽ सम्‍धाङ् खे़ने़ॽ युक् के़बिरे़आङ् वाॽ॥ खे़न् साम्‍म्‍याङ् थे़गेक्‍पाङ्‌ग आदाङ्‌बान्‍नेरो॥


खिनिॽ किप्‍मा के़घुबा नु यङ्‌मा आसिसिबा हे़क्‍क्‍याङ् कुनामे़न्‍छाॽ मे़प्‍मा चाहाक् के़बोःक्‍खिॽ॥ खे़निॽ खिरिबा के़रे़क् मे़न्‍छाम् सुवाङ्‌हाॽरे़ लागि खिनिॽ साम्‍दिङ् के़बोःक्‍खिॽ॥ आङ्‌गाॽ यहवे दाङ्‌बे़ल्‍ले़ मे़न्‍छाम् सुवाङ्‌हाॽ आसिक् पोःक्‍मो खुम्‍दिङ् पिरुङ्‌सिङ्‌ङिल्‍ले़ हे़क्‍क्‍याङ् फे़ःक्‍तुङ्‌सिङ्‌ङिल्‍ले़ थे़मा पोङ्‌ॽ के़लॽबान् खे़ङ्‌हाॽरे़ मे़निसुॽ, आङ्‌गाॽ यहवे दाङ्‌बे़ल्‍ले़ कन् पाःत्तुङ्‌ङाङ् वाॽ!


आयाक्‍को साम्‍म्‍याङ्‌ङिल्‍ले़ कुओःप्‍मान् मये़बेरो साम्‍म्‍याङ् इसेःङ्‌बान् सभिङ्‌ग्‍याःप्‍पा पोःक्‍खे़रो! सेसे लुङ्‌हाॽ यम्‍बा माराम्‍हाॽ थक्‍मा हत्‍छे़ हत्‍छे़ मे़से़सुआङ् ने़रो॥


आङ्‌गाॽ खे़ङ्‌हाॽ इक्‍सादिङ् खाम्‍बेःक्‍मोबा हाङ्‌जुम्‍हाॽओ नाःत्तुङ्‌देसुङ्‌सिङ्‌ॽ, खे़प्‍मो आङ्‌गाॽ खे़ङ्‌हाॽ चिःप्‍मा नु साःप्‍मा हे़क्‍क्‍याङ् एःप्‍मा नु माङ्‌दे साङ्‌ग्रा मे़प्‍मा चाहाक् चोगुङ्‌सिङ्‌ॽ॥


खे़न् चल्‍लाङ्‌ना खोर्‍यान् खिनिॽ ताप्‍फे़ःल्‍लिक् के़मे़प्‍पाहाॽ पिरुङ्‌सिङ्‌लो, खे़ङ्‌हाॽरे़ खिनिॽ अक्‍खे के़म्‍मे़त्तिआङ् मे़वये़रो, ‘खिनिॽ साम्‍बोन्‍नाङ् लम्‍बे़त् ने़साम्‍मे़ॽओ आनिगे खिनिॽ सम्‍धाङ् लाङ्‌घेगिगे़रो॥ हे़क्‍क्‍याङ् खिनिॽ एःक्‍के़न् खाम्‍बाङ् कुसिङ् चोगे़म्‍मे़ॽओ खे़ब्‍याङ् लाङ्‌घेःक्‍मा लाम् हे़क्‍तङ्‌बा पोङ्‌लरो॥’”


“नुमासुक्‍मा बेबिलोने, खे़ने़ॽ स्‍वाःत्ताङ् खामाक्‍लुम्‍बाःत्तो पेगे़ॽआङ् युङे़ॽओ, आल्‍लआङ्‌धो याम्‍मो खे़ने़ॽ हाङ्‌जुम् हाङ्‌जुम्‍बा हाङ्‌मा के़मे़न्‍मे़त्‍ने़ल्‍लो॥


इक्‍सादिङ् खाम्‍बेःक्‍मे़न् मुरे़क् खारे़क्‍पा ये़ःङ्‌घादे़न् के़जोःक्‍पा, हे़क्‍क्‍याङ् खे़ॽयो के़ने़बा ये़क्‌यक्‍हाॽ के़नाःम्‍बा खे़ब्‍याङ् मे़दे़म्‍सु मे़देॽरुसिबाहाॽ हिम्‍मो पेःक्‍मा मे़म्‍भाःक्‍मनाबा मनान् हाबा कन् मेःम्‍बि?’


