यसैया 14:1 - लिम्बु1 कर यहवे दाङ्बे़ल्ले़ याम्मो थिक्ले़ङ् याकुबरे़ कुमुॽइदाङ्साहाॽ लुङ्माॽ तुक्तुसिरो॥ हे़क्क्याङ् इस्राइलि मे़न्छाम् सुवाङ्हाॽ याम्मो थिक्ले़ङ् खुने़ॽ कुमना पोङ्से़ सेगुसिरो॥ यहवे दाङ्बे़ल्ले़ खे़ङ्हाॽ याम्मो आबाङे खुन्छिॽ लाजेॽओ युङ्से़ तारुसिरो॥ हे़क्क्याङ् यरिक् वेॽ वेॽ लाजेॽहाॽलाम् मनाहाॽ मे़दाआङ् खे़ॽयो मे़भुङ्सिङ्लो हे़क्क्याङ् इस्राइलबा मनाहाॽनु खुन्छिॽ थिक्हुप् मे़बोङ्लो॥ Gade chapit la |
यसैया 14:1
65 Referans Kwoze
“नाम्गे़त् पिसाङ् नु नाम्धा पिसाङ् थारिक् के़रे़क् मे़न्छाम् सुवाङ्लुम्मो आङ्गाॽ आमिङ्ङिन् पयम् यम्बा पोङ्ॽ॥ के़रे़क् ते़न्हाॽओ आङ्गाॽ आमिङ्ङो मे़न्छाम् सुवाङ्हाॽरे़ सुक्पा मे़हाःन्दुॽ हे़क्क्याङ् सुत्थो हुक्सोयाङ् मे़दारुॽ, थेआङ्भे़ल्ले़ के़रे़क् मे़न्छाम् सुवाङ्हाॽरे़ आङ्गाॽ मिङ्सो इङ्धाङ् मे़बिआरो,” मुक्साम्दाङ्बा यहवे दाङ्बे़ल्ले़ पाःत्तुॽ॥
ताङ्साङ्बे, सःत्ते़ॽआङ् यम्बा इक्लाओ साम्लोरे़ॽओ, इक्सादिङ् खाम्बेःक्के, ये़ये़ लॽरे़ॽओ॥ कोःक्मा फाङ्जङ्से, खे़निॽ इक्लान् लःत्ते़म्मे़ॽआङ् साम्लोरे़म्मे़ॽओ! थेआङ्भे़ल्ले़ यहवे दाङ्बे़ल्ले़ आबाङे कुमना इस्राइलिहाॽ आःन्छिङ्मा पिरुसिआङ् वाॽरो, हे़क्क्याङ् तुक्खे के़दुम्बा खुने़ॽ कुमनाहाॽ लुङ्माॽ तुक्तुसिआङ् मे़वाॽरो॥
से़क्खा, आङ्गाॽ मे़त्निङ्, खिनिॽ आङ्गाॽ याप्मि के़घोसिॽ खे़ब्याङ् आङ्गाॽ खिनिॽ आबाङे लाजेॽओ नुःक्निङ् ताःत्निङ्॥ आङ्गाॽ खिनिॽ नाःत्निङ्देनिङ्बा के़रे़क् लाजेॽ नु ते़न्नोलाम्बा आङ्गाॽ खिनिॽ सुम्निङ्॥ आत्तिन् लाजेॽलाम्बा आङ्गाॽ के़म्दे़म्सि के़म्देॽरिर याःन्निङ्ङाङ् वयाङ्, हाबा खे़न् लाजेॽओ आङ्गाॽ खिनिॽ नुःक्निङ् ताःत्निङ्॥ आङ्गाॽ यहवे दाङ्बे़ल्ले़ पाःत्तुङ्ङाङ् वाॽ॥”
खे़म्ब्याङ् खे़ङ्हाॽरे़ इक्सादिङ् खाम्बेःक्मोबा के़रे़क् मे़न्छाम् सुवाङ्हाॽलाम् खिनिॽ के़रे़क् फुॽनुसाॽहाॽ अन्हाॽ, अन्लाधाहाॽ, लाधाहाॽ, अदङ्हाॽ नु उमेहाॽओ कक् मे़जोगुआङ् आङ्गाॽ आसेसे कोःक्मा यरुसले़ःम्मो यहवे दाङ्बे़ल्ले़ कुलागि सिदुङ्जभा हे़क्के मे़दारुॽ॥ इस्राइलबा मनाहाॽरे़ खुन्छिॽ साहाॽरे़ मे़दारुबा पोगुगे़न् कुजाःल्ले़न् सिदुङ्जभाहाॽ सुत्थो खप्प्याओ मे़याक्तुआङ् यहवे दाङ्बे़ल्ले़ कुहिम्मो मे़दारुबा हे़क्के खे़ङ्हाॽरे़ कन्हाॽ मे़दारुसिॽ॥
