हे़क्क्याङ् खिनिॽ कपर्नहुम पाङ्जुम्मोबा मनासे, साङ्ग्राम्पेदाङ् थारिक् पेगिगे़ॽ के़लॽरिबि? मेःन्लो! खिनिॽग खे़मायङ्सङ् थारिक् के़ध्ये़ॽइरो॥ थेआङ्भे़ल्ले़ खिनिॽ पाङ्जुम्मो चोगे़बा हे़क्तङ्बा निङ्वाॽ के़माबा याःम्बक्हाॽ सदोम ये़क्यक्को चोगे़आङ् वये़ल्ले़ग खे़न् ये़क्यक्किङ्ग आइन् थारिक् ने़स्से़बामे़न्!
यसैया 14:15 - लिम्बु15 कर खे़ने़ॽग खे़मायङ्सङ् लुम्बाःत्तो थारिक् मक्के़ध्ये़आङ् के़वाॽरो॥ Gade chapit la |
यसैया 14:15
13 Referans Kwoze
खे़ङ्हाॽरे़ खुन्छिॽ इपुङ्हाॽ के़रे़क्नुःल्ले़ केःम्बा लुम्बाःत्तो ने़रो, हे़क्क्याङ् खे़ङ्हारे़ खुन्छिॽ तेःङ्जुम् लाजेॽबाहाॽरे़ खुन्छिॽ कब्रिङ् मे़गबुसिआङ् ने़रो॥ खे़ङ्हाॽरे़ आत्तान्छाङ् मनाहाॽ खुन्छिॽ सिक्लुङ्मो मे़गिमे़सिर मे़याःन्दुसि, कर आल्लो खे़ङ्हाॽ ताभेःल्ले़ मे़से़रुसिआङ् मे़ने़रो॥
हे़क्क्याङ् खे़न् किप्मा के़घुबा थक्सान् नु खुने़ॽ कुदगि निङ्वाॽ के़माबा याःम्बक् के़जोःक्पा खे़न् इङ्ले़क्पा माङ्निङ्वाॽपान् के़बाःप्पे़न् मे़दे़म्सुसिरो॥ खे़ल्ले़ मुक्साम्रे़ कुधिम्बा निङ्वाॽ के़माबा याःम्बक्हाॽरे़ खे़न् किप्मा के़घुबा थक्साःल्ले़ इबुगे़न् कुमिक्सेन् के़लक्पा नु कुनावाइत्लान् से़वा के़जोःक्पाहाॽ इङ्ले़क्तुसिआङ् वये़रो॥ खे़ङ्हाॽ ने़प्माङ् कुहिङ्वे़त्ते कान्धाक् के़दिःप्पा मिराःक् लुम्बाःत्तो लाप्मे़भुसुसिरो॥
कन् चोःन्दे़बा इक्लाःल्ले़ आङ्गाॽ मे़न्छाम् सुवाङ्हाॽ किमे़ल्ले़ थे़गक्कक्ना मे़यक्खे़र चोगुङ्, थेआङ्भे़ल्ले़ खे़मादिङ् यङ्सङ्ङो के़धासिङ्बा वेॽ के़रे़क्नु सोरिक् इपुङ्ङो आङ्गाॽ कन् मु पाङ्घुङ्॥ हे़क्क्याङ् अदनबा के़रे़क् सिङ्बुङ्हाॽ, ले़बनानबा साॽरिक् नुबा नु चाॽरिक् के़घे़म्सिङ्बा यरिक् च्वाःत्हाॽओ थारिक् के़बेःक्पा सिङ्बुङ्हाॽरे़, इक्सादिङ् खाम्बेःक्मोबा लुम्बाःत्हाॽनु हाङ्हाङ् मे़त्छिङ्मा मे़घोसु॥
खाॽमिःत्हाॽनुःल्ले़आङ् कन् केःम्बा पोङ्साङ् हे़क्क्याङ् मु सिगाङ्लाम् च्वाःत्तिल्ले़ वारक्खुसाङ् वेॽ लाजेॽबा आत्तिन् सिङ्बुङ्ङिन्नाङ् आप्फेक् कुनुॽमा कुदामो आङ्दिङ् लॽरिक् मे़सःत्ने़न्लरो॥ थेआङ्भे़ल्ले़ इक्सादिङ् खाम्बेःक्मे़ल्ले़ कुसिगाङ् लुम्बाःत्तो पेःक्मा, सिमारे़ लागि के़रे़क् मे़मे़क्लो॥ इक्सादिङ् खाम्बेःक्मोबा के़रे़क्नु सोसोरिक् खे़ङ्हाॽ खे़मादिङ् यङ्सङ्ङो मे़जुक्लो॥”
Piblisite