सियोन ये़क्यक्को मे़रिङ् के़धक्पाहाॽ खाप्पुःल्ले़ कुले़क्वा पघे़म् के़घे़म्बा तिच खुने़ॽ पिरुसिरो, मे़रिङ् थक्मारे़ कुले़क्वा सःप्मा एःप्मारे़ हाङ्वामुॽइ पिरुसिरो, निङ्साङ् के़होप्पाहाॽ नाराफोमा साम्लो पिरुसिरो, खुन्छिॽ साम्योनिमाओ खे़ङ्हाॽग यहवे दाङ्बे़ल्ले़ आबाङे कुमिमिदिङ्ले़ लागि लेःत्तुसिआङ् वये़बा यम्बा यहिबा सिङ