Biblia Todo Logo
Bib sou entènèt

- Piblisite -




यसैया 10:6 - लिम्‍बु

6 मे़नाप्‍तुसिबा चिगक्‌वाहाॽ नाप्‍मासि नु हिप्‍मासि थक्‍मासिआङ् मे़ङ्‌मासि फाॽआङ् माराम्‍मोबा ले़क्‌वान् कुइसिक् चिदोॽ चिदोॽ तोॽमासिरे़ लागि निङ्‌वाॽफुमाङ्‌ङिन् कुसिङ् मे़न्‍निःप्‍नाबा सुवाङ्‌ङिन् हे़क्‍क्‍याङ् आङ्‌गाॽ आसिक् के़भोङ्‌बाहाॽरे़ खुन्‍छिॽ तक्‍ले़ङ्‌वाओ खे़ङ्‌हाॽ हाराहारा पाङ्‌घुङ्‌सिङ्‌ङाङ् वाॽरो॥

Gade chapit la Kopi




यसैया 10:6
38 Referans Kwoze  

खे़ल्‍ले़चोगुल्‍ले़ दाङ्‌बान् नालिगे़न् थाङ्‌बे़न्‍हाॽनु मे़सःत्‍ने़न्‍लो, हे़क्‍क्‍याङ् मेमेदुमाहाॽ नु चुङ्‌जिगे़न् ये़त्‍छाबा ये़त्‍छामाहाॽआङ् लुङ्‌माॽ मे़दुक्‍तुसिन्‍लो॥ थेआङ्‌भे़ल्‍ले़ खे़ङ्‌हाॽ के़रे़क् निङ्‌वाॽफुमाङ् कुसिङ् मे़न्‍निःप्‍मनाबा मे़जोक्‍लो, खे़ब्‍याङ् ताप्‍फे़ःम्‍बा पान् नु इङ्‌ले़क्‍के पान् मे़बाःत्‍लो॥ आल्‍लसाङ् यहवे दाङ्‌बे़ल्‍ले़ कुसिक्‍के़न् मे़न्‍जिप्‍पे वाॽबाल्‍ले़ चोगुल्‍ले़ खे़ङ्‌हाॽ खुम्‍दिङ् पिमासिरे़ लागि खुने़ॽ कुहुक्‍किल्‍ले़ हाबा साःप्‍सुसिआङ् पत्‍लो॥


खे़ङ्‌हाॽनु सोरिक् थङ्‌ङो खुन्‍छिॽ निङ्‌मिहाॽ माराम्‍मोबा ले़क्‌वाओ चिदोॽ चिदोॽ के़दोॽबा मुक्‍साम्‍साबा मनाहाॽ हे़क्‍तङ्‌बा मे़बोङ्‌लो, थेआङ्‌भे़ल्‍ले़ यहवे दाङ्‌बे़न् खे़ङ्‌हाॽनु सोरिक् वाॽरो खे़ङ्‌हाॽ थङ् मे़जोःक्‍काङ् अन्‍गे़युक्‍पाहाॽ नाधामो मे़धासुसिरो॥


आङ्‌गाॽ इङ्‌जाङ् पिरुङ्‌सिङ् हे़क्‍क्‍याङ् खे़ङ्‌हाॽ कन् ये़क्‌यक्‍को मे़नुःङ् मे़दाःॽ॥ खे़ङ्‌हाॽरे़ कन् ये़क्‌यक्‍किन् थङ्‌ङो मे़भत्तुॽ, खे़ब्‍याङ् कन् ये़क्‌यक्‍किन् मे़दोगुआङ् मे़युक्‍तु हे़क्‍क्‍याङ् फुल्‍लुम् थ्‍यःङ् मि मे़याक्‍तुॽ॥ आङ्‌गाॽ यहुदाबा ये़क्‌यक्‍हाॽ मुरे़क् खारे़क्‍पा ये़ःङ्‌घादे़न् हे़क्‍के आत्तिन्‍हाॽआङ् युङ्‌मा मे़ङ्‌घोने़न्‍ल मना मेःन्‍नेबा चोगुङ्॥ आङ्‌गाॽ यहवे दाङ्‌बे़ल्‍ले़ पाःत्तुङ्‌ङाङ् वाॽरो॥”


