थक्सालुप् नु थक्सा सुम्, के़रे़क् कुसक्मा के़याक्पा परिक् परिक्पाहाॽ खे़प्मो मे़ने़ मे़इम्लो॥ मुरे़क् खारे़क् थेआङ् के़होःप्पादे़न्नोबा फक्थिःम्बा नु के़अःक्पा फक्थिःम्बे़ल्ले़ खे़प्मोबा सित्लाङ्ङो हाप् चोगुरो॥ खे़ङ्हाॽ मे़अःक्पा इक्लाःल्ले़ पेधाःप्हाॽओलाम् लोःक्खुरो, लाम्धाःत्हाॽओ लुङ्जिगेःक्हाॽ नु लुङ्घे़ल्ले़क्हाॽ ने़रो, पे़रे़म्बा साम्माङ्सिङ् कुदाॽमाहाॽ यःक्पे़त् निधाःप्लो॥
यसैया 14:23 - लिम्बु23 मुक्साम्दाङ्बा यहवे दाङ्बे़ल्ले़ कन् पाःन्निन् पाःत्तुआङ् वाॽरो, “आङ्गाॽ बेबिलोन ये़क्यक्के़न् आहुम्हुम्बा ले़क्वा पोङ्ल चोगुङ्लो, हे़क्क्याङ् खे़ॽयो फक्थिःम्बाहाॽ याङ्मे़धोःक्लो॥ आङ्गाॽ बेबिलोन ये़क्यक्के़न् ताम्दुःक्खेःल्ले़ तुःक्मनाबा कुइसिक् के़रे़क् पाःन्हाॽ तुगुङ्देसुङ्लो॥” Gade chapit la |
यसैया 14:23
17 Referans Kwoze
हे़क्क्याङ् थिक्सिगेक्पा माङ्लाइङ्बाल्ले़ कुएगाङ् के़बप्पा निसिगेक्पा माङ्लाइङ्बाल्ले़ अक्खे पाःत्तुर अःक्ते़, “बेबिलोनिन् मे़गे़रो, पयम् यम्बा ये़क्यक्किन् मे़गे़रो॥ खे़न् ये़क्यक्किल्ले़ इक्सादिङ् खाम्बेःक्मोबा के़रे़क् मे़न्छाम् याप्मिहाॽ सिजङ्वाःल्ले़ मयुसिबा कुइसिक् याम्बोःप्माल्ले़ मःसुसिआङ् वाॽरो॥”
कल्ले़चोगुल्ले़ आङ्गाॽ यारोबमरे़ कुहिम्सयङ्ङो मे़क्मासिमे़न् खा तारुङ्ॽ॥ आङ्गाॽ इस्राइलओ के़वाॽबा यारोबामरे़ कुहिम्सयङ्बा के़रे़क् ये़म्बित्छा, योग्बा इग्र योग्बा मेःम्बा खक्पे़त् युम्रे़क् मे़क्खुङ्सिङ्ॽ॥ खे़न् वरे़ङ्ले़ङ् खक्पे़त् मे़म्मे़क्के थारिक् यारोबामरे़ कुहिम्सयङ्ङिन् पिॽहि हाःम्मनाबा हे़क्के आङ्गाॽ मिधिक्खुङ्ॽ॥
हे़क्क्याङ् खे़ल्ले़ पयम् यम्बा इक्लाओ अक्खेलॽरिक् पाःत्तुर अःक्ते़रो, “बेबिलोनिन् मे़गे़रो, पयम् यम्बा ये़क्यक्किन् मे़गे़रो! खे़न् आल्ल लेःत्छाम् फुङ्साम् नु फे़न्साम्हाॽरे़ खुनिॽ वाॽमा ते़न् पोःक्खे़आङ् वाॽ॥ खे़प्मोग काक् परिक्ले़न् सिक्के़ले़ःङ्बा नु आसुत्थो पुहाॽ याङ्मे़धोःक्लो॥
आङ्गाॽ सामरियान् खुम्दिङ् पिरुङ्ङिल्ले़ याङुङ्बा वद्रान् नु आहाबरे़ कुहिम्सयङ्ङिन् खुम्दिङ् पिरुङ्ङिल्ले़ याङुङ्बा खिदोराःल्ले़ आङ्गाॽ यरुसले़ःम्मिन् खुम्दिङ् पिरुङ्ॽ॥ आक्खेलॽरिक् मनाःल्ले़ कुजे़त्थ्यान् इःक्खुआङ् साबन् फत्छुॽ, हे़क्केलॽरिक्के आङ्गाॽ यरुसले़ःम्मिन् वरे़ङ्ले़ङ् इःक्खुङ्ॽ॥
ओवा, माःङ्घा माःङ्घाबा लाजेॽहाॽलाम् खे़ल्ले़ कुदक्ले़ङ्वाओ त्ये़म्मे़ॽओ॥ खे़ल्ले़ कुजा युङ्मा थाःङ्हाॽ यसे़म् पिरे़म्मे़ॽओ॥ खे़ल्ले़ कुहिम्हाॽ नु कुलुङ्धाक्हाॽ उःक्पे़त् लुम्सिङ्ङाङ् ने़र लुःन्दे़म्देसे़म्मे़ॽओ॥ खे़न् युम्रे़क् मे़क्खे़म्मे़ॽओ, खे़ब्याङ् कुधे़माधिक्काङ् मे़ले़रे़म्मिन्ने़ॽओ!
Piblisite