यसैया 13:8 - लिम्बु8 हे़क्क्याङ् खे़ङ्हाॽ पगि मे़गि मे़यङ्ङाङ् तुक्खे लाक्खेहाॽ नु निङ्साम्हाॽरे़ खे़ङ्हाॽ ते़म्सुसिरो॥ मे़न्छुमाःन् अङे़ःक्वा कप्मा सावाःन्दुल्ले़ तुक्पा कुइसिक् खे़ङ्हाॽ तुक्मा नु किमा यङ्माओ मे़धारो, खे़ङ्हाॽ आबाङे खुन्छिॽलुम्मो निङ्वाॽ माआङ् वरे़क् वरे़क् ओमे़मे़त्छिङ्लो॥ हे़क्क्याङ् खे़ङ्हाॽरे़ खुन्छिॽ नारान् मि के़दिःप्पा कुइसिक् पोङ्लो॥ Gade chapit la |
यसैया 13:8
21 Referans Kwoze
निनबे ये़क्यक्किन् मे़नाप्तुआङ् खाप्पुथ्यःङ् मे़जोगुरो, हे़क्क्याङ् मुरे़क् खारे़क् मे़जोगुआङ् ने़रो॥ खे़ङ्हाॽरे़ खुन्छिॽ साःङ्गो सक्मा पुॽरो खे़ङ्हाॽरे़ खुन्छिॽ थुङ्बोहाॽ थे़गक्कक्ना यङ्लो॥ हे़क्क्याङ् के़रे़क् नासिङ्गे़न् थक्लाओ तुक्मा याक्लो, के़रे़क् चित्लि नाराहाॽ सअम्याःप्पा पोङ्लो॥
हाङ्घे़म्मे़ॽ हे़क्क्याङ् निङ्वाॽ इःत्ते़म्मे़ॽओ! आत्तिन् ये़म्बित्छासाःल्ले़ सागप्मा सुक्तुबे? हे़क्केःल्ले़ सादुङ्ङिल्ले़ तरुमा मे़न्छुमान् कुइसिक् थेआङ् के़रे़क् ये़म्बित्छाहाॽरे़ खुन्छिॽ हुक्किल्ले़ साप्पोःक्किन् मे़दे़म्सुबा आङ्गाॽ निसुङ्बे? थेआङ् के़रे़क्ले़ खुन्छिॽ नारान् अम् के़लॽबा पोःक्खे़आङ् वाॽबाबे?
सागप्मा तुङ्ङिल्ले़ तरुमा सावामान् याःप्पा हे़क्तङ्बा इक्लाधिक् खे़प्सुङ्लो के़रे़क्नुःल्ले़ तगि अङे़ःक्वा सागे़गप्मा मे़न्छुमान् फिःक्पा हे़क्के खे़प्सुङ्लो॥ हे़ङ्गे़ःक्काङ् हे़ङ्गे़क् लॽर सक्मा सोःन्छिङ्लो हे़क्क्याङ् कुहुक्किन् सन्छुरो खे़ब्याङ् नुमासुक्मा यरुसले़ःम्मिल्ले़ अक्खे पाःत्तुर फिःक्लो “चिःत्ते़स्ये़रो, आङ्गाॽ आसक्मा पुॽरे़आङ् वाॽरो! खे़ङ्हाॽ आङ्गाॽ आसे़त्छे़ मे़दार मे़बत्लो!”
खे़न् ये़क्यक्हाॽओ के़युङ्बाहाॽरे़ खुन्छिॽ मुक्किन् युमे़रो हे़क्क्याङ् खे़ङ्हाॽ निङ्साम्मो मे़ध्ये़आङ् खुन्छिॽ नारा सिरेःप् लॽरो॥ खे़ङ्हाॽ इक्ताप्पोबा याःन्सुङ्हाॽ कुइसिक्, लिङ्घाम्बुओबा कुनःन्द्रुक् सरेःक्याःप्पा कुजःक् हे़क्के मे़लॽरो, लिङ्मानुःल्ले़ तगिए के़हेबा के़बेःक्पा यान् हे़क्के मे़लॽरो॥
खे़ल्ले़ मुक्कुम्बा कुधक्सुबाहाॽ याम्मो थङ् मे़न्जोःक्ने़न्लो॥ खे़ङ्हाॽ थक्सुबा यक्हाॽओ मे़युङ् मे़गन्लो, खे़ङ्हाॽरे़ खुन्छिॽ आःन्छिङ्मान् मये़बेरो॥ खे़ङ्हाॽ मे़न्छुमा हे़क्तङ्मा मे़बोःक्खे़आङ् मे़वाॽरो॥ लाजेॽ के़लिबाहाॽरे़ हिम्हाॽ मिमे़धिक्खुआङ् ने़रो हे़क्क्याङ् ये़क्यक्कोबा पयम् लाम्धेःप्पाहाॽ मे़लुःन्दुरो॥
लाङ्गे़त् ले़प्माङ्बा ताम्भुङ्ङिन् खे़ने़ॽ अक्खे मे़त्ते़ॽ—‘यहवे दाङ्बे़ल्ले़ कुइङ्घङ्ङिन् खे़प्से़ॽ॥ मुक्साम्दाङ्बा यहवे दाङ्बे़ल्ले़ अक्खे पाःत्तुॽ—आङ्गाॽ खे़ने़ॽ फाःत्त्रा केःत्ने़रो, हे़क्क्याङ् के़रे़क् सिङ्बुङ्हाॽ, सरेःक्याःप्पा नु के़हेबा ने़प्माङ् मिदिक्लो॥ किप्मा पघुगे़घुबा मिधुङ् मिराःक्हाॽ मे़न्छे़रुन्ॽ, हे़क्क्याङ् यो ते़मे़नलाम् थाङ्गे़त् ले़प्माङ् के़रे़क् पाःन्हाॽ ये़म्दुरो॥
Piblisite