थो पिसाङ्‌बा के़रे़क् मे़न्‍छाम् सुवाङ्‌हाॽ नु बेबिलोनबा हाङ् आसे़वारोबा नबुकदनेसरे़ल्‍ले़ कुउःत्‍छे़ आङ्‌गाॽ पाङ्‌घुङ्‌सिङ्‌ल पत्ता॥ कन् लाजेन् नु कप्‍मोबा यक्‌युङ्‌बाहाॽ हे़क्‍क्‍याङ् हिम्‍बेसाङ्‌बा वेॽ के़रे़क् मे़न्‍छाम् सुवाङ्‌हाॽनु थङ् चोःक्‍मारे़ लागि आङ्‌गाॽ खे़ङ्‌हाॽ तारुसिङ्‌ल पत्ता॥ कन् मे़न्‍छाम् सुवाङ्‌ङिन् नु कल्‍ले़ कुहिम्‍बेसाङ्‌बा मे़न्‍छाम् सुवाङ्‌हाॽ आङ्‌गाॽ मे़क्‍खुङ्‌सिङ्‌ॽ हे़क्‍क्‍याङ् खाप्‍पुथ्‍यःङ् चोगुङ्‌सिङ्‌ङाङ् ले़रुङ्‌सिङ्‌ॽ, खे़न् मे़निसुआङ् खे़प्‍मोलाम्‍बा लाङ्‌गे़घेःक्‍पाहाॽ के़रे़क् चिजिङ् यङ्‌मा मे़सिरो, हे़क्‍क्‍याङ् खे़न् ये़क्‌यक्‍किन् कुनामे़न्‍छाॽ मे़प्‍मा चाहाक् चोगुङ्‌ॽ॥ आङ्‌गाॽ यहवे दाङ्‌बान् पाराङ्‌ङाङ् वाॽ॥


हे़क्‍क्‍याङ् यहुदा लाजेॽबा मनाहाॽरे़ मिस्रओ किमा यङ्‌मा पाःन्‍हाॽ मे़दारुॽ॥ यहुदा लाजेःल्‍ले़ कुमिङ् के़घे़म्‍बा के़रे़क् मनाहाॽ पगि मे़गिरो, थेआङ्‌भे़ल्‍ले़ मुक्‍साम्‍दाङ्‌बा यहवे दाङ्‌बे़ल्‍ले़ खे़ङ्‌हाॽ खुम्‍दिङ् पिमासि निङ्‌सेःक् चोगुर वाॽ॥


खिनिॽ निङ्‌वाॽ के़जिःप्‍पासे, खिनिॽ याःम्‍बेओ निङ्‌वाॽफुमाङ्‌ङिल्‍ले़ कुबाःन्‍निन् माङ्‌निङ्‌वाॽपान् के़बाःप्‍पा यसैयाःल्‍ले़ साप्‍तुबाङ्‌ग से़क्‍खाए लाॽरुरो,


“यहवे दाङ्‌बा खे़ने़ॽ के़निङ्‌वाॽफुमाङ्‌ङिन् आत्तो वाॽबे?” याप्‍मि के़मे़प्‍पा आनिङ्‌मिहाॽरे़ खे़न् मे़निसुरो खे़ब्‍याङ् खे़ङ्‌हाॽ साॽरिक् सिरिङ्‌ममो मे़धारो॥ खे़न् निङ्‌मिहाॽरे़ तगि आङ्‌गाॽ किनाःन्‍दि मे़बिराङ्‌लो खे़ङ्‌हाॽ मे़जोःम्‍बे़न् आमिक्‍किल्‍ले़ए निसुरो, आल्‍लोसाङ् खे़ङ्‌हाॽ माराम्‍मोबा ले़ःक्‌वा हे़क्‍के लाङ्‌ङिल्‍ले़ चिदोॽ चिदोॽ मे़दोॽरुसिरो॥


यरुसले़ःम्‍मे, ताप्‍फे़ःम्‍बा पाःन्‍हाॽ खे़ने़ॽ सिक्‍लुङ्‌मोलाम्‍बाए वाहप्‍ते़ॽआङ् लाप्‍फुसे़ॽओ हे़क्‍क्‍याङ् खे़ने़ॽ ताङ्‌गे़से़ःप्‍सिङ्‌लो॥ आभे़ल्‍ले़ थारिक् खे़ने़ॽ के़सिक्‍लुङ्‌मो ताप्‍फे़ःम्‍बा निङ्‌वाॽ के़गत्तुबाबे?


खे़न् एगाङ् याम्‍बोःप्‍मा याःम्‍बक् के़जोःक्‍मा इस्राइलरे़ कुन्‍साॽ इङ्‌आले़क्‍ले़क्‍मा यहुदान् आङ्‌गाॽ ले़प्‍माङ् के़नुःङ्‌मा लाम्‍सिङ् कर खे़ल्‍ले़ कुसिक्‍लुङ्‌मान् आङ्‌गाॽ ले़प्‍माङ् मे़नुःक्‍तुन्॥ आङ्‌गाॽ यहवे दाङ्‌बे़ल्‍ले़ पाःत्तुङ्‌ङाङ् वाॽरो॥”


आङ्‌गाॽ आसाक्‍के़न्‍नो मे़न्‍छाम् सुवाङ्‌हाॽ तोॽरुङ्‌सिङ्‌लो हे़क्‍क्‍याङ् मयुसिबा हे़क्‍के खुन्‍छिॽ लाङ्‌हाॽ ए़त्‍छिङ्‌ङाङ् खाम्‍बाङ्‌ङो मे़जोन्‍लो, खे़ङ्‌हाॽरे़ खुन्‍छिॽ माक्‍खिन् खाम्‍बाङ्‌ङो वदेःन्‍दुङ्‌लो॥”


यहवे दाङ्‌बे़ल्‍ले़ पाःत्तुरो, “मे़न्‍छाम् सुवाङ्‌हाॽ चे़ल्‍ले़क्‍सेॽ हे़क्‍के एःप्‍सुङ्‌सिङ्‌लो, आङ्‌गाॽ फाॽमारे़ लागि हाःत्ताङ् मे़दे़न्‍ने़न्‍लो॥ आसाक्‍के़न्‍निल्‍ले़ खे़ङ्‌हाॽ तोॽरुसिङ्‌लो, हे़क्‍क्‍याङ् खुन्‍छिॽ माक्‍खिल्‍ले़ के़रे़क् आजाङ्‌हाॽ पित्तुरो॥


“कुभा मनाधिक् थाङ्‌गे़त् ले़प्‍माङ्‌लाम् हुसुङ्‌ङाङ् वाॽरो, हे़क्‍क्‍याङ् खे़न् यो युरो॥ नाङ्‌गे़न् ले़प्‍साङ्‌नु फे़न्‍नाङ् खे़ल्‍ले़ आङ्‌गाॽ आमिङ्‌ङिन् पाःत्तुरो, कोःम्‍भाल्‍याःल्‍ले़ खाम्‍मिन् लाःक्‍तुबा हे़क्‍के युक्‍साबाहाॽ तोॽरुसिरो॥


सियोनओ के़वाॽबा लायोबाहाॽ मे़गिसे़आङ् मे़वाॽरो, निङ्‌वाॽफुमाङ् वाॽ फाॽआङ् निङ्‌वाॽफुमाङ्‌ङिन् कुसिङ् मे़न्‍निप्‍नाबा मनाहाॽ किमा यङ्‌मारे़ ते़म्‍सुसिआङ् मे़वाॽरो, खाप्‍पुथ्‍यःङ् आजोःक्‍चोःक्‍पा मिओ युङ्‌मा के़सुक्‍पा आनिॽओ हात् वाॽबे? आभे़ल्‍ले़साङ् मिधुङ्‌दिङ् मिराःक् के़बोःक्‍पादे़न्‍नो युङ्‌मा के़सुक्‍पा आनिॽओ आत्तिन् वाॽग?


