यसैया 10:29 - लिम्‍बु

²⁹ खे़ङ्‌हाॽ ने़ने़बा ते़न्‍निन् मे़गाःक्‍तुआङ् मे़बेःक्‍लो हे़क्‍क्‍याङ् खे़ङ्‌हाॽरे़ मे़बाःत्तुरो, “से़न्‍दिक् गेबा मे़प्‍मनाबा ते़न्‍नो याङ्‌धोःक्‍तिगे़रो॥” रामा ये़क्‌यक्‍को के़युङ्‌बा मनाहाॽ किमे़ल्‍ले़ थे़गक्‍कक्‍ना मे़यङ्‌लो, हे़क्‍क्‍याङ् सावल हाङ्‌ङिल्‍ले़ कुये़क्‌यक् गिबा के़युङ्‌बा के़रे़क् मनाहाॽ मे़घे़त्‍छिङ् मे़बेःक्‍लो॥

यसैया 10:29 Referans Kwoze

१ सामुए़ल 13:23

खे़न् ये़म्‍मो मिकमासबा चिभिःप्‍फिःप्‍पा लाम्‍मिन् कम्‍ब्राङ् मे़त्‍छे़ पलिस्‍ति थक्‍सुबाहाॽ मे़बेआङ् मे़वये़रो॥

१ सामुए़ल 7:17

कर खुने़ॽ रामाबा कुहिम्‍मोए नुःक्‍खे़॥ हे़क्‍क्‍याङ् खे़प्‍मोआङ् हाबा हे़क्‍केलॽरिक्‍के इस्राइलिहाॽ खासे़न् चोगु पिरुसि॥ खुने़ॽ खे़प्‍मो यहवे दाङ्‌बाल्‍ले़ कुलागि लत्‍छा ले़त्ति तोःम्‍मादे़न् चोगुरो॥

१ सामुए़ल 11:4

इङ्‌घङ् के़साबाहाॽ गिबाबा सावलरे़ओ मे़गे़रे़ मे़द्‌ये़, हे़क्‍क्‍याङ् कन् इङ्‌घङ्‌ङिन् मनाहाॽ मे़मे़त्तुसिल्‍ले़ के़रे़क् साॽरिक् मे़हाबे़ मे़जिःक्‍ते़॥

यहोसु 21:17

हे़क्‍क्‍याङ् बेन्‍यामिनरे़ कुधाःक्‍कोलाम् गिबोन, गेबा,

होसे 10:9

“इस्राइलए, गिबाबा ये़म्‍माङ्‌धो खे़ने़ॽ लायो चोःक्‍मा के़हेःक्‍तुरो, हे़क्‍क्‍याङ् आल्‍लसाङ् खे़ने़ॽ हाबा खे़म्‍मोए के़बत्‍लो॥ फे़न्‌याःम्‍बक् के़जोःक्‍पाहाॽरे़ खुन्‍छिॽ तक्‍ले़ङ्‌वाओ ते़न्‍धङ्‌ङिल्‍ले़ थे गिबाओ खे़ङ्‌हाॽ मे़याङ्‌घुसिन्‍नाङ्‌बि?

होसे 9:9

गिबाओबा ये़न्‍हाॽ कुइसिक् खे़ङ्‌हाॽ खुन्‍छिॽ आप्‍फेक् साॽरिक् ताप्‍फे़ःल्‍लिक् फे़त्‍मे़लाःन्‍छिङ्‌ङाङ् मे़वाॽरो॥ निङ्‌वाॽफुमाङ्‌ङिल्‍ले़ खुन्‍छिॽ फे़न्‌याःम्‍बक्‍किन् निङ्‌वाॽ इःत्तुरो, खुने़ॽ खे़ङ्‌हाॽरे़ खुन्‍छिॽ लायोल्‍ले़ कुले़क्‌वा खुम्‍दिङ् पिरुसिरो॥

होसे 5:8

“गिबाओ थुत्तुरिःप्‍पा मुःत्ते़म्‍मे़ॽओ, हे़क्‍क्‍याङ् रामाओ सादाङ्‌ङिन् लाइक्‍खाम्‍मे़ॽओ॥ बेथ-आवनओ थङ् इक्‍लान् लःत्ते़म्‍मे़ॽओ, बे़न्‍यामिनए, लाम्‍लोमा याःम्‍बक् चोगे़ॽओ॥

