यसैया 11:10 - लिम्बु10 खे़ल्ले़ याःन्दिक् यिसैरे़ कुधाःक्लाम् लत्छा कुसङ् हाङ्धिक् पोङ्॥ खुने़ॽ इक्सादिङ् खाम्बेःक्मोबा के़रे़क् मे़न्छाम् सुवाङ्हाॽरे़ लागि निसा हे़क्के मिक्सेन् पोङ् हे़क्क्याङ् खुने़ॽओ मे़जुम्, हे़क्क्याङ् खुने़ॽ कुनाःम्सिङ्मा ते़न्निन् मिमिदिङ्गे़न् पोङ्॥ Gade chapit la |
यसैया 11:10
46 Referans Kwoze
हे़क्क्याङ् खे़न् यहुदि नसानिबाहाॽरे़ कन् पाःन्निन् मे़घे़प्सुल्ले़ खुने़ॽनु पान् थक्मा मे़ले़रुआङ् अक्खे मे़बाःत्तुर निङ्वाॽफुमाङ्ङिल्ले़ कुनारा फोमा मे़हेःक्तुरो, “निङ्वाॽफुमाङ्ङिल्ले़ थिम्मे़न्दङ् सुवाङ्हाॽआङ् लायोलाम् हिम्माआङ् मे़न्नुप्मनाबा हिङ्मन्ले़न् सुये़म् पिरुसि के़लॽबा पाःन्निन् नुःरिक्काङ् के़निसुम्लो॥”
यहवे दाङ्बा निङ्वाॽफुमाङ्ङिल्ले़ अक्खे पाःत्तुॽ— “ओमे़त्ते़ॽओ, आङ्गाॽ इक्सादिङ् खाम्बेःक्मोबा मे़न्छाम् सुवाङ्हाॽ हुक्चाःल्किःल्ले़ उःत्तुङ्सिङ्लो, हे़क्क्याङ् आङ्गाॽ आनिसान् इक्सादिङ् खाम्बेःक्मोबा मे़न्छाम् सुवाङ्हाॽरे़ खुन्छिॽ तगि लेःत्तुङ्लो॥ खे़ङ्हाॽरे़ खे़ने़ॽ के़स्सा ये़म्बित्छाहाॽ खुन्छिॽ हुक्को मे़बक्खुसिआङ् मे़दारुसि के़म्बिरो, खे़ब्याङ् के़स्सा मे़न्छुमाहाॽग खे़ङ्हाॽरे़ खुन्छिॽ फक्ताङ्ङो मे़बक्खुसिआङ् मे़दारुसिरो॥
काक् लुङ्गुम् के़गप्पा निङ्वाॽफुमाङ्ङिल्ले़ ख्रिस्ते़न्नु सोरिक् मे़न्नुप्मनाबा कुमिमिदिङ्ङिन् लक् के़घोसुम्ल फाॽआङ् के़उःत्तिआङ् के़वयिॽरो॥ कर सप्फाधिक् इनोगे़न् तुक्खे के़ज्ये़ॽइआङ् खुने़ॽए खिनिॽ कुलिङ्दो के़गे़त्तिॽ हे़क्क्याङ् थधप् मे़ल्लॽमनाबा नु के़धुम्बा के़जोगिआङ् मे़म्मुम्मना ने़म्भोओ के़युक्खिॽरो॥
“हे़क्क्याङ् आङ्गाॽ खे़ङ्हाॽरे़ खुन्छिॽ लुम्मो लत्छा मिक्सेःन्धिक् पिरुङ्सिङ्ॽ॥ कर आङ्गाॽ खे़ङ्हाॽओ कुभा के़हिङ्बा के़याःक्पाहाॽ आङ्गाॽ आमिङ् तिःप्पा, चोगुङ्बा याःम्बक्हाॽ, आमुक्साम्मिन् हे़क्क्याङ् के़रे़क्नुःल्ले़ यम्बाआ फाॽआङ् मे़ङ्घे़म्मे के़वाॽबा मे़न्छाम् सुवाङ्हाॽओ नु माःङ्घा माःङ्घाबा लाजेॽहाॽओ पाङ्घुङ्सिङ्ॽ, इग्र तार्सिस, लिबिया नु तोङ् लि याङ्मा के़ले़बा मना के़युङ्बा लुद नु तुबल खे़म्ब्याङ् ग्रिस लाजेॽहाॽओ पाङ्घुङ्सिङ्ॽ॥ कन् लाजेॽहाॽओ आङ्गाॽ पयम् यम्बा चोःक्का फाॽआङ् खे़ङ्हाॽरे़ उवा मे़जोगुॽ॥
