यसैया 12:1 - लिम्बु1 खे़न् ये़न्नो खे़निॽ अक्खे के़बाःत्तुम्लो, “यहवे दाङ्बाए, खे़ने़ॽ नुगे़न् पिने़रो! खे़ने़ॽ आङ्गाॽनु के़याःक्ले़ॽरे़आङ् वये़रो, करसाङ् आल्लोग खे़ने़ॽ के़सिक्के़न् चिःक्तुरो, हे़क्क्याङ् आल्लो आङ्गाॽ हाङ्हाङ् के़मे़त्ताङ्ङाङ् वाॽरो॥ Gade chapit la |
यसैया 12:1
55 Referans Kwoze
“यहवे दाङ्बे़ल्ले़ से़क्खासाङ् यरुसले़म के़युङ्बाहाॽ हाङ्हाङ् मे़त्तुसिरो, हे़क्क्याङ् खुने़ॽ खे़न् के़लुःम्बा हिम्यःक्हाॽ लुङ्माॽ तुक्तुआङ् ओमे़त्तुरो॥ खे़ब्याङ् खे़प्मोबा मुरे़क् खारे़क्पा ये़ःङ्घादे़न्निन् अदन सिङ्सेॽइक्के़न् कुसिङ् चोगुरो, हे़क्क्याङ् चा मे़न्नुॽमनाबा खाम्बेःक्के़न् यहवे दाङ्बे़ल्ले़ कुसिङ्सेॽइक् हे़क्के चोगुरो॥ पसःत् सःप्मा नु निङ्वाॽ तामा, हे़क्क्याङ् नुगे़न् पिमा नु साम्लोमारे़ इक्लान् खे़ॽयो खोदे़त्लो॥
हे़क्क्याङ् यहवे दाङ्बे़ल्ले़ कुमे़ल्लुङ् हुङुआङ् थे़ॽरुसिबाहाॽ मे़नुःङ् मे़भे़न्लो॥ खे़ङ्हाॽ साम्मे़लोर यरुसले़म ये़क्यक्को मे़लाःत्लो, सदादिङ् के़वाॽबा सःप्मान् खे़ङ्हाॽरे़ खुन्छिॽ तिच पोङ्लो॥ खे़ङ्हाॽ आभे़ल्ले़साङ् मे़सःत् मे़येःत्लो, हे़क्क्याङ् निङ्वाॽ तुक्मा मे़रिङ् थक्मा मे़बोङ्ने़ल्लो॥”
ताङ्साङ्बे, सःत्ते़ॽआङ् यम्बा इक्लाओ साम्लोरे़ॽओ, इक्सादिङ् खाम्बेःक्के, ये़ये़ लॽरे़ॽओ॥ कोःक्मा फाङ्जङ्से, खे़निॽ इक्लान् लःत्ते़म्मे़ॽआङ् साम्लोरे़म्मे़ॽओ! थेआङ्भे़ल्ले़ यहवे दाङ्बे़ल्ले़ आबाङे कुमना इस्राइलिहाॽ आःन्छिङ्मा पिरुसिआङ् वाॽरो, हे़क्क्याङ् तुक्खे के़दुम्बा खुने़ॽ कुमनाहाॽ लुङ्माॽ तुक्तुसिआङ् मे़वाॽरो॥
कन् हिन्दोःक्के़न् पोङ्ङे़ल्ले़ के़रे़क् मनाहाॽरे़ मे़बाःत्तुरो, “से़क्खासाङ् खुने़ॽए आनिॽ निङ्वाॽफुमाङ्लो! आनिॽ खुने़ॽ कुलाम् ओआमे़त्तुम्लो हे़क्क्याङ् खुने़ॽए आनिॽ ताङ्आसे़ःप्ते़आङ् आवाॽरो॥ खुने़ॽए यहवे दाङ्बारो! खुने़ॽओ आनिॽ निङ्वाॽ आयुक्खुम्लो खुने़ॽ आनिॽ ताङ्आसे़ःप्ते़आङ् आवाॽरो, आनिॽ सःत्तिआङ् ये़ये़ लॽरिरो॥”
“एफ्राइमए, आङ्गाॽ खे़ने़ॽ आक्खेलॽरिक् ले़प्मा सुक्ने़ग! इस्राइलए, आक्खेलॽरिक् निङ्मिहाॽरे़ खुन्छिॽ हुक्को थामा सुक्ने़बे? खे़ने़ॽ आभेलॽरिक् अदमान् हे़क्के ले़प्मा सुक्ने़बे? आङ्गाॽ आभेलॽरिक् सबोयिमे़न् हे़क्तङ्बा चोःक्मा सुक्ने़बे! आङ्गाॽ आसिक्लुक्मे़न् आङ्गाॽ आसिगाङ्ङे नुःक्तुङ्ङाङ् वाॽरो॥ आङ्गाॽ साॽरिक् आलुङ्माॽ स्याःत् के़लॽबा पोःक्खाङ्ङाङ् वाॽआरो॥
मे़दे़म्सु मे़देॽरुसिबाहाॽनु सोसोरिक् सॽसिङ्मा हे़क्क्याङ् मे़से़रुसिबाहाॽरे़ खुनिॽ लुम्मो तोःक्माआङ् चोःम्मानुःल्ले़ वेॽ नुबा थेआङ् होप्लो॥ हे़क्केसाङ् यहवे दाङ्बे़ल्ले़ कुसिक्के़न् मे़जिःक्तुन्लो खे़ब्याङ् खुम्दिङ् पिमासिरे़ लागि खुने़ॽ कुहुक्किन् आल्लसाङ् फोःक्खुआङ्ङे पत्लो॥