दाङ्‌बे़ल्‍ले़ अक्‍खे पाःत्तुरो, “कन् मनाहाॽ खुन्‍छिॽ नारा ओसेःन्‍धाक्‍से़ आङ्‌गाॽ आबेसाङ् मे़दारो हे़क्‍क्‍याङ् खुन्‍छिॽ मुराःल्‍ले़रक् आङ्‌गाॽ मिङ्‌सो इङ्‌धाङ् मे़बिआरो, कर खुन्‍छिॽ निङ्‌वान् आङ्‌गाॽलाम् माःङ्‌घा वाॽरो॥ खे़ङ्‌हाॽरे़ आङ्‌गाॽ से़वा मे़मे़त्ताबाङ्‌ग हने़ मनाहाॽरे़ मे़हुॽरुसिबा चोःक्‍थिम्‍लक्‍लो॥


सुफो निमा ने़ने़बा ते़म्‍बेॽओ यहवे दाङ्‌बा, मुक्‍साम्‍दाङ्‌बा यहवे दाङ्‌बान्‍लाम् पोःक्‍खे़बा कन् हयङ् किल्‍लिङ् हे़क्‍क्‍याङ् चिदोॽ चिदोॽ तोॽमा नु किमा यङ्‌मा ये़न्‍लो, खे़ब्‍याङ् लुङ्‌धाक्‍हाॽ लुःम्‍मा, नु आभाॽरे़ फाॽआङ् पेलि फाक्‍मनाबा इक्‍लान् कोःक्‍मा फाङ्‌जङ् थे़गु माङ्‌वाहाॽओ तोःक्‍काङ् लोःक्‍खुबा ये़न्‍लो॥


मुक्‍साम्‍दाङ्‌बा यहवे दाङ्‌बे़ल्‍ले़ कुसाक्‍के़न्‍निल्‍ले़ लाजेन् खाप्‍पुथ्‍यःङ् पोङ्‌लो, मनाहाॽ मि हाःम्‍मा तिङ्‌ग्रेक् हे़क्‍तङ्‌बा मे़बोःक्‍खे़आङ् मे़वाॽरो॥ हे़क्‍क्‍याङ् आत्तिन् मनाहाॽरे़आङ् आबाङे खुन्‍छिॽ फुॽनुसाॽहाॽ लुङ्‌माॽ मे़न्‍दुक्‍तुसिन्‍लो॥


खे़ङ्‌हाॽ मे़अःक्‍के़ल्‍ले़ केबे़न् हुःक्‍पा कुइसिक् लॽरो, हे़क्‍क्‍याङ् खे़ङ्‌हाॽ के़वे़म्‍बा केबे़न् हे़क्‍के मे़हुःक्‍लो॥ खे़ङ्‌हाॽरे़ सान् मे़दे़म्‍सुल्‍ले़ हागाःक् हागाःक् मे़लॽरो, खे़ब्‍याङ् खे़न् सान् खे़ङ्‌हाॽलाम् के़नाप्‍पा हाःत्ताङ् होप्‍लो॥


खाम्‍बाङ्‌ङोबा खाम्‍हिःक् हे़क्‍के चोगुङ्‌सिङ्‌लो, लाम्‍मोबा ले़क्‌वा कुइसिक् खे़ङ्‌हाॽ तोॽरुङ्‌सिङ्‌लो॥


आल्‍ल आङ्‌गाॽ आजे़ल्‍ले़क्‍सेॽ इक्‍किन् थे़मा चोगुङ्‌ॽ, आङ्‌गाॽ खे़ल्‍ले़ कुयाःम्‍बेओ खे़निॽ मे़त्‍निङ्‌लो— आङ्‌गाॽ खे़ॽयो फाङ्‌मनाआङ् के़बप्‍पा कुधेःक्‍माहाॽ हाॽयाक् वयाक् आःक्‍खुङ्‌देसुङ्‌लो, हे़क्‍क्‍याङ् खे़न् खाप्‍पुथ्‍यःङ् पोङ्‌लो॥ खे़न् चे़ल्‍ले़क्‍सेॽ इक्‍किन् थेःक्‍मारे़ लागि से़प्‍मनाबा लुङ्‌धाक्‍हाॽ लुःन्‍दुङ्‌देसुङ्‌लो, खे़म्‍ब्‍याङ् खे़न् चे़ल्‍ले़क्‍सेॽ इक्‍किन् चिराक् चिराक् मे़लाःक्‍तुरो॥