नाम्धा पिसाङ्बा लाजेॽओ के़युङ्बा मनाहाॽरे़ यहवे दाङ्बे़ल्ले़ कुमिङ्ङिन् इङ्धाङ् मे़बिरुरो, हे़क्क्याङ् तॽइ नाङ्गे़न् ले़प्साङ्लाम् खे़ङ्हाॽरे़ खुने़ॽ मिमिदिङ् मे़बिरुरो॥ थेआङ्भे़ल्ले़ खुने़ॽ के़गुङ्बा के़युबा च्वाःत् हे़क्के युरो, खे़न् के़गुङ्बा के़युबा च्वाःत्हाॽ यहवे दाङ्बे़ल्ले़ कुसक्माःल्ले़ सुःन्दु युरुरो॥
यहवे दाङ्बे़ल्ले़ कुमनाहाॽ अक्खे मे़त्तुसिरो, “लिसि लाम् के़दुम्बा लाम्दोओ ये़बे़म्मे़ॽआङ् ओमये़म्मे़ॽओ॥ तगिबा लाम्हाॽ नु के़रे़क्नुःल्ले़ नुबा लाम्मिन् कोःत्ते़म्मे़ॽओ हे़क्क्याङ् खे़न् लाम्मो लाङ्घेगे़म्मे़ॽओ खे़म्ब्याङ् खिनिॽ हिङ्मन्निन् याम्नाःम् पोङ्लो॥” कर खे़ङ्हाॽरे़ मे़मे़त्तु, “आहाॽ, आनिगे हे़क्के मे़जोगुम्बे़न्लो॥”
“यरुसले़ःम्बा मनासे, ये़क्यक्कोलाम् लःन्दे़म्मे़ॽआङ् पेगे़म्मे़ॽओ हे़क्क्याङ् खे़निॽ के़नुःङ्बा के़दाबा आमनाहाॽरे़ लागि लत्छा लाम् चोगे़म्मे़ॽओ! लाम्धिक् यारिप् चोगे़म्मे़ॽओ, खे़म्मोबा लुङ्हाॽ खे़त्ताम्मे़ॽओ! लत्छा मिक्सेःन्धिक् लेःत्ताम्मे़ॽओ हे़क्क्याङ् के़रे़क् मे़न्छाम् सुवाङ्हाॽरे़ खे़न् मे़निसुररो॥
आम्भा खुने़ॽए यहवे दाङ्बे़ल्ले़ कुहिम्मिन् चोगुॽ, हे़क्क्याङ् खुने़ॽ हाङ् मिङ्सो इङ्धाङ् खोसुॽ हे़क्क्याङ् खुने़ॽ कुहाङ्युक्नाओ युङ्ङाङ् हाङ्युक् चोगुॽ, खम्भ्याङ् खे़न् हाङ्युक्नाःल्ले़ कुबेसाङ् निङ्वाॽफुसाम्बा थिक् पोङ्ॽ॥ हे़क्क्याङ् खे़न् ने़प्फुरे़ खुन्छिॽ लुम्मो नादङ् पोङ्ॽ॥’
के़दाबा ये़म्मो यहवे दाङ्बे़ल्ले़ कुहिम् युङ्सिङ्बा यरुसले़म ये़क्यक्किन् इक्सादिङ् खाम्बेःक्को के़रे़क्नुःल्ले़ के़ये़क्पा पोङ्लो॥ इक्सादिङ् खाम्बेःक्मोबा के़रे़क् पिसाङ्बा कोःक्मा फाङ्जङ् थे़गु माङ्वाहाॽनुःल्ले़ खे़न् साॽरिक् के़ये़क्पा पोङ्लो, हे़क्क्याङ् के़रे़क् मे़न्छाम् याप्मिहाॽ खे़ॽयो माङ्से़वा चोःक्से़ मे़जुम् मे़दारो॥
यरिक् मे़न्छाम् सुवाङ्हाॽ खे़ॽयो मे़दाआङ् मे़बाःत्तुरो, “त्ये़म्मे़ॽओ, आनिॽ के़रे़क् यहवे दाङ्बे़ल्ले़ कुगोःक्माओ थाःङ् लिङुम्माङ् याकुबरे़ कुनिङ्वाॽफुमाङ्ङिल्ले़ कुहिम्मो पेगिरो॥ खुने़ॽ आबाङे कुलाम्मिन् आनिॽ ओसेःन् आधाक्लो, हे़क्केलॽरिक् कुलाम्मो आनिॽ लाङ्घेःक्मा आसुक्लो॥” थेआङ्भे़ल्ले़ साम्योथिम्मिन् सियोनलाम् नु यहवे दाङ्बे़ल्ले़ कुबाःन्जाःक्किङ्ग यरुसले़मलाम् तारो॥
Piblisite