यसैया 12:2 - लिम्बु2 से़क्खासाङ् निङ्वाॽफुमाङ्ङिन् आङ्गाॽ आसे़न्लप्दाङ्बारो, आङ्गाॽ नसान् चोगुङ् हे़क्क्याङ् मे़गिआन्लो॥ यहवे दाङ्बा, यहवे दाङ्बे़न्ने आङ्गाॽ आमुक्साम् नु आसाम्लोरो, खुने़ॽए आङ्गाॽ आसे़न्लप्दाङ्बा पोःक्खे़आङ् वाॽरो॥” Gade chapit la |
यसैया 12:2
41 Referans Kwoze
आनिॽ साम्योरे़ सिगाङ् पाःन्निङ्ग पयम् यम्बा चोक् फाॽआङ् आनिॽ ते़न्दिङ् आजोगुम्लो— निङ्वाॽफुमाङ्ङिन् आप्फेक् नासिङ्गे़न् थक्को थाःम्सिङ्लो, सेसेमाङ्लाम् खुने़ॽ साम्योबा फाॽआङ् ओसेःन्दाङ् पोःक्खे़रो, माङ्लाइङ्बाहाॽरे़ खुने़ॽ मे़निसुरो, मे़न्छाम् सुवाङ्हाॽरे़ खुनिॽ लुम्मो खुने़ॽ इङ्भोसे़रो, इक्सादिङ् खाम्बेःक्मो खुने़ॽ नसान् मे़जोगुरो, मिमिदिङ्ङो खुने़ॽ थाःङ् पङ्सिङ् पेरो!
खे़ङ्हाॽ सुरित् केजङ्लाम् वइःम्सिङ्मा नु खइक् खइक् के़इक्सिङ्बा वहित् साम्मिःत्लाम् इःम्सिङ्मादे़न् कुसिङ्बा मे़बोङ्लो॥ खे़म्ब्याङ् थेआङ् के़होप्पा मुरे़क् खारे़क्पा ये़ःङ्घादे़न्नो च्वाःत् लाङ्गे़घेःक्पा वहःङ् हे़क्तङ्बा मे़बोङ्लो, च्वाःत् के़हेबा खाम्बाङ्ङो यम्बा याक्पेओबा नाम्इःक्खङ् हे़क्तङ्बा मे़बोङ्लो॥
हे़क्क्याङ् खे़प्मो हन्नाःल्ले़ अक्खेलॽरिक् पेलिगे़न् तुवा चोगु, “आङ्गाॽ आनिङ्वान् यहवे दाङ्बाओ सःत्ते़आङ् वाॽरो, यहवे दाङ्बाओ आङ्गाॽ आमुक्साम्मिन् त्ये़आङ् वाॽरो॥ आनिङ्मिहाॽ येःप्मासि पान् आङ्गाॽ आम्ब्राओ त्ये़आङ् वाॽरो, आदाङ्बारे़ आङ्गाॽ से़न्लप् के़बिराङ्बाओ आसिक् पसम्समे़आङ् वाॽआरो॥
इस्राइलबा मनासे, खे़निॽ के़से़ःप्पा निङ्वाॽफुमाङ्ङिन् खे़निॽ निङ्वाॽ के़मुःत्छुम्माङ् के़वयिरो, हे़क्क्याङ् सियाक्पेॽ थे़याक्पेॽ से़ःप्सिङ्मादे़न् नु खे़निॽ हाङ्यक्किन् निङ्वाॽ के़न्इःत्तुम्मिन्लो॥ कल्ले़चोगुल्ले़, खे़निॽ साॽरिक् नुबा फुङ्हाॽ के़लेःत्तुम्लो हे़क्क्याङ् वेॽ लाजेॽलाम् के़दारुम्बा चे़ल्ले़क्सेॽइल्ले़ कुबुङ्हाॽ के़लेःत्तुम्लो,
यहवे दाङ्बे़ल्ले़ए कुसे़वारोबा पोङ्मारे़ लागि आम्मारे़ कुसाप्पोःक्को नावागे़न् चइःत् चोगाङ्लो॥ आबाङे कुमनाहाॽ हे़क्क्याङ् इस्राइलबा फुत्छिङ्छाङ् के़से़बा मनाहाॽ नुःक्मा ताःप्मासिरे़ लागि युक्तिङ् चोगाङ्लो॥ खुने़ॽए आङ्गाॽ मिङ्सो इङ्धाङ् पिआरो, खुने़ॽग आङ्गाॽ आमुक्साम्मिल्ले़ कुबुन्लो॥
आङ्गाॽ यहवे दाङ्बाओ साॽरिक् सःत्तारो, आनिङ्वाॽफुमाङ्ङो आयाम्साम्मिन् साॽरिक् सःत्लो॥ थेआङ्भे़ल्ले़ निङ्वाॽफुसाम्बान् हे़क्के मेःक्खिम्साबे़ल्ले़ कुधे़गेःक्किन् चोःक्तुबा हे़क्के, हे़क्क्याङ् मेःक्खिम्सामे़न् आबाङे साम्म्याङ् युप्पा वाःत्छिङ्बा हे़क्के खुने़ॽ से़न्लप्ले़न् चाङ् चाक्ताङ्ङाङ् वाॽरो, हे़क्क्याङ् साम्योनिमा चाङ्ङिल्ले़ ते़प्ताङ्ङाङ् वाॽरो॥
खे़न् एगाङ् नबुकदनेसररे़ मे़त्तुसि, “सद्रक, मेसक नु अबेद्नगोरे़ खुन्छिॽ निङ्वाॽफुमाङ्ङिल्ले़ कुनारा पोररो, खुने़ॽ कुमाङ्लाइङ्बे़न् पाङ्घुआङ् कुसे़वारोबाहाॽ ताङ्से़ःप्तुसि॥ खे़ङ्हाॽरे़ खुने़ॽ नसान् मे़जोगु, खे़ङ्हाॽ आङ्गाॽ आइङ्जाङ्ङिन् खे़म्मा मे़न्दे़न्दे़न् हे़क्क्याङ् खुन्छिॽ हिङ्मे़न् आप्फेक् के़साक्पो मे़धासु॥ खे़ङ्हाॽरे़ खुन्छिॽ आप्फेक् निङ्वाॽफुमाङ्ङिन्नाङ्धो वेॽ आत्तिन् माङ्ङिन्नाङ् साबन् मे़भन्छिङ्ङाङ् माङ्से़वा मे़म्मे़त्तुन्॥
सियोन के़युङ्बा मनासे, खिनिॽ सःत्ते़म्मे़ॽओ, यहवे दाङ्बा खिनिॽ निङ्वाॽफुमाङ्ङो निङ्वाॽ तासाम्मे़ॽओ, थेआङ्भे़ल्ले़ खुने़ॽ चुङ्वाःम्मो थासुबा वहित्तिल्ले़ खुने़ॽ नसाःन्साबा चोःक्पा पाःन्निन् ओसेःन्धाङ् पोङ्लो॥ खुने़ॽ तगि हे़क्केए चुङ्वाःम्मा नु फुङ्वाःम्मा ये़म्मो पाङ्गे़न्दिङ् वहित्ते़न् थ्ये़र याःन्दुआङ् वाॽरो॥
Piblisite