खे़ल्ले़चोगुल्ले़ यहवे दाङ्बान् आबाङे कुमनाहाॽरे़ खुन्छिॽ तक्ले़ङ्वाओ कुसिक् पोगे़आङ् वाॽरो॥ खे़न् मनाहाॽ खुम्दिङ् पिमासि फाॽआङ् खुने़ॽ कुहुक्किन् थाःङ् फोःक्खुआङ् पत्लो, हे़क्क्याङ् आल्ल खे़ङ्हाॽ हिप्तुसिरो॥ कोःक्मा फाङ्जङ् थे़गु माङ्वाहाॽ यङ्लो खम्ब्याङ् के़सिबा मनाहाॽरे़ खुन्छिॽ नासिङ्गे़न् चेधक्लाहाॽ माराम्हाॽओ ताम्जिॽ कुइसिक् ने़रो॥ कम्भ्यारिक्साङ् खुने़ॽ कुसाक्के़न् पोःक्मा मे़जिप्तुन्नाङ् खुम्दिङ् पिमासिरे़ लागि आल्लसाङ् खुने़ॽ कुहुक्किन् हाबा थाःङ् पोगे़आङ् पत्लो॥
यसैया 10:4 - लिम्बु4 मे़दे़म्सु मे़देॽरुसिबाहाॽनु सोसोरिक् सॽसिङ्मा हे़क्क्याङ् मे़से़रुसिबाहाॽरे़ खुनिॽ लुम्मो तोःक्माआङ् चोःम्मानुःल्ले़ वेॽ नुबा थेआङ् होप्लो॥ हे़क्केसाङ् यहवे दाङ्बे़ल्ले़ कुसिक्के़न् मे़जिःक्तुन्लो खे़ब्याङ् खुम्दिङ् पिमासिरे़ लागि खुने़ॽ कुहुक्किन् आल्लसाङ् फोःक्खुआङ्ङे पत्लो॥ Gade chapit la |
यसैया 10:4
19 Referans Kwoze
अरामिहाॽरे़ तॽइ नाङ्गे़न् पिसाङ्लाम्बा हे़क्क्याङ् पलिस्तिहाॽरे़ नाम्धा पिसाङ्लाम्बा खे़ङ्हाॽरे़ खुन्छिॽ मुरान् हा मे़मे़त्तुआङ् इस्राइलि मनाहाॽ मे़लरु मे़देसुसिरो॥ कम्भ्यारिक्काङ्साङ् खुने़ॽ कुसिक्के़न् मे़न्जिप्पे वाॽरो, खे़ब्याङ् आल्लसाङ् खुने़ॽ कुहुक्किल्ले़ खे़ङ्हाॽ साःप्सुसिआङ् पत्लो॥
एफ्राइम्मिल्ले़ कुधाःक्हाॽ नु मनस्सेःल्ले़ कुधाःक्हाॽ आबाङे खुन्छिॽ तक्ले़ङ्वाओ मे़बोक्लो, हे़क्क्याङ् याङ्सि खे़ङ्हाॽ थिक्हुप् मे़बोङ्ङाङ् यहुदान् मे़भत्तुरो॥ करसाङ् यहवे दाङ्बे़ल्ले़ कुसिक् पोःक्मान् मे़न्जिःक्के वाॽरो, हे़क्क्याङ् आल्लसाङ् खुने़ॽ कुहुक्किल्ले़ साःप्सुसिआङ्ङे पत्लो॥
खे़ल्ले़चोगुल्ले़ दाङ्बान् नालिगे़न् थाङ्बे़न्हाॽनु मे़सःत्ने़न्लो, हे़क्क्याङ् मेमेदुमाहाॽ नु चुङ्जिगे़न् ये़त्छाबा ये़त्छामाहाॽआङ् लुङ्माॽ मे़दुक्तुसिन्लो॥ थेआङ्भे़ल्ले़ खे़ङ्हाॽ के़रे़क् निङ्वाॽफुमाङ् कुसिङ् मे़न्निःप्मनाबा मे़जोक्लो, खे़ब्याङ् ताप्फे़ःम्बा पान् नु इङ्ले़क्के पान् मे़बाःत्लो॥ आल्लसाङ् यहवे दाङ्बे़ल्ले़ कुसिक्के़न् मे़न्जिप्पे वाॽबाल्ले़ चोगुल्ले़ खे़ङ्हाॽ खुम्दिङ् पिमासिरे़ लागि खुने़ॽ कुहुक्किल्ले़ हाबा साःप्सुसिआङ् पत्लो॥
खे़ङ्हाॽरे़ खे़ने़ॽ ‘आनिगे आत्तान् पेगिगे़बा’ फाॽआङ् से़ःन्के़म्दोने़भग्र आङ्गाॽ अक्खे पाःत्तुङ्ङाङ् वाॽ फाॽआङ् खे़ङ्हाॽ मे़त्ते़से़ॽ, ‘यहवे दाङ्बे़ल्ले़ अक्खे पाःत्तुरो— “‘आत्तिन्हाॽ मिङ्देॽलाम्बा मे़सि, खे़ङ्हाॽ मिङ्देॽओ मे़बेःक्लरो! आत्तिन्हाॽ थङ्ङो मे़सि, खे़ङ्हाॽ थङ्ङो मे़बेःक्लरो! आत्तिन्हाॽ साक्मे़न्जाए मे़सि, खे़ङ्हाॽ साक्वाःन्नो मे़धाररो! हे़क्क्याङ् आत्तिन्हाॽ मे़दे़म्सु मे़देॽरुसि, खे़ङ्हाॽ मे़दे़म्सु मे़देॽरुसिररो!’
Piblisite