युक्साबाहाॽरे़ खुन्छिॽ से़वारोबा, सुवाङ्हाॽरे़ साॽरिक् कुनामे़न्छाॽरुम्बा नु मे़जिःत्तुबान्, यहवे दाङ्बा, के़धे़ॽबा नु इस्राइलबा निङ्वाॽफुमाङ्ङिल्ले़ खे़न् मे़त्तुरो, “हाङ्हाॽरे़ खे़ने़ॽ के़म्नि हे़क्क्याङ् मे़बोःक्काङ् मे़ये़प्लो॥ हाङ्साहाॽरे़ खे़ने़ॽ के़म्निरो खे़ब्याङ् के़दगि साम्बोन् हबत् मे़भन्छिङ्लो॥ थेआङ्भे़ल्ले़ नसाःन्साबा यहवे दाङ्बा, इस्राइलबा सेसे निङ्वाॽफुमाङ्ङिल्ले़ खे़ने़ॽ के़सेगे़आङ् वाॽरो॥”
हाङ्ङिल्ले़ कुइङ्जाङ् के़गे़प्पा, के़रे़क् ते़ङ्गप् नु के़रे़क् ये़क्यक्हाॽओ यहुदिहाॽरे़ खुन्छिॽ लागि निङ्वाॽ तामा नु सिक्सम्मा, साभःङ्जा चामा नु सोसोत्लराङ् चोःक्मा ये़न् पोःक्खे़॥ हे़क्क्याङ् वेॽ सुवाङ्बा यरिक् मनाहाॽ यहुदि मे़बोःक्खे़, थेआङ्भे़ल्ले़ यहुदिहाॽनु खे़ङ्हाॽ मे़गिसे़रो॥
यहवे दाङ्बे़ल्ले़ अक्खे पाःत्तुरो— “मिस्र लाजेॽओ के़बोःक्पा कुजान् नु कुस लाजेॽबा याङ्साकुन्धेन् खे़ने़ॽ के़याङ्साकुन्धे पोङ्लो॥ हे़क्क्याङ् सेबाबा कुलिङ्गे़न् केःम्ब केःम्बा मनाहाॽ खे़ने़ॽ के़योःग्बा मे़बोङ्लो॥ फे़न्जेॽ थक्क्रङ्ङिल्ले़ इमे़घेःक्खुसिआङ् खे़ङ्हाॽ के़एगाङ् मे़भे़न्लो, खे़ङ्हाॽरे़ खे़ने़ॽ से़वा के़म्मे़त् हे़क्क्याङ् अक्खे पाःप्मा मे़दे़ल्लो॥ ‘निङ्वाॽफुमाङ्ङिन् खे़ने़ॽनु वाॽरो, खुने़ॽरक् निङ्वाॽफुमाङ्लो॥’”
कल्ले़चोगुल्ले़ यहवे दाङ्बे़ल्ले़ अक्तङ्बा नुगप् पिरुसिरो, “थे आम्ब्रे़ःङ्वा अङे़ःक्वान् कुम्मारे़ निङ्वाॽफेःम्मा सुक्तुबि? खुने़ॽ कत्तुबा अङे़ःक्वान् खे़ल्ले़ थे लुङ्माॽ मे़दुक्तुन्बि? खे़ल्ले़ निङ्वाॽ मुःम्माआङ् सुक्तुरो, कर आङ्गाॽ खे़ने़ॽ आभे़ल्ले़आङ् निङ्वाॽफेःम्मा मे़सुक्ने़ल्लो॥
कर यहवे दाङ्बे़ल्ले़ अक्खे पाःत्तुरो— “ओरो, थक्सुबाहाॽलाम् पुङ्लाहिम्मो साक्पा के़धाबाहाॽ हे़क्क्याङ् कुॽइगे़भे़म्बाहाॽलाम् मे़नाप्तुसिबा चिगक्वाहाॽ नाप्मा सुक्मे़दे़त्लो॥ आत्तिन्हाॽ खे़निॽनु खे़माॽ मे़जोक् आङ्गाॽ खे़ङ्हाॽनु खे़माॽ चोःक्कारो, खे़ब्याङ् आङ्गाॽ आस्सा आएहाॽ से़ःप्तुङ्सिङ्लो॥
