यसैया 13:11 - लिम्बु11 आङ्गाॽ यहवे दाङ्बे़ल्ले़ कन् इक्सा खाम्बेःक्के़न् कुभे़न् याःम्बक्के़ल्ले़ चोगुल्ले़ खुम्दिङ् पिरुङ्लो, हे़क्क्याङ् ताप्फे़ःम्बा याःम्बक् के़जोःक्पाहाॽ खुन्छिॽ लायोल्ले़ लागि साम्बान् कुःत्तुङ्सिङ्लो॥ खे़ब्याङ् यम्बा के़ले़ङ्सिङ्बाहाॽरे़ खुन्छिॽ आङ्दिङ् लॽमे़न् नुप्सुङ् पिरुङ्सिङ्लो, खे़ब्याङ् साॽरिक् कुॽइगे़भे़म्बाहाॽरे़ खुन्छिॽ हे़न्छिङ्मे़न् मार याःन्दुङ्लो॥ Gade chapit la |
यसैया 13:11
30 Referans Kwoze
ओमे़त्ताम्मे़ॽ! इक्सादिङ् खाम्बेःक्कोबा मनाहाॽरे़ खुन्छिॽ लायोल्ले़ चोगुल्ले़ खे़ङ्हाॽ खुम्दिङ् पिमासिरे़ लागि यहवे दाङ्बान् साङ्ग्राम्पेदाङ्लाम् युर पत्लो॥ इक्सादिङ् खाम्बेःक्मोबा मनाहाॽरे़ मे़से़सुबा माक्खिन् ओसेःन्धाङ् मे़जोगुरो, हे़क्क्याङ् मे़स्ये़रुसिबाहाॽ आल्ल याम्मो इक्सादिङ् खाम्बेःक्माल्ले़ चिङ्मा मे़सुक्तुसिन्लो॥
कन् हाङ्ङिल्ले़ कुस्साहाॽ मे़से़रुसिररो! थेआङ्भे़ल्ले़ कन्हाॽरे़ खुन्छिॽ थाःक्थे़बाहाॽरे़ लायो लासोत् मे़जोगुआङ् वये़रो॥ कन् मनाहाॽओ आत्तिन्नाङ् कन् लाजेॽओ हाङ्युक् के़जोःक्पा मे़बोङ्ने़ल्लरो, हे़क्क्याङ् इक्सादिङ् खाम्बेःक्किन् खे़ङ्हाॽरे़ खुन्छिॽ ये़क्यक्हाॽरे़ मे़दिम्ने़ल्लरो॥”
कर कुहोःप्मा कुसाक्माओ के़धाबाआङ् के़वाॽबा मे़न्छाम् याप्मिहाॽरे़ लागि खुने़ॽ कुदोःप्मा खासे़न् लोःन्दु पिरुसिरो, हे़क्क्याङ् इक्सादिङ् खाम्बेःक्कोबा याङ्गे़साॽबा मनाहाॽरे़ खुन्छिॽ लागि खुने़ॽ नुरिक्काङ् खासे़न् लोःन्दु पिरुसिरो॥ हे़क्क्याङ् कुबाःन्जाक् मुक्साम्मिल्ले़ योॽबा लाजेन् यङ्लो, कुम्ब्राओबा कुसक्माःल्ले़ कुॽइगे़भे़म्बा मनाहाॽ मे़क्खुसिरो॥
खे़ङ्हाॽरे़ खुन्छिॽ लायोल्ले़ लागि हे़क्क्याङ् खे़ङ्हाॽरे़ खुन्छिॽ थाःक्थे़बाहाॽरे़ खुन्छिॽ लायोल्ले़ लागि कुले़क्वा हुङुङ्लो॥ खे़ङ्हाॽरे़ कोःक्माओबा नावाइत्ला से़वा के़मे़प्पाहाॽरे़ खुन्छिॽ ले़त्ति तोःम्मादे़न्हाॽओ सुक्पा मे़हाःन्दुआङ् वाॽरो खे़ब्याङ् आङ्गाॽ आदक्ले़ङ्वाओ मे़बारे़आङ् वाॽरो॥ के़बेःक्पा ये़न्नो खे़ङ्हाॽरे़ मे़जोगुबा लायोन् कुइसिक् आङ्गाॽ खे़ङ्हाॽ खुम्दिङ् पिरुङ्सिङ्लो॥”
हे़क्क्याङ् मुरे़क् खारे़क्पा ये़ःङ्घादे़न्नो हाङ्वासे़ःक्पा कुइसिक् लॽरो॥ वेॽ लाजेॽ के़युङ्बा मनाहाॽरे़ मे़जोगुबा हयङ् किल्लिङ्ङिन् खे़ने़ॽ चिजि खक्खक् पोङ्ल के़जोगुरो॥ खाॽमिःत्ते़ल्ले़ नाम्मे़न् इःप्तुआङ् नाम्इःक्खङ् चोगुबा कुइसिक् कुनिङ्वाॽ के़जिःप्पाहाॽरे़ खुन्छिॽ साम्लोन् खे़ने़ॽ के़साक्तु के़बिरुसिरो॥
खे़न् ये़म्मिल्ले़ कुनुप्मो, आङ्गाॽ नबुकदनेसररे़ आमिक्किल्ले़ साङ्ग्राम्पेदाङ् ले़प्माङ् ओमे़त्तुङ्, हे़क्क्याङ् आनिङ्वाॽ सेरे़॥ खे़ब्याङ् आङ्गाॽ के़रे़क्नुःल्ले़ यम्बा निङ्वाॽफुमाङ्ङिल्ले़ कुनारा फोसुङ्, सदादिङ् आभे़ल्ले़साङ् कुहिङ्वे़त् के़वाॽबे़न् आङ्गाॽ मिङ्सो इङ्धाङ् नु मिमिदिङ् पिरुङ्लो॥ खुने़ॽ कुयुक्किङ्ग सदादिङ् के़वाॽबा युक्लो, खुने़ॽ कुहाङ्जुम्मिन् थाःक्थाःक्को थारिक् ने़रो॥
Piblisite