यसैया 13:10 - लिम्‍बु

¹⁰ ताङ्‌साङ्‌ङोबा खेसे खेःम्‍सिक्‍पाहाॽ नु मे़न्‍छ्‌याबुरुक्‍माहाॽ ओःप्‍मा मे़नाॽरो॥ के़लिङ्‌बाआङ् के़गे़प्‍पार के़बप्‍पा नाम्‍मिन्‍नाङ् माक्‍ताङ्‌बा पोङ्‌लो हे़क्‍क्‍याङ् लाबे़न्‍नाङ् मे़ओःत्‍ने़न्‍लो॥

यसैया 13:10 Referans Kwoze

मत्ति 24:29

“खे़न् किप्‍मा के़घुबा तुक्‍खेन् एगाङ् खिमो “‘नाम्‍मिन् खामाक्‍लो, लाबाल्‍ले़ ओःत्ति मे़बिरुन्‍लो, ताङ्‌साक्‍पोबा खेःम्‍सिक्‍पाहाॽ मक्‍मे़धारो, हे़क्‍क्‍याङ् ताङ्‌साक्‍पोबा मुक्‍साम्‍हाॽ मे़यङ्‌लो॥’

मर्कुस 13:24

“खे़न् किप्‍मा के़घुबा तुक्‍खेन् एगाङ् “‘नाम्‍मिल्‍ले़ ओःत्ति मे़बिरुन्‍नाङ् खामाक्‍लो, लाबाल्‍ले़ ओःत्ति मे़बिरुन्‍लो,

योएल 2:31

यहवे दाङ्‌बे़ल्‍ले़ खे़न् पयम् यम्‍बा नु किप्‍मागे़घुबा कुये़न्‍निन् तामानुःल्‍ले़ तगि नाम्‍मिन् माक्‍सिःङ्‌ग्‍याःप्‍पा पोङ्‌लो हे़क्‍क्‍याङ् लाबान् मराःक्‍क्‍याःप्‍पा माक्‍खिॽओ ले़ङ्‌लो॥

सुफो 8:12

आल्‍ल लिसिगेक्‍पा माङ्‌लाइङ्‌बाल्‍ले़ कुधुत्‍थुरिःप्‍पे़न् मुःत्तुल्‍ले़ नाम्, लाबा, नु खेःम्‍सिक्‍पाहाॽ कुलक् सुम्‍सिओ कुसुक्‌वा थिक् याङ्‌घुआङ् खे़ङ्‌हाॽरे़ कुलक् सुम्‍सिओ कुसुक्‌वा थिक् ओःत्तिःन् मये़रो॥ हे़क्‍क्‍याङ् ले़न्‍दिक् नु से़न्‍दिक्‍ले़न्‍नाङ् कुलक् सुम्‍सिओ कुसुक्‌वा थिक् खादामे़रो॥

लुका 21:25

“हे़क्‍क्‍याङ् नाम्, लाबा नु खेःम्‍सिक्‍हाॽओ यम्‍बा मिक्‍सेःन्‍हाॽ मे़धाःप्‍लो॥ हे़क्‍क्‍याङ् वाहङ्‌ङिल्‍ले़ कुसःक्‍मान् नु यम्बयम्‍बा वाभे़ल्‍ले़ङ्‌ङिल्‍ले़ चोगुल्‍ले़ इक्‍सादिङ् खाम्‍बेःक्‍मोबा मे़न्‍छाम् सुवाङ्‌हाॽ साॽरिक् किमाओ नु निङ्‌साम्‍मो मे़धारो॥

योएल 3:15

नाम्‍मिन् नु लाबे़न् माक्‍सिःङ्‌ग्‍याःप्‍पा पोङ्‌लो हे़क्‍क्‍याङ् खेःम्‍सिक्‍पाहाॽ मे़न्‍ओःत्‍ने़न्‍लो॥

यसैया 5:30

खे़न् ये़न्‍नो इस्राइलिहाॽरे़ खुन्‍छिॽ तक्‍ले़ङ्‌वाओ वाहःङ्‌ङिन् सःक्‍पा हे़क्‍के खे़ङ्‌हाॽ मे़अःक्‍लो॥ हे़क्‍क्‍याङ् मनाहाॽरे़ लाजेन् ओमे़मे़त्तुल्‍ले़, खे़ॽयो माक्‍चिगे़न् खामाक्‍मा नु तुक्‍खे लाक्‍खेरक् खे़ङ्‌हाॽरे़ मे़निसुरो, खे़ब्‍याङ् खाओःप्‍मान्‍नाङ् खाॽमिःप्‍पाल्‍ले़ माक्‍ताङ्‌बा चोगुरो॥