यर्मिया 31:15

यहवे दाङ्‌बे़ल्‍ले़ अक्‍खे पाःत्तुरो, “रामाओ लत्‍छा इक्‍लाधिक् खे़म्‍दे़त्ते़रो, उःक्‍काङ् उःक् मे़रिङ् के़धक्‍पा इक्‍लान् खे़म्‍दे़त्ते़रो॥ राहेल्‍ले़न् कुस्‍साहाॽरे़ लागि हाःप्‍लो, खे़न् चिजि ये़म्‌ये़म् पोङ्‌मा मे़दे़न्‍ने़ल्‍लो थेआङ्‌भे़ल्‍ले़ खे़न् हिन्‍जाॽहाॽ आत्तिन्‍हाॽआङ् मे़न्‍हिङे़न्‍लो॥

१ हाङ् 15:23

आसारे़ हाङ्‌युक् चोगुबा ये़म्‍मोबा वेॽ हिन्‍दोक्‍हाॽ नु खुने़ॽ चोगुबा के़रे़क् थोबोहाॽ, हे़क्‍क्‍याङ् खुने़ॽ चोगुबा के़रे़क् याःम्‍बक्‍हाॽ नु खुने़ॽ चोगुबा ये़क्‌यक्‍हाॽ थे यहुदाबा हाङ्‌हाॽरे़ खुन्‍छिॽ साप्‍मुःन्‍धुम् साप्‍पन्‍नो साप्‍ते़आङ् मे़बत्‍ने़म्‍बि? हे़क्‍केसाङ् खुने़ॽ खदाक्‍मि तुम्‍से़बा ये़म्‍मो कुयाम् तुगे़बाल्‍ले़ कुलाङ् के़दुक्‍पा पोःक्‍खे़॥

१ सामुए़ल 15:34

हे़क्‍क्‍याङ् सामुए़ले़न् रामा कुबाङ्‌भेॽ पे, कर सावले़न् गिबाबा खुने़ॽ आबाङे कुहिम्‍मो पे॥

१ सामुए़ल 14:4

जोनाथानरे़ पलिस्‍ति तुराहिम् पेःक्‍मा कोःत्तुबा मिकमासबा चिभिःप्‍फिःप्‍पा लाम्‍मिल्‍ले़ ने़प्‍माङ् पिसाङ् याक्‍केःक् फुङ्‌गेःक् पत्‍छे़॥ थिक् ले़प्‍माङ्‌बान् बोसेस नु वेॽ ले़प्‍माङ्‌बान् सेनेह मे़मे़त्तु॥

१ सामुए़ल 13:16

सावले़न् नु कुस्‍सा जोनाथने़न् हे़क्‍क्‍याङ् खे़ङ्‌हाॽनु के़वाॽबा मनाहाॽरे़ बेन्यामिन्‍बा गिबाओ तुराहिम् मे़जोगु॥ पलिस्‍तिहाॽग मिकमासओ तुराहिम् मे़लेःत्तुआङ् मे़युङ्‌सिङ्॥

१ सामुए़ल 13:2

सावलरे़ हे़न्‍छिङ् सुम्‍सि इस्राइलबा मनाहाॽ सेगुसि—मिकमास नु बेथेलबा कोःक्‍मा फाङ्‌जङ् थे़गु माङ्‌वा लाजेॽओ खुने़ॽनु हे़न्‍छिङ् ने़त्‍छि मे़वये़, हे़क्‍क्‍याङ् बेन्यामिन्‍बा गिबाओ जोनाथाने़न्‍नु हे़न्‍छिङ्‌धिक् मे़वये़॥ के़नम्‍बा कुभाॽ मनाहाॽग खुनिॽ हिम्‍मो पाङ्‌घुदेसुसि॥

१ सामुए़ल 10:26

सावले़न्‍नाङ् गिबाबा कुहिम्‍मो पे, हे़क्‍क्‍याङ् निङ्‌वाॽफुमाङ्‌ङिल्‍ले़ थङ्‌ङो लाम्‍लोसुसिबा मनाहाॽआङ् खुने़ॽनुए मे़बे॥

१ सामुए़ल 14:2

खे़न् ये़म्‍मो सावलरे़ गिबा कुबेसाङ् मिग्रोन् मे़प्‍मनाबा ते़न्‍नो फुॽले़सेॽ सिङ्‌सेल्‍ले़ कुसिगाङ् तुराहिम् लेःत्तुआङ् युङे़॥ खुने़ॽनु के़प्‍मे़ङ्‌गे़त् किप् तुक्‍सि यारिक् मनाहाॽ मे़वये़॥

१ सामुए़ल 14:5

थाङ्‌गे़त् ले़प्‍माङ्‌बा याक्‍केःक्‍किन् मिक्‍मासरे़ कुदगि नु लाङ्‌गे़त् ले़प्‍साङ्‌बान् गिबारे़ कुदगि पत्‍छे़॥