Biblia Todo Logo
Bib sou entènèt

- Piblisite -




यसैया 10:26 - लिम्‍बु

26 मुक्‍साम्‍दाङ्‌बा यहवे दाङ्‌बे़ल्‍ले़ ओरेब याक्‍पेॽओ मिध्‍यानबा मनाहाॽ हिप्‍तुसिआङ् सोःन्‍दुसिबा हे़क्‍के अस्‍सुरिहाॽ ते़ःम्‍भुक्‍किल्‍ले़ हिप्‍तुसिरो॥ हे़क्‍क्‍याङ् खुने़ॽ मिस्र लाजेॽओ कुदक्‍काःत्ते़न् फोःक्‍खुबा कुइसिक् च्‍वाःत् सम्‍धाङ् खुने़ॽ कुदक्‍काःत्ते़न् फोःक्‍खुरो॥

Gade chapit la Kopi




यसैया 10:26
21 Referans Kwoze  

थेआङ्‌भे़ल्‍ले़ खे़ने़ॽ खे़ङ्‌हाॽरे़ खुन्‍छिॽ के़लिःप्‍पा खे़ःप्‍सिङ्‌ङिन् के़ए़क्‍खु के़बिरुसिरो हे़क्‍क्‍याङ् ते़ःम्‍भुक्‍किन् स्‍याक् वयाक् के़भुॽरु के़बिरुसिआङ् वाॽरो॥ यरिक् ये़न् तगि मिध्‍यान लाजेॽबा थक्‍सुबाहाॽ के़नाःन्‍दुसिबा हे़क्‍केए खे़ने़ॽ के़मनाहाॽ के़युक्‍पा नु तुक्‍खे के़जाःप्‍पा सुवाङ्‌हाॽ के़नाःन्‍दुसिआङ् वाॽरो॥


खे़ङ्‌हाॽरे़ ने़प्‍फु मिध्‍यानि युक्‍साबा ओरेब नु जएबे़न् मे़दे़म्‍सुसि॥ ओरेबे़न् खे़ङ्‌हाॽरे़ ओरेबबा याक्‍पेॽओ मे़से़रु हे़क्‍क्‍याङ् जएबे़न्ग जएबबा चे़ल्‍ले़क्‍सेॽ एःम्‍मादे़न्‍नो मे़से़रु, खे़ब्‍याङ् मिद्‌यानिहाॽ पुबेलाप्‍सा चक्‍मे़ल्‍लॽए मे़नाःत्तुसि॥ याङ्‌सि खे़ङ्‌हाॽरे़ ओरेब नु जएबरे़ खुन्‍छिॽ थे़गेक्‍पाहाॽ यर्दन कत्‍नाहाङ्‌दाङ् गिदोनरो मे़भे़त्तुरो॥


खे़न् से़न्‍दिक् यहवे दाङ्‌बे़ल्‍ले़ कुमाङ्‌लाइङ्‌बे़न् लःन्‍दे़ त्‍ये़, हे़क्‍क्‍याङ् खे़ल्‍ले़ अस्‍सुररे़ कुधक्‍सुबा ने़त्‍ना साःङ्‌गाहिम्‍मो लाङे़न्‍छिङ् थिक् नु ये़प्‍पोङ्‌ङाङ् ङासि हे़न्‍छिङ् मनाहाॽ से़रुसि॥ आल्‍ल तानाम् मनाहाॽ मे़बोगे़ल्‍ले़ खे़प्‍मो के़रे़क् पिसाङ् चेहाॽरक् मे़ने़स्‍से़॥


खे़ने़ॽ के़दक्‍काःत्तिन् फोःक्‍खे़ॽआङ् वरःङ्‌ङिल्‍ले़ कुसम्‍धाङ् सन्‍छे़ॽ॥ च्‍वाःत्तिन् कुलक् ने़त्‍छि पोङ्‌ङाङ् एॽए से़न् हे़क्‍क्‍याङ् इस्राइलिहाॽ से़ङ्‌से़ङ्‌बा खाम्‍बाङ्‌ङो वरःङ्‌ङिल्‍ले़ कुलुम्‍मो पोङ्‌माआङ् पेःक्‍मा मे़सुक्॥


खुने़ॽ कुमुराओलाम् इक्‍सादिङ् खाम्‍बेःक्‍मोबा मे़न्‍छाम् सुवाङ्‌हाॽ नाःम्‍मासि फाॽआङ् खागे़सुक्‍पा ताभेन् लःन्‍दे़रो॥ हे़क्‍क्‍याङ् खे़ङ्‌हाॽ फे़न्‍जेॽ तक्‍काःत्तिल्‍ले़ युक् चोगुसिॽरो॥ हे़क्‍क्‍याङ् खुने़ॽ चे़ल्‍ले़क्‍सेॽ एःम्‍मादे़न्‍नो लाङ्‌ङिल्‍ले़ चे़ल्‍ले़क्‍सेॽइन् सॽमनाबा हे़क्‍के मुक्‍साम्‍दाङ्‌बा निङ्‌वाॽफुमाङ्‌ङिल्‍ले़ कुसाक्‍के़न्‍निल्‍ले़ कुनिङ्‌मिहाॽ सॽरुसिरो॥


