यसैया 12:5 - लिम्बु5 यहवे दाङ्बाओ साम्लोराम्मे़ॽओ, थेआङ्भे़ल्ले़ खुने़ॽ निङ्वाॽ के़माबा याःम्बक्हाॽ चोगुआङ् वाॽरो, कन् पाःन्निन् इक्सादिङ् खाम्बेःक्कोबा के़रे़क्ले़ कुसिङ् मे़निःत्तुररो॥ Gade chapit la |
यसैया 12:5
16 Referans Kwoze
“सियोनबा मनाहाॽओ सुनाइङ् के़से़बासे, खे़निॽ केःम्बा नाङ्जङ्लुङ्ङो पेगे़म्मे़ॽओ॥ यरुसले़म ये़क्यक्पा मनाहाॽ सुनाइङ् इङ्भन् के़हाबासे, साॽरिक् अःक्ते़म्मे़ॽओ, अःक्ते़म्मे़ॽओ, मे़गिसे़म्मिन्ने़ॽओ॥ यहुदा पाङ्जुम्मोबा मनाहाॽ मे़त्ते़म्सिम्मे़ॽओ, ‘ओमे़त्ते़म्मे़ॽ, खे़निॽ निङ्वाॽफुमाङ्ङिन् हाबा कॽयो वाॽरो!’
हे़क्क्याङ् खे़ङ्हाॽरे़ निङ्वाॽफुमाङ्ङिल्ले़ कुसे़वारोबा मोसारे़ कुसाम्लो नु मे़ल्लुक्साःल्ले़ कुसाम्लोन् अक्खेलॽरिक् साम्मे़मे़त्तु, “मुक्साम्दाङ्बा निङ्वाॽफुमाङ्ङे, खे़ने़ॽ के़याःम्बक्हाॽग पयम् यम्बा नु निङ्वाॽ के़माबा चोक्लो॥ काक् मे़न्छाम् सुवाङ्हाॽरे़ खुनिॽ हाङ्ङे, खे़ने़ॽ के़लाम्हाॽग नुबा नु से़क्खाबा चोक्लो॥
यहवे दाङ्बे़ल्ले़ कुलागि कुसङ् साम्लोधिक् साम्मे़त्ताम्मे़ॽओ, इक्सादिङ् खाम्बेःक्माल्ले़ नासमा कुयाओनु खुने़ॽ कुनारा फोसे़म्मे़ॽओ, तुङ्गोदिङ् वरःङ्ङो लाम्दिक् के़जोःक्पासे, हे़क्क्याङ् खे़ॽयो के़याक्पा के़रे़क् परिक्पा पाधुङ् ले़ःक्ङासे, वागप्खाम्हाॽ नु खे़ॽयो के़युङ्बासे साम्लोरे़म्मे़ॽओ!
ताङ्साङ्बे, सःत्ते़ॽआङ् साम्लोरे़ॽओ, थेआङ्भे़ल्ले़ यहवे दाङ्बे़ल्ले़ हे़क्के चोगुआङ् वाॽरो॥ इक्सादिङ् खाम्बेःक्माए, यम्बा इक्लाओ अःक्ते़ॽओ, थे़गुसे, ताम्भुङ् नु खे़ॽयोबा के़रे़क् सिङ्बुङ्से, खे़म्गे़दे़प्पा इक्लाओ साम्लोरे़म्मे़ॽओ, थेआङ्भे़ल्ले़ यहवे दाङ्बे़ल्ले़ कुमे़ल्लुङ् हुङुआङ् याकुबे़न् थे़ॽरुआङ् वाॽरो, खुने़ॽ आबाङे इस्राइलओ कुमिमिदिङ्ङिन् ओःन्धाक्तुसिॽरो॥
“नाम्गे़त् पिसाङ् नु नाम्धा पिसाङ् थारिक् के़रे़क् मे़न्छाम् सुवाङ्लुम्मो आङ्गाॽ आमिङ्ङिन् पयम् यम्बा पोङ्ॽ॥ के़रे़क् ते़न्हाॽओ आङ्गाॽ आमिङ्ङो मे़न्छाम् सुवाङ्हाॽरे़ सुक्पा मे़हाःन्दुॽ हे़क्क्याङ् सुत्थो हुक्सोयाङ् मे़दारुॽ, थेआङ्भे़ल्ले़ के़रे़क् मे़न्छाम् सुवाङ्हाॽरे़ आङ्गाॽ मिङ्सो इङ्धाङ् मे़बिआरो,” मुक्साम्दाङ्बा यहवे दाङ्बे़ल्ले़ पाःत्तुॽ॥
Piblisite