यसैया 13:6 - लिम्बु6 उःक्काङ् उःक् हाबाम्मे़ॽ, थेआङ्भे़ल्ले़ यहवे दाङ्बे़ल्ले़ कुमे़ङ्मा ये़न्निन् खा निःत्ताङ् तार पत्लो, मुक्साम्दाङ्बालाम् साॽरिक् किप्मा के़घुबा मे़क्मासिमे़न् तारो॥ Gade chapit la |
यसैया 13:6
39 Referans Kwoze
यहवे दाङ्बे़न् खुने़ॽ कुधक्सुबाहाॽरे़ खुन्छिॽ तगि हुःक्लो, खुने़ॽ कुधक्सुबा तुराहाॽ निःत्मे़न्दे़त्ते यरिक् मे़वाॽरो, हे़क्क्याङ् कुइङ्जाङ् के़इःप्पा के़नाःप्पाहाॽ मुक्साम्साबा मे़जोक्लो॥ यहवे दाङ्बे़ल्ले़ कुये़न्निन् पयम् यम्बा चोक्लो, हे़क्क्याङ् चाॽरिक् किप्मा के़घुबा चोक्लो॥ खे़न् हाःत्ले़ थम्मा सुक्तुआङ्बे?
निङ्वाॽफुसाम्बासे, सगितेत् चाक्खे़म्मे़ॽओ हे़क्क्याङ् खिनिॽ मे़रिङ् थक्ते़म्मे़ॽओ, ले़त्ति तोःम्मादे़न्नो माङ्से़वा के़जोःक्पासे, हाबे़म्मे़ॽओ॥ आङ्गाॽ आनिङ्वाॽफुमाङ्ङिल्ले़ कुसे़वारोबासे, खिनिॽ सगितेत् चाक्खे़म्मे़ॽआङ् नाम्दाःत्छे़म्मे़ॽओ, थेआङ्भे़ल्ले़ खिनिॽ निङ्वाॽफुमाङ्ङिल्ले़ कुहिम्मो पोगुगे़न् कुजा सिदुङ्जभाहाॽ नु चे़ल्ले़क्सेॽ सेजःङ्वा सिदुङ्जभाहाॽ तोःम्मा मे़ले़रुआङ् वाॽरो॥
“पलिस्तिबा के़रे़क् ये़क्यक्हाॽओ के़युङ्बा मनासे, खे़निॽ कुभाॽरे़ लागि उःक्काङ् उक् हाबे़म्मे़ॽओ! खे़निॽ के़रे़क् किसाम्मे़ॽ यक्खाम्मे़ॽओ! थाङ्गे़त् पिसाङ्लाम् लत्छा किप्मा के़घुबा मिःक्खुधिक् युर पत्लो, थङ् चोःक्मारे़ लागि खे़ङ्हाॽरे़ खे़निॽ के़रे़क् थक्सुबाहाॽओ लत्छाआङ् के़गिबा के़यङ्बा मे़होप्लो॥
“हेस्बोन के़युङ्बासे, खिनिॽ फिःक्ते़म्मे़ॽओ, थेआङ्भे़ल्ले़ एे ये़क्यक्किन् खाप्पुथ्यःङ् पोःक्खे़रो॥ रब्बाबा मनासे, खिनिॽ हाबे़म्मे़ॽओ! खिनिॽ मे़रिङ् थक्मा चाङ्हाॽ चाक्खे़म्मे़ॽओ, लुङ्धाक्हाॽओ ना नु कत्ना लोःक्ते़म्मे़ॽओ, हे़नाङ्भे़ल्ले़ मोलेख माङ्ङिन् कुयक्याबाहाॽ हे़क्क्याङ् कुसुहाङ्गे़म्बाहाॽनु सोरिक् मे़दे़म्सु मे़देॽरुरो॥
तुरोस ये़क्यक्किल्ले़ कुयाःम्बेओ माङ्निङ्वाॽपान्— ले़ङ्हङ् के़जोःक्पा यम्बा वालाधाहाॽओ के़याक्पा मनासे, मे़रिङ् थक्ताम्मे़ॽओ, थेआङ्भे़ल्ले़ तुरोस ये़क्यक्किन् खाप्पुथ्यःङ् पोःक्खे़आङ् ने़रो, हे़क्क्याङ् खे़ॽयो हिम्धाःङ् नु वागप्खेःङ्हाॽ थेआङ् मे़याःक्ते़न्नाङ् मे़ने़ने़न्लो॥ खे़ङ्हाॽरे़ खुन्छिॽ लागि साइप्रसलाम् लत्छा इङ्घङ्धिक् त्ये़आङ् वाॽरो॥
मुक्साम्दाङ्बा यहवे दाङ्बे़ल्ले़ कन् पाःन्निन् पाःत्तुआङ् वाॽरो, “आङ्गाॽ बेबिलोन ये़क्यक्के़न् आहुम्हुम्बा ले़क्वा पोङ्ल चोगुङ्लो, हे़क्क्याङ् खे़ॽयो फक्थिःम्बाहाॽ याङ्मे़धोःक्लो॥ आङ्गाॽ बेबिलोन ये़क्यक्के़न् ताम्दुःक्खेःल्ले़ तुःक्मनाबा कुइसिक् के़रे़क् पाःन्हाॽ तुगुङ्देसुङ्लो॥”
इक्सादिङ् खाम्बेःक्मोबा के़रे़क् मे़न्छाम् सुवाङ्हाॽ सम्धाङ् यहवे दाङ्बे़ल्ले़ कुसिक् पोगे़आङ् वाॽरो, खुने़ॽ कुसाक्के़न्निन् खे़ङ्हाॽरे़ खुन्छिॽ के़रे़क् थक्सुबाहाॽ सम्धाङ् चुक्ते़आङ् वाॽरो॥ खुने़ॽ खे़ङ्हाॽ थिक्काङ् मेःन्ने के़रे़क् मे़क्खुसिरो, मना के़से़प्पा मनाःल्ले़ कुहुक्को खे़ङ्हाॽ हुक्सुप्तुसिरो॥
के़साक्पा तुक्खे लाक्खेहाॽ खे़ने़ॽ के़सम्धाङ् इदारो, खे़न् तुक्खेहाॽ आक्तङ्बा कित्चाक्किल्ले़ के़घे़त्तुबे? हान्ति पोङ्मा पाःन्हाॽ खे़ने़ॽ के़दुमुरो, खे़ल्ले़ कुमे़न् के़हुङुसाङ् खे़न् तुक्खेन् खे़प्मा के़न्छुक्तुन्लो॥ खे़ने़ॽ तगि आभे़ल्ले़आङ् मे़न्दुम्मे के़वये़बा मे़क्मासिमे़न् आल्लोघोरो के़दुमुरो॥
Piblisite