कुॽइगे़भे़म्बे़ल्ले़ आबाङे कुलाम्मिन् नाःप्मा नाॽरुररो हे़क्क्याङ् लायो के़जोःक्पाल्ले़ कुनिङ्वाॽओ इःत्तुबा पाःन्निन् ले़रुदेसुररो॥ खे़ब्याङ् यहवे दाङ्बा ले़प्साङ् नुःङ्लरो, हे़क्क्याङ् खुने़ॽ खे़न् लुङ्माॽ तुक्तुरो॥ आनिॽ निङ्वाॽफुमाङ् पिसाङ् खे़न् हिसिङ्लरो, हे़क्क्याङ् खुने़ॽ खे़न् साम्बान् मे़न्हुङ्ङे ले़प्मि पिरुरो॥
यहवे दाङ्बे़ल्ले़ यरुसले़ःम्मिन् मे़त्तुरो, “वेॽ लाजेॽबा मनाहाॽरे़ के़लुङ्धाक्किन् याम्मो मे़से़त्तुरो, हे़क्क्याङ् खे़ङ्हाॽरे़ खुन्छिॽ हाङ्हाॽरे़ खे़ने़ॽ से़वा के़म्मे़त्लो॥ आङ्गाॽ आसाक्के़न् पोगे़ल्ले़ खे़ने़ॽ हिप्ने़रो, हे़क्क्याङ् आङ्गाॽ आलुङ्माॽ स्याःत् लॽमो खे़ने़ॽ लुङ्माॽ तुक्ने़रो॥
कन् लाजेन् लत्छा लक्खोमा कुसिङ्बा खिनिॽ आप्फेक् लागि नु खिनिॽनु के़युङ्बा, कुस्साकुए के़वाॽबा वेॽ लाजेॽबाहाॽरे़ खुन्छिॽ लागिआङ् कुलक् कुलक् फःक्खे़म् पिरे़म्सिम्मे़ॽ॥ खिनिॽ खे़ङ्हाॽ इस्राइलओए सागे़वाःन्छिङ्बा आप्फेक् लाजेॽबा कुइसिःक्के इःत्ते़म्सिम्मे़ॽ, खिनिॽनु सोसोरिक् इस्राइलबा थाःक्हाॽरे़ खुन्छिॽ लुम्मो खे़ङ्हाॽरे़ लक्खोमाए पोङ्ॽ॥
कर खे़ङ्हाॽरे़ मे़बाःत्तुॽ, ‘इस्राइलिहाॽ थो पिसाङ्बा लाजेॽ नु वेॽ के़रे़क् लाजेॽहाॽलाम्बा हे़क्क्याङ् आत्तान् आत्तान्लाम्बा खुने़ॽ खे़ङ्हाॽ लःत्तुदेसुसिआङ् वये़, खे़न् के़रे़क् लाजेॽलाम्बा के़लःप्पाआङ् के़दाःप्पा से़क्खाए यहवे दाङ्बे़न् कुहिङ्वे़त् वाॽबा कुइसिक्॥’ आङ्गाॽ खे़ङ्हाॽरे़ खुन्छिॽ पाधे़बाहाॽ पिरुङ्सिङ्बा आबाङे खुन्छिॽ लाजेॽओ खे़ङ्हाॽ नुःक्तुङ् तारुङ्सिङ्ॽ॥”
मुक्साम्दाङ्बा यहवे दाङ्बे़ल्ले़ पाःत्तुरो, “हे़क्क्याङ् खे़न् ये़न्निन् ताःल्ले़ खे़न् खे़ःप्सिङ्ङिन् खे़ङ्हाॽरे़ खुन्छिॽ सित्लाओलाम् ए़क्खुङ् पिरुङ्सिङ्लो, खे़ब्याङ् खे़ङ्हाॽरे़ खुन्छिॽ इघेःङ्ङिन् फे़न्दुङ् पिरुङ्सिङ्लो॥ खे़ङ्हाॽ आफाल्ले़आङ् याम्मो वेॽ लाजेॽबाहाॽरे़ खुन्छिॽ योक् मे़म्बोङ्ने़न्लो॥
Piblisite