योएल 2:10

खे़ङ्‌हाॽरे़ खुन्‍छिॽ तगि इक्‍सादिङ् खाम्‍बेःक्‍मान् मुन्‍लो, हे़क्‍क्‍याङ् ताङ्‌साङ्‌बे़न् थे़गक्‍कक्‍ना यङ्‌लो॥ नाम्‍मिन् नु लाबान् माक्‍सिःग्‍याःप्‍पा पोङ्‌सिरो हे़क्‍क्‍याङ् खेःम्‍सिक्‍पाहाॽ ओःप्‍मा मे़नाॽरो॥

यसैया 24:23

हे़क्‍क्‍याङ् लाबे़न् माक्‍ताङ्‌बा पोङ्‌ङाङ् मे़ओःत्‍ने़न्‍लो, खम्‍भ्‍याङ् नाम्‍मिन्‍नाङ् मे़से़ःक्‍ने़न्‍लो थेआङ्‌भे़ल्‍ले़ मुक्‍साम्‍दाङ्‌बा यहवे दाङ्‌बे़ल्‍ले़ सियोन कोःक्‍माओ नु यरुसले़म ये़क्‌यक्‍को के़वाॽबा साम्‌योसिक्‍साम्‍बाहाॽरे़ खुन्‍छिॽ तगि मिमिदिङ्‌गे़न् हाङ्‌युक् चोगुरो॥

यसैया 24:21

खे़न् ये़न्‍नो यहवे दाङ्‌बे़ल्‍ले़ थाःङ् साङ्‌ग्राम्‍पेदाङ्‌बा मुक्‍साम्‍हाॽ नु यो इक्‍सादिङ् खाम्‍बेःक्‍कोबा हाङ्‌हाॽ खुम्‍दिङ् पिरुसिरो॥

सेःक्‌युक्‍मिबाहाॽ 2:20

हे़क्‍क्‍याङ् थो ताङ्‌साक्‍पो नाम्‍मिल्‍ले़ नाम्‍साङ् पिमा ले़रुआङ् खादाम्‍लो हे़क्‍क्‍याङ् लाबान् माक्‍खिॽ हे़क्‍के हे़ःत्‍लॽरिक् ले़ङ्‌सिङ्‌लो॥ कन् काक् पाःन्‍हाॽ दाङ्‌बान् नुःङ् युबा पयम् यम्‍बा नु निङ्‌वाॽ के़माबा ये़न्‍निन् तामानुःल्‍ले़ तगि पोङ्‌लो॥

अयुब 9:7

खुने़ॽ तानाम् नाम् मे़ङ्‌गे़प्‍मा इङ्‌जाङ् चोगुरो हे़क्‍क्‍याङ् से़न्‍दिक् खेसेमिक्‍पाहाॽ ओःप्‍मालाम् साक्‍मा सुक्‍तुसिरो॥

खाहुन्‍साबा 12:2

कुभा ये़न्‍नो नाम्, लाबा नु खेःम्‍सिक्‍पा ओःत्तिःन् खे़ने़ॽ खामाक्‍पा के़निसुरो हे़क्‍क्‍याङ् पाङ्‌गे़न्‍दिङ् वहित् के़दाःप्‍पा खाॽमिःप्‍पान् नुःङ्‌मा तामानुःल्‍ले़ तगि खुने़ॽ निङ्‌वाॽ इःत्ते़ॽओ॥

यसैया 47:5

“नुमासुक्‍मा बेबिलोने, खे़ने़ॽ स्‍वाःत्ताङ् खामाक्‍लुम्‍बाःत्तो पेगे़ॽआङ् युङे़ॽओ, आल्‍लआङ्‌धो याम्‍मो खे़ने़ॽ हाङ्‌जुम् हाङ्‌जुम्‍बा हाङ्‌मा के़मे़न्‍मे़त्‍ने़ल्‍लो॥

यसैया 50:3

आङ्‌गाॽ ताङ्‌साक्‍पान् माक्‍ताङ्‌बा पोङ्‌ल चोगुङ्‌लो, हे़क्‍क्‍याङ् खे़न् सगि तेःत्तिल्‍ले़ ते़प्‍तुङ्‌लो॥”

आमोस 5:20

थे यहवे दाङ्‌बे़ल्‍ले़ कुये़न्‍निन् खागे़ओःप्‍पा मेःन्, कर माक्‍सिःङ्‌ग्‍याःप्‍पा नु आजे़ःत्‍छिक्‍काङ् खामे़न्‍ओःप्‍मनाबा खामाक्‍चुम्‍बा मे़बोङ्‌ने़न्‍नाङ्‌बि?

नहुम 1:8

कर खुने़ॽ के़गुङ्‌बा च्‍वाःत्तिल्‍ले़ निनबेन् मे़क्‍खुरो, खुने़ॽ कुनिङ्‌मिहाॽ खागे़माक्‍पादे़न्‍नो नाःत्तुदेसुसिरो॥

जकरिया 14:6

खे़न् ये़न्‍नो खाआङ् मे़ओःत्‍ने़न्, सेःम्‍माआङ् मे़सेःम्‍ने़न् इग्र सेःक्‌वाआङ् मे़धाने़न्॥