खे़न् हाङ्‌हाॽरे़ खुन्‍छिॽ साक्‍के़न् पोःक्‍मो मनाहाॽ चक्‍मे़ल्‍लॽए मे़हिप्‍तुसिरो, हे़क्‍क्‍याङ् खुन्‍छिॽ मे़नाःन्‍दुसिबा लाजेॽहाॽ आभे़ल्‍ले़साङ् तुक्‍खे चाःप्‍मा मे़ल्‍ले़रुसिन्‍लो॥


बेबिलोन हाङ्‌जुम्‍मिन् के़रे़क्‍नुःल्‍ले़ नुबा चोक् फाॽआङ् बेबिलोन के़युङ्‌बा मनाहाॽ आङ्‌दिङ् मे़लॽरो॥ कर आङ्‌गाॽ यहवे दाङ्‌बे़ल्‍ले़ सदोम नु गमोरा ये़क्‌यक्‍किन् फे़त्‍लाःन्‍दुङ्‌बा कुइसिक् कन् हाङ्‌जुम्‍मिन् खाप्‍पुथ्‍यःङ् चोगुङ्‌लो॥


खुने़ॽ निङ्‌वाॽफुमाङ्‌ङिल्‍ले़ कुहिम्‍मोबा यम्‍बा चुक्‍पा के़रे़क् खप्‍प्‍या सामाहाॽ नु यहवे दाङ्‌बे़ल्‍ले़ कुहिम्‍मोबा याङ्‌भुहाॽ खे़ब्‍याङ् हाङ्‌ङिल्‍ले़ कुयाङ्‌भुओबा नु कुसुहाङ्‌युक्‍पाहाॽरे़ खुन्‍छिॽ याङ्‌भुओबा कुमे़ल्‍लुङ् के़घिःक्‍पा सामाफुमाहाॽ के़रे़क् तेॽरुआङ् पे॥


थेआङ्‌भे़ल्‍ले़ खे़ने़ॽ खे़ङ्‌हाॽरे़ खुन्‍छिॽ के़लिःप्‍पा खे़ःप्‍सिङ्‌ङिन् के़ए़क्‍खु के़बिरुसिरो हे़क्‍क्‍याङ् ते़ःम्‍भुक्‍किन् स्‍याक् वयाक् के़भुॽरु के़बिरुसिआङ् वाॽरो॥ यरिक् ये़न् तगि मिध्‍यान लाजेॽबा थक्‍सुबाहाॽ के़नाःन्‍दुसिबा हे़क्‍केए खे़ने़ॽ के़मनाहाॽ के़युक्‍पा नु तुक्‍खे के़जाःप्‍पा सुवाङ्‌हाॽ के़नाःन्‍दुसिआङ् वाॽरो॥


कन् माङ्‌निङ्‌वाॽपान्‍निङ्‌ग बेबिलोन ये़क्‌यक्‍किल्‍ले़ कुयाःम्‍बेओ आमोजरे़ कुस्‍सा यसैयाःल्‍ले़ सुफोओ निसुबारो—


यहवे दाङ्‌बे़ल्‍ले़ खे़न् कुॽइगे़भे़म्‍बा हाङ्‌हाॽरे़ खुन्‍छिॽ हाङ्‌तक्‍काःत्तिन् नु युक्‍साबाहाॽरे़ खुन्‍छिॽ तक्‍काःत्तिन् ए़क्‍खु पिरुसिरो॥