“कङ्ग आङ्गाॽ आलागि नुहःल्ले़ कुये़म्मोबा ये़न्हाॽ कुसिक् लॽरो, थेआङ्भे़ल्ले़ इक्सादिङ् खाम्बेःक्मे़न् वदप्मे़ल्ले़ याम्मो मे़मे़ङ्ङान् फाॽआङ् माङ्हे़क् चोगुङ्ङाङ् वयाङ्लो, हे़क्केलॽरिक्के आल्लआङ्धो खे़ने़ॽनु आसाक्के़न् मे़भोङ्ङाल्लो, आङ्गाॽ खे़ने़ॽ आभे़ल्ले़आङ् मे़भे़ःक्ने़न् फाॽआङ् माङ्हे़क् चोगुङ्ङाङ् वाॽरो॥
आङ्गाॽ यहवे दाङ्बाओ साॽरिक् सःत्तारो, आनिङ्वाॽफुमाङ्ङो आयाम्साम्मिन् साॽरिक् सःत्लो॥ थेआङ्भे़ल्ले़ निङ्वाॽफुसाम्बान् हे़क्के मेःक्खिम्साबे़ल्ले़ कुधे़गेःक्किन् चोःक्तुबा हे़क्के, हे़क्क्याङ् मेःक्खिम्सामे़न् आबाङे साम्म्याङ् युप्पा वाःत्छिङ्बा हे़क्के खुने़ॽ से़न्लप्ले़न् चाङ् चाक्ताङ्ङाङ् वाॽरो, हे़क्क्याङ् साम्योनिमा चाङ्ङिल्ले़ ते़प्ताङ्ङाङ् वाॽरो॥
खे़प्मो के़युङ्बाहाॽरे़ नुगे़न् तोःम्मा साम्लोन् साम्मे़मे़त्तुरो हे़क्क्याङ् खुन्छिॽ निङ्वाॽ ताआङ् पसःत् मे़सःत्लो॥ आङ्गाॽ आहाङ्वा मुॽइःल्ले़ खे़ङ्हाॽ यरिक् चोगुङ्सिङ्लो॥ हे़क्क्याङ् खे़ङ्हाॽ सुःल्लिक् मे़म्बोङ्ने़ल्लो॥ आङ्गाॽ खे़ङ्हाॽ मिङ्सो इङ्धाङ् पिरुङ्सिङ्लो खे़ब्याङ् खे़ङ्हाॽ कुनामे़न्छाॽ मे़म्बोङ्ने़न्लो॥
खे़ब्याङ् नहेम्याहःल्ले़ खे़ङ्हाॽ मे़त्तुसि, “आल्ल खिनिॽ पेगे़म्मे़ॽ हे़क्क्याङ् साभःङ्जा से़से़म्मे़ॽआङ् कुजा के़नुॽबा कुजा चे़म्मे़ थुङे़म्मे़ॽ॥ कुजा मे़ङ्गप्मनाबाहाॽ खुन्छिॽ तःक् लक् हाक्ताम्सिम्मे़ॽ॥ थेआङ्भे़ल्ले़ आनिॽ यहवे दाङ्बे़ल्ले़ कुलागि आइन्बा ये़न्निन् सेसेबा चोक्॥ खे़ल्ले़चोगुल्ले़ मे़रिङ् मे़धक्ते़म्मिन्ने़ॽ थेआङ्भे़ल्ले़ यहवे दाङ्बे़ल्ले़ के़सःत्तिर के़याःन्दिबा पाःन्निल्ले़ खिनिॽ के़धुम्बा के़बोक्खिरो॥”
यहवे दाङ्बे़ल्ले़ यरुसले़ःम्मिन् मे़त्तुरो, “वेॽ लाजेॽबा मनाहाॽरे़ के़लुङ्धाक्किन् याम्मो मे़से़त्तुरो, हे़क्क्याङ् खे़ङ्हाॽरे़ खुन्छिॽ हाङ्हाॽरे़ खे़ने़ॽ से़वा के़म्मे़त्लो॥ आङ्गाॽ आसाक्के़न् पोगे़ल्ले़ खे़ने़ॽ हिप्ने़रो, हे़क्क्याङ् आङ्गाॽ आलुङ्माॽ स्याःत् लॽमो खे़ने़ॽ लुङ्माॽ तुक्ने़रो॥
हे़क्क्याङ् मे़न्छ्याहाॽ मे़सःत्ताङ् मे़लाःङ्लो, थाङ्बे़न् नु तुम्भाक्साहाॽरे़ खुन्छिॽ निङ्वाॽ तारो॥ खे़ङ्हाॽरे़ खुन्छिॽ मे़रिङ्ङिन् हाङ्हाङ् लॽमो ले़क्खुङ् पिरुङ्सिङ्लो॥ आङ्गाॽ खे़ङ्हाॽ आःन्छिङ्मा पिरुङ्सिङ्लो खे़ब्याङ् खे़ङ्हाॽ खुन्छिॽ निङ्वाॽ तुक्खे चामारे़ कुले़क्वाओ आङ्गाॽ खे़ङ्हाॽ मे़सःत्ल याःन्दुङ्सिङ्लो॥
Piblisite