मे़न्‍छाम् सुवाङ्‌हाॽ खे़ने़ॽनु खुनिॽ याःक्‍ले़ॽरे़आङ् वाॽ, कर आल्‍ल खे़ने़ॽ के़सिक् पोःक्‍मा ये़म् के़रे़आङ् वाॽ॥ के़सिबाहाॽ खासे़न् चोःक्‍मासि ये़म् त्‍ये़आङ् वाॽ॥ हे़क्‍क्‍याङ् खे़ने़ॽनु के़गिबा चुक्‍सा नु यम्‍बा, माङ्‌निङ्‌वाॽपान् के़बाःप्‍पा के़से़वारोबाहाॽ हे़क्‍क्‍याङ् के़सेसे मनाहाॽ हाङ्‌से़म् पिमासि सुये़म् त्‍ये़आङ् वाॽ॥ आल्‍ल इक्‍सादिङ् खाम्‍बेःक्‍मान् के़मे़ङ्‌बाहाॽ मे़ङ्‌मासि ये़म्‍माङ् त्‍ये़आङ् वाॽरो॥”


मिस्र लाजेॽलाम् इस्राइलिहाॽ मे़नुःक्‍से़ल्‍ले़ पोःक्‍खे़बा कुइसिक् के़हिङ्‌बा के़याःक्‍पा खुने़ॽ कुमनाहाॽ अस्‍सुरलाम् लःम्‍माभे़म्‍मारे़ लागि माराम्‍धिक् पोङ्‌लो॥


खे़ल्‍ले़चोगुल्‍ले़ मुक्‍साम्‍दाङ्‌बा यहवे दाङ्‌बे़ल्‍ले़ अक्‍खे पाःत्तुरो, “यरुसले़म के़युङ्‌बा आमनासे, मिस्रबा मनाहाॽरे़ कुइसिक् तक्‍कात् नु मरःङ्‌ग्‍याःल्‍ले़ खे़निॽ के़म्‍हिप्‍तिल्‍ले़ अस्‍सुरबा मनाहाॽनु खे़निॽ मे़गिसे़म्‍मे़न्‍ने़ॽओ॥


ओरेब नु जएबे़न् के़मे़त्तुसिबा कुइसिक् खे़ङ्‌हाॽरे़ खुनिॽ लाम्‍लोबाहाॽआङ् हाबा हे़क्‍केए मे़त्ते़से़ॽओ॥ जे़बहःन् नु सल्‍मुने़न् कुइसिक् खे़ङ्‌हाॽरे़ खुनिॽ के़रे़क् युक्‍साबाहाॽ हारि चाःत्ते़से़ॽओ॥


पोगे़ॽओ, दाङ्‌बे! हे़क्‍क्‍याङ् से़ःप्‍ताङ्‌ङे़ॽओ, आनिङ्‌वाॽफुमाङ्‌ङे! नाङाङ्‌ङे़ॽर पारे़ॽओ॥


अस्‍सुरबा मनाहाॽ यहवे दाङ्‌बे़ल्‍ले़ कुइक्‍लान् मे़घे़प्‍सुआङ् थे़गक्‍कक्‍ना मे़यङ्‌लो, हे़क्‍क्‍याङ् खुने़ॽ कुहाङ् तक्‍काःत्तिल्‍ले़ खे़ङ्‌हाॽ खाक्‍खुसिआङ् मे़जोन्‍लो॥


यहवे दाङ्‌बाए, खे़ने़ॽ खे़न् सुवाङ्‌ङिन् यरिक् मे़बोःन्‍दे़र के़याःन्‍दुआङ् वाॽरो हे़क्‍क्‍याङ् कन् इस्राइल लाजेॽओबा मनाहाॽ चासुम्‍मा ये़म्‍मो पसःत् मे़सःप्‍पा कुइसिक् खे़ङ्‌हाॽरे़ खुन्‍छिॽ सःप्‍मे़न् के़भोसु के़बिरुसिआङ् वाॽरो॥ थक्‍सुबाहाॽरे़ मे़नाप्‍तुसिबा याङ्‌साकुन्‍धेहाॽ मे़भःक्‍सुल्‍ले़ मे़सःप्‍पा कुइसिक् खे़ङ्‌हाॽ मे़अःक्‍ल मे़सःत्‍लो॥


यहवे दाङ्‌बे़ल्‍ले़ के़रे़क् मनाहाॽ खुने़ॽ कुमिमिदिङ्‌गे़न् कुइक्‍लान् मे़घे़प्‍सुर याःन्‍दुसिरो, हे़क्‍क्‍याङ् तिङ्‌दिङ्‌गे़न् कुयाःक्‍ले़ॽमान् निङ्‌वाॽ मे़घोसुर चोगुसिरो॥ खे़ॽयो साःम्‍भे ले़क्‍ल खे़रे़ङ्‌घुरुङ् लॽआङ् मिधुङ् मिराःक् पोःक्‍लो, फःन् थाआङ् वहित् साम्‍मिःत् खइक् खइक् इक्‍सिङ्‌लो, खे़ब्‍याङ् वधोःक्‍को च्‍वाःत् हुङ्‌मना थेसिङ् के़लॽबा आबङ्‌बङ्‌बा वहित् थासुरो॥


यहवे दाङ्‌बे़ल्‍ले़ खे़ङ्‌हाॽ चक्‍मे़ल्‍लॽए खुम्‍दिङ् पिरुसिर लःप्‍सुसिरो हे़क्‍केःल्‍ले़ खुने़ॽ कुमनाहाॽरे़ तुङ्‌ना नु के मे़हिप्‍तुआङ् खे़न् साम्‍लोमा मुक्‍लानु मे़दङ्‌घुरो यहवे दाङ्‌बान् आबाङे अस्‍सुरिहाॽनु ते़न्‍धङ् चोक्‍लो॥


Swiv nou:

Piblisite


Piblisite