मोआबलाम् मे़लःत्तु मे़देसुसिबा मनाहाॽ खे़ने़ॽनु मे़युङ्‌लरो, आमे़ङ्‌मे़ङ्‌बा मनाहाॽलाम् खे़ङ्‌हाॽरे़ खुन्‍छिॽ लागि खे़निॽ लत्‍छा से़ःप्‍सिङ्‌मादे़न् पोःक्‍खे़ आबिरे़ॽओ॥” याप्‍मि तुक्‍खे के़जाःप्‍पा मनाहाॽ आल्‍ल हाराए मे़मे़क्‍काङ् तुक्‍खे सिमा मे़क्‍मा मे़बोङ्‌ने़न्‍लो, याप्‍मि निङ्‌घुम् तुक्‍खे के़जाःप्‍पाहाॽ लाजेॽलाम् मे़मा मे़बेःक्‍लो॥


खिनिॽ नावागे़न् चइःत् के़जोःक्‍पा ताङ्‌साङ्‌बे़न् के़जोःक्‍पाआङ् खे़न् के़घिङ्‌बा नु इक्‍सादिङ् खाम्‍बेःक्‍मे़ल्‍ले़ कुबुङ् के़युङ्‌बा, यहवे दाङ्‌बे़न् खिनिॽ निङ्‌वाॽ के़भेःत्‍छुम्‍बि? खिनिॽ मे़ङ्‌मा के़इःप्‍पाहाॽ नु खिनिॽ तुक्‍खे के़जाःप्‍पाहाॽरे़ खुन्‍छिॽ सिक्‍पोःक्‍माल्‍ले़ चोगुल्‍ले़ चक्‍मे़ल्‍लॽए खिनिॽ के़गिसिआङ् के़वयिबाबि? खे़ङ्‌हाॽरे़ खुन्‍छिॽ सिक्‍पोःक्‍माल्‍ले़ खिनिॽ सुमा के़न्‍छुक्‍तिन्‍लो॥


खासे़न् चोःक्‍मा नु साम्‌योबा पाःन्‍निल्‍ले़ खे़ने़ॽ के़धुम्‍बा के़बोङ्‌लो, मनारे़ ताप्‍फे़ःल्‍लिक् मे़प्‍मा नु किमा यङ्‌मालाम् किमा मे़बोङ्‌ने़ल्‍लो॥


किप्‍मा के़घुबा लत्‍छा सुफोधिक् आङ्‌गाॽ ओसेःन्‍मे़धाक्‍ताङ्‌लो— इङ्‌ले़क् के़जोःक्‍पे़ल्‍ले़ इङ्‌ले़क्‍के चोगुरो, हे़क्‍क्‍याङ् के़मे़ङ्‌बे़ल्‍ले़ मे़क्‍खुरो॥ एलामबा थक्‍सुबासे, ते़न्‍धङ् चोगे़म्‍मे़ॽओ, मादिबा थक्‍सुबासे, ये़क्‌यक्‍हाॽ कब्रिङ् कबाम्‍सिम्‍मे़ॽओ बेबिलोनबाहाॽरे़ मे़याःत्‍ल मे़याःन्‍दुसिबान् आङ्‌गाॽ नुप्‍सुङ् पिरुङ्‌सिङ्‌लो॥


मोआबरे़ कुघिरि के़युङ्‌बासे, खुने़ॽ कुमिङ्‌सो कुधाःङ्‌सो के़घे़म्‍बा के़निबासे, खे़ल्‍ले़ कुलागि हाबाम्‍मे़ॽ फिःक्‍ते़म्‍मे़ॽओ! ‘खे़ल्‍ले़ के़मुक्‍पा कुयुक्‍किन् मये़रो, कुहाङ्‌वा कुमाङ्‌वा नु कुमुक्‍साम्‍मिन् आल्‍ल होप्‍लो!’


Swiv nou:

Piblisite


Piblisite