यसैया 10:5 - लिम्बु5 यहवे दाङ्बे़ल्ले़ पाःत्तु, “चिःत्ते़स्ये़रो! चिःत्ते़स्ये़रो!! अस्सुर लाजेॽए, आत्तिन्नु आङ्गाॽ तल्लिक् आसिक् पोगे़आङ् वाॽरो, खे़न् खुम्दिङ् पिमारे़ लागि खे़ने़ॽ आङ्गाॽ आहुक्को मरःङ्ग्या चोःक्ने़आङ् वाॽरो॥ Gade chapit la |
यसैया 10:5
31 Referans Kwoze
यहवे दाङ्बे़ल्ले़ के़रे़क् मनाहाॽ खुने़ॽ कुमिमिदिङ्गे़न् कुइक्लान् मे़घे़प्सुर याःन्दुसिरो, हे़क्क्याङ् तिङ्दिङ्गे़न् कुयाःक्ले़ॽमान् निङ्वाॽ मे़घोसुर चोगुसिरो॥ खे़ॽयो साःम्भे ले़क्ल खे़रे़ङ्घुरुङ् लॽआङ् मिधुङ् मिराःक् पोःक्लो, फःन् थाआङ् वहित् साम्मिःत् खइक् खइक् इक्सिङ्लो, खे़ब्याङ् वधोःक्को च्वाःत् हुङ्मना थेसिङ् के़लॽबा आबङ्बङ्बा वहित् थासुरो॥
यहवे दाङ्बाए, कन् इक्सा खाम्बेःक्को याङ्साकुन्धेःन्ने के़रे़क्नुःल्ले़ यम्बा पान् लॽरिक् के़इःप्पा मनाहाॽलाम्बा के़हुक्किल्ले़ से़ःप्ताङ्ङे़ॽओ॥ कर के़सिराॽ के़धाङ्बा मनाहाॽरे़ खुनिॽ से़त्लाःक्किल्ले़ के़घाःत्तुसिरो, हे़क्क्याङ् खे़ङ्हाॽरे़ खुनिॽ साहाॽरे़ यरिक् मे़घोसुरो॥ खे़ब्याङ् खे़ङ्हाॽरे़ खुनिॽ मे़न्छाॽहाॽरे़ लागिआङ् यरिक् याङ्साकुन्धे मे़सुप्सुआङ् मे़लुप्सुरो॥
“यहवे दाङ्बे़ल्ले़ खे़ने़ॽ के़लाजेःल्ले़ कुदक्ले़ङ्वाओ नु खे़ने़ॽ के़हिम्सयङ्हाॽरे़ खुन्छिॽ तक्ले़ङ्वाओ यम्बा तुक्खे लाक्खे तारुॽ॥ हे़क्क्याङ् सोलोमनरे़ कुहाङ्जुम्मिन् इस्राइल नु यहुदा ने़त्छि हाङ्जुम्मो पःक्खे़बा तङ्बेआङ् कत्थो पोःक्खे़बा हिन्धोःक्हाॽनुःल्ले़आङ् पयम् यम्बा किमे़न् हाराए के़निसु के़दुमुॽ॥ खे़ब्याङ् यहवे दाङ्बे़ल्ले़ अस्सुरबा के़आःप्पा हाङ्ङिल्ले़ यरिक् कुधक्सुबाहाॽ तारुसिॽ॥”
बेबिलोनबा लाजेन् ओमे़त्ताम्मे़ॽओ, खे़न् लाजेॽओ के़युङ्बा सुवाङ्हाॽ आल्ल मे़होप्लो॥ अस्सुरबा मनाहाॽरे़ खे़न् लाजेन् मुरे़क् खारे़क्पा ये़ःङ्घादे़न्नो के़याक्पा थक्सापुसा याक्नादे़न् मे़जोगु मे़बिरुसिआङ् वाॽरो॥ खे़ङ्हाॽरे़ थङ् थक्मा चङ्हिम्हाॽ मे़भोःक्खुरो, हे़क्क्याङ् खे़ङ्हाॽरे़ हाङ्यक्हाॽ मे़लुःन्दुआङ् मे़लुप्सु मे़ने़स्सुरो॥
इक्सादिङ् खाम्बेःक्मोबा के़रे़क् मे़न्छाम् सुवाङ्हाॽ सम्धाङ् यहवे दाङ्बे़ल्ले़ कुसिक् पोगे़आङ् वाॽरो, खुने़ॽ कुसाक्के़न्निन् खे़ङ्हाॽरे़ खुन्छिॽ के़रे़क् थक्सुबाहाॽ सम्धाङ् चुक्ते़आङ् वाॽरो॥ खुने़ॽ खे़ङ्हाॽ थिक्काङ् मेःन्ने के़रे़क् मे़क्खुसिरो, मना के़से़प्पा मनाःल्ले़ कुहुक्को खे़ङ्हाॽ हुक्सुप्तुसिरो॥
खे़ल्ले़चोगुल्ले़ आल्ल आङ्गाॽ साॽरिक् आसिक् पोःक्मान् खे़ङ्हाॽरे़ खुन्छिॽ सम्धाङ् थासुङ्ॽ, हे़क्क्याङ् आसाक्के़न् पोःक्मा मिःल्ले़ खे़ङ्हाॽ खाप्पुथ्यःङ् चोगुङ्सिङ्ॽ॥ खे़ङ्हाॽरे़ खुन्छिॽ योबा के़रे़क् लायोहाॽरे़ खुम्दिङ्ङिन् खे़ङ्हाॽरे़ खुन्छिॽ थे़गेक् सम्धाङ् लुप्सुङ्ॽ॥ आङ्गाॽ मुक्साम्दाङ्बा यहवे दाङ्बे़ल्ले़ पाःत्तुआङ् वाॽरो!”
यहवे दाङ्बाए, खे़ने़ॽ उनाहुरिआङ्धोए के़न्वाॽने़न्बि? आनिङ्वाॽफुमाङ्ङे, आसेसेबाए, आनिगे आग्से़प्पाबि? यहवे दाङ्बाए, खासे़न् चोःक्मा याःम्बक्ले़ लागि खे़ने़ॽ खे़ङ्हाॽ युक्तिङ् के़जोगुसिआङ् मे़वाॽरो, आसे़ःप्सिङ्मा याक्पेॽए, आनिगे खुम्दिङ् पिमारे़ लागि खे़ने़ॽ खे़ङ्हाॽ माङ्थोःक्ना के़बिरुसिआङ् मे़वाॽरो॥
“थाङ्गे़त् पिसाङ्बा हाङ्ङिल्ले़ थे चोःक्मा कुसिराॽथाङ् हाबा खे़न्ने चोगुॽ॥ खुने़ॽ आप्फेक् के़रे़क् माङ्हाॽनुःल्ले़ थो यम्बा चोःक्सिङ्ॽ हे़क्क्याङ् के़रे़क्नुःल्ले़ यम्बा निङ्वाॽफुमाङ्ङिल्ले़ कुदक्ले़ङ्वाओ आप्फाल्ले़आङ् मे़ङ्घे़म्मेबा पान् पाःत्तुॽ॥ निङ्वाॽफुमाङ्ङिल्ले़ कुसिक् पोःक्मा ये़म्मिन् मे़न्नुप्पे थारिक् खे़न् कुलिङ्दो के़गे़प्पा पोङ्ॽ, थेआङ्भे़ल्ले़ थे़मा पाःन्निन् निःन्धो पोःक्खे़आङ् वाॽ, खे़न् पाःन्निन् के़प्माए पोङ्ॽ॥
Piblisite