खे़ल्‍ले़चोगुल्‍ले़ यहवे दाङ्‌बान् आबाङे कुमनाहाॽरे़ खुन्‍छिॽ तक्‍ले़ङ्‌वाओ कुसिक् पोगे़आङ् वाॽरो॥ खे़न् मनाहाॽ खुम्‍दिङ् पिमासि फाॽआङ् खुने़ॽ कुहुक्‍किन् थाःङ् फोःक्‍खुआङ् पत्‍लो, हे़क्‍क्‍याङ् आल्‍ल खे़ङ्‌हाॽ हिप्‍तुसिरो॥ कोःक्‍मा फाङ्‌जङ् थे़गु माङ्‌वाहाॽ यङ्‌लो खम्‍ब्‍याङ् के़सिबा मनाहाॽरे़ खुन्‍छिॽ नासिङ्‌गे़न् चेधक्‍लाहाॽ माराम्‍हाॽओ ताम्‍जिॽ कुइसिक् ने़रो॥ कम्‍भ्‍यारिक्‍साङ् खुने़ॽ कुसाक्‍के़न् पोःक्‍मा मे़जिप्‍तुन्‍नाङ् खुम्‍दिङ् पिमासिरे़ लागि आल्‍लसाङ् खुने़ॽ कुहुक्‍किन् हाबा थाःङ् पोगे़आङ् पत्‍लो॥


“यहवे दाङ्‌बे़ल्‍ले़ खे़ने़ॽ के़लाजेःल्‍ले़ कुदक्‍ले़ङ्‌वाओ नु खे़ने़ॽ के़हिम्‍सयङ्‌हाॽरे़ खुन्‍छिॽ तक्‍ले़ङ्‌वाओ यम्‍बा तुक्‍खे लाक्‍खे तारुॽ॥ हे़क्‍क्‍याङ् सोलोमनरे़ कुहाङ्‌जुम्‍मिन् इस्राइल नु यहुदा ने़त्‍छि हाङ्‌जुम्‍मो पःक्‍खे़बा तङ्‌बेआङ् कत्‍थो पोःक्‍खे़बा हिन्‍धोःक्‍हाॽनुःल्‍ले़आङ् पयम् यम्‍बा किमे़न् हाराए के़निसु के़दुमुॽ॥ खे़ब्‍याङ् यहवे दाङ्‌बे़ल्‍ले़ अस्‍सुरबा के़आःप्‍पा हाङ्‌ङिल्‍ले़ यरिक् कुधक्‍सुबाहाॽ तारुसिॽ॥”


खे़न् के़गुङ्‌बा के़युबा च्‍वाःत्तिन् पोआङ् यहुदा थारिक् कुङ्‌ङाङ् युरो॥ खे़न् के़गुङ्‌बा के़युबा च्‍वाःत्तिन् खे़ॽयोबा मनाहाॽरे़ खुन्‍छिॽ सित्‍लाओ थारिक् के़त्‍लो, खे़ल्‍ले़ हम्‍भे़ मे़त्तुबा कुलाप्‍पिल्‍ले़ लाजेन् के़रे़क् ते़प्‍तुरो, इम्‍मानुएलए!”


इक्‍सादिङ् खाम्‍बेःक्‍मो के़युङ्‌बा मनाहाॽरे़ खुन्‍छिॽ लायोल्‍ले़ चोगुल्‍ले़ कन् इक्‍सादिङ् खाम्‍बेःक्‍मान् चिःन्‍जिःन् के़घुबा पोःक्‍खे़आङ् ने़रो॥ थेआङ्‌भे़ल्‍ले़ खे़ङ्‌हाॽरे़ निङ्‌वाॽफुमाङ्‌ङिल्‍ले़ कुइङ्‌जाङ्‌ङिन् मे़भेःन्‍दुआङ् वाॽरो, कुभाङ्‌हाॽ मे़भेःन्‍दुआङ् वाॽरो हे़क्‍क्‍याङ् सदादिङ्‌बा माङ्‌हुप्‍पिन् इःप्‍मा नाःप्‍मा मे़ले़रुआङ् वाॽरो॥


थेआङ्‌भे़ल्‍ले़ अदङ् मनाःन् अदङ् पाःन्‍ने पाःत्‍लो, हे़क्‍क्‍याङ् खे़ल्‍ले़ कुनिङ्‌वान् ताप्‍फे़ःम्‍बा याःम्‍बक् चोःक्‍माओरक् पत्‍लो, खे़ल्‍ले़ लायोबा याःम्‍बक् चोगुॽ खे़ब्‍याङ् यहवे दाङ्‌बे़ल्‍ले़ कुदक्‍ले़ङ्‌वाओ के़बेःम्‍बा पाःन्‍हाॽ इङ्‌घु ने़स्‍सुरो॥ खे़ल्‍ले़ कुसे़क्‍के़लाःक्‍पाहाॽ कुजा मे़बिरुसिन्‍लो, खम्‍ब्‍याङ् कुवा के़मिबाहाॽ थुङ्‌मा च्‍वाःत्ताङ् मे़बिरुसिन्‍लो॥


मना के़से़प्‍पा खिनिॽ अस्‍सेरियाहाॽ, के़जिःत्ति के़स्‍ये़ॽइरो! कर खे़निॽग हाःत्‍ले़आङ् मे़न्‍छे़त्ते के़वयिॽ! चिःत्ते़स्‍ये़रो, खिनिॽ इङ्‌ले़क्‍स्‍वाबाहाॽ, खिनिॽग हाःत्‍ले़आङ् इङ्‌मे़ल्‍ले़क्‍के के़वयिरो! मनाहाॽ खे़निॽ मे़ङ्‌मा के़ले़रुम्‍सिम्‍मिल्‍ले़, खे़निॽआङ् के़म्‍मे़क्‍खिरो॥ मनाहाॽ खे़निॽ इङ्‌ले़क्‍मा के़ले़रुम्‍सिम्‌ॽ, खिनिॽआङ् इङ्‌ले़क्‍को के़ध्‍ये़ॽइरो॥


“खे़निॽ साहाॽ हारावराॽ मे़नुःङ् मे़दारो, हे़क्‍क्‍याङ् खे़निॽ मे़ङ्‌मा के़गोःप्‍पाहाॽ खे़निॽ तगिलाम्‍बा मे़लःन्‍नाङ् मे़बेःक्‍लो॥


कर यहवे दाङ्‌बे़ल्‍ले़ अक्‍खे पाःत्तुरो— “ओरो, थक्‍सुबाहाॽलाम् पुङ्‌लाहिम्‍मो साक्‍पा के़धाबाहाॽ हे़क्‍क्‍याङ् कुॽइगे़भे़म्‍बाहाॽलाम् मे़नाप्‍तुसिबा चिगक्‌वाहाॽ नाप्‍मा सुक्‍मे़दे़त्‍लो॥ आत्तिन्‍हाॽ खे़निॽनु खे़माॽ मे़जोक् आङ्‌गाॽ खे़ङ्‌हाॽनु खे़माॽ चोःक्‍कारो, खे़ब्‍याङ् आङ्‌गाॽ आस्‍सा आएहाॽ से़ःप्‍तुङ्‌सिङ्‌लो॥


ओरो, खुने़ॽ कुयाःम्‍बक्‍किल्‍ले़ लागि थुम्‍घो कुइसिक् आङ्‌गाॽ मिस्र लाजेन् खुने़ॽ पिरुङ्‌ङाङ् ने़रो, आङ्‌गाॽ मुक्‍साम्‍दाङ्‌बा यहवे दाङ्‌बे़ल्‍ले़ अक्‍खे पाःत्तुङ्‌ॽ, थेआङ्‌भे़ल्‍ले़ खे़ल्‍ले़ तुरोसे़न् मे़क्‍खुल्‍ले़ खुने़ॽ आङ्‌गाॽ आलागि याःम्‍बक् चोगाङ् पिराङ्‌ङाङ् वये़॥


लाजेॽलाम् मे़लःत्तु मे़देसुसिबा यरिक् मे़न्‍छाम् सुवाङ्‌हाॽओलाम् के़नुःङ्‌बा के़दाबा मनाहाॽरे़ खे़न् तगि खाप्‍पुथ्‍यःङ् चिजि खक्‍खक् के़बोङ्‌बा ये़क्‌यक्‍हाॽ आल्‍लो मे़धिम्‍सुआङ् ने़रो॥ खे़ङ्‌हाॽरे़ थक्‍साहाॽ नु वेॽ चिगक्‌वाहाॽ मे़गत्तुआङ् मे़युङ्‌ॽ, आङ्‌गाॽ खे़ङ्‌हाॽरे़ मे़गत्तुबा के़रे़क् नाप्‍तुङ्‌सिङ्‌ङाङ् मे़क्‍खुङ्‌सिङ्‌ॽ, खे़ङ्‌हाॽ इक्‍सादिङ् खाम्‍बेःक्‍मोबा लाम्‍दोओ मे़युङ्‌ॽ!’


कर सेबा नु ददानबा मनाहाॽ हे़क्‍क्‍याङ् तर्सिसबा ले़ङ्‌हङ्‌बाहाॽरे़ खे़ने़ॽ से़ःन्‍गे़म्‍दो, ‘खे़ने़ॽ के़भुक्‍खुसिआङ् के़वाॽबा थक्‍सुबाहाॽरे़ खे़ङ्‌हाॽ युप्‍पा नु साम्‍म्‍याङ् नाप्‍मा मे़सुक्‍तुसि फाॽआङ् खे़ने़ॽ के़इःत्तुबि? थे खे़ने़ॽ खे़ङ्‌हाॽरे़ खुन्‍छिॽ थक्‍साहाॽ नाःप्‍मादेॽमासि नु खुन्‍छिॽ चिगक्‌वा सामाहाॽ हुक्‍काप् चोःक्‍मा हे़क्‍क्‍याङ् के़नाप्‍तुसिबा सामाहाॽ कुमादेॽमा सुक्‍मा निङ्‌वाॽ के़इःत्तुबि?’


यहवे दाङ्‌बाए, खे़ने़ॽ उनाहुरिआङ्‌धोए के़न्‌वाॽने़न्‍बि? आनिङ्‌वाॽफुमाङ्‌ङे, आसेसेबाए, आनिगे आग्‍से़प्‍पाबि? यहवे दाङ्‌बाए, खासे़न् चोःक्‍मा याःम्‍बक्‍ले़ लागि खे़ने़ॽ खे़ङ्‌हाॽ युक्‍तिङ् के़जोगुसिआङ् मे़वाॽरो, आसे़ःप्‍सिङ्‌मा याक्‍पेॽए, आनिगे खुम्‍दिङ् पिमारे़ लागि खे़ने़ॽ खे़ङ्‌हाॽ माङ्‌थोःक्‍ना के़बिरुसिआङ् मे़वाॽरो॥


आल्‍लसाङ् यरिक् पाःन्, थे यहवे दाङ्‌बे़ल्‍ले़ कुबाःन्‍जाक् मेःन्‍ने थङ्‌ङो फप्‍मा नु कन् लाजेन् मे़ङ्‌मारे़ लागि आङ्‌गाॽ फे़राङ्‌बाबि? यहवे दाङ्‌बे़ल्‍ले़ए आङ्‌गाॽ अक्‍खे मे़त्ताङ्‌ङाङ् वाॽ, कन् लाजेन् थङ्‌ङो फत्ते़ॽआङ् खाप्‍पुथ्‍यःङ् चोगे़ॽ॥’”


अङे़ःक्‌वाःल्‍ले़ ‘आङ्‌गाॽ आम्‍बा’ नु ‘आङ्‌गाॽ आम्‍मा’ पाःप्‍मा ले़मानुःल्‍ले़ तगिए दमस्‍कसबा याङ्‌साकुन्‍धेन् हारा नाप्‍पा हे़क्‍क्‍याङ् सामरियालाम् मे़नाप्‍तुसिबा चिगक्‌वाहाॽ अस्‍सुरबा हाङ्‌ङे़ल्‍ले़ फे़त्‍लाःन्‍दु पिआरो॥”


Swiv nou:

Piblisite


Piblisite