यसैया 13:13 - लिम्बु13 थेआङ्भे़ल्ले़ खे़न् ये़न्नो आङ्गाॽ यहवे दाङ्बे़ल्ले़ आसिक्के़न् ओसेःन्धाङ् चोगुङ्ङिल्ले़ साङ्ग्राम्पेदाङ्हाॽ थे़गक्कक्ना यक्खुङ्लो, हे़क्क्याङ् इक्सादिङ् खाम्बेःक्मान् कुयुक्नादे़न्नो थुरुप्लुप्ना यङ्ल याःन्दुङ्लो॥ Gade chapit la |
यसैया 13:13
27 Referans Kwoze
कर दाङ्बान् नुःङ् युबा ये़न्निङ्ग से़न्दिक् के़घुःम्बान् खुःन्छे़ ताबा कुइसिक् हक्चघत् पोङ्लो॥ यम्बा इक्लाओ तरःङ्दिङ् ताङ्साक्पे़न् माबेःक्, हे़क्क्याङ् खे़प्मो के़बप्पाहाॽ काक् मिदिक्काङ् योःम्बेःक्, हे़क्क्याङ् इक्सादिङ् खाम्बेक् नु खे़प्मो के़वाॽबा काक् पाःन्हाॽआङ् मिःल्ले़ खाप्पुथ्यःङ् चोगुसिरो॥
“कप्मोलाम् के़बोङ्बाआङ् के़बेःक्पा लाम्दिःक्पाहाॽ के़रे़क्ले़ लागि थे आङ्गाॽ थे़माआङ् मे़ःन्नाबि? के़रे़क् पिसाङ् ओमे़त्ते़म्मे़ॽआङ् ओमुये़म्मे़ॽओ॥ यहवे दाङ्बे़ल्ले़ किप्मागे़घुबा कुसिक् पोःक्मा ये़न्नो खुने़ॽ आङ्गाॽ तुमुङ्बा आदुक्खेन् हे़क्के वेॽ आत्तिन् मनाःल्ले़ आभे़ल्ले़ ये़त्तुक्खे तुमुआङ् वाॽबि?
खे़निॽ आबाङे मिक्किन् हन्दे़म्मे़ॽआङ् थाःङ् ताङ्साङ्बो ओमये़म्मे़ॽओ, हे़क्क्याङ् यो इक्सा खाम्बेःक्किन् ओमे़त्ते़म्मे़ॽओ॥ ताङ्साङ्बे़न् मिःक्खोॽ हे़क्के माबेःक्लो, खे़ब्याङ् इक्सादिङ् खाम्बेःक्किन् चाङ्देत् कुसिङ् कुद्रे़क् पोङ्बेःक्लो॥ खे़म्ब्याङ् खे़प्मो के़युङ्बाहाॽ सिजा कुइसिक् मे़सिरो, कर आङ्गाॽ आसे़न्लप्पिन् सदादिङ् आभे़ल्ले़साङ् वाॽरो, आङ्गाॽ आसाम्योबा पाःन्निन् आभे़ल्ले़आङ् मे़मे़क्ने़ल्लो॥
ताङ्साङ्बो के़बप्पा के़रे़क् खेःम्सिक्पाहाॽ मे़मा मे़बेःक्लो, हे़क्क्याङ् ताङ्साङ्बान् किप्नाबा साप्ला थङ्मान् हे़क्के कित्छिङ् पेःक्लो॥ चे़ल्ले़क्सेल्ले़ कुबुङ्ङोनु इगे़ले़म्बा कुभे़क्वाहाॽ मुत्थाबा हे़क्के खे़म्ब्याङ् पएप्पाल्ले़ कुबुङ्ङोनु इगे़सुॽबा कुजाॽहाॽ मुत्थाबा हे़क्के ताङ्साङ्बोबा खेसे-खेःम्सिक्पाहाॽ मक्मे़धारो॥
इक्सादिङ् खाम्बेःक्मान् किप्मा के़घुबा चोःक्मारे़ लागि यहवे दाङ्बान् पोःक्किल्ले़ खुने़ॽ कुगिप्माघुमो नु मिमिदिङ्गे़न् कुओःप्माल्ले़ चोगुल्ले़ मनाहाॽ मे़घे़त्छिङ्लो हे़क्क्याङ् सियाक्पे-थे़याक्पे़ओ के़ने़बा लुङ्फुक्कोहाॽओ नु खाम्बाङ्ङो के़ने़बा हङ्गारिङ्बा सिगाङ् मे़लाःत्लो॥
किमा यङ्मा इक्लान् के़घे़म्बाआङ् के़घे़त्छिङ्बा मनाहाॽ लुम्बाःत्तो मुप्मे़धारो, हे़क्क्याङ् लुम्बाःत्तोलाम् थाःङ् के़लःम्बा के़धाङ्बाहाॽ चे़न्नो मे़धारो॥ साङ्ग्राम्पेदाङ्ङोबा पेधाःप्हाॽ मे़हरे़आङ् मे़बत्लो, खे़ब्याङ् इक्सादिङ् खाम्बेःक्माल्ले़ कुयुक्नान् थुरुप्लुप्ना यङ्लो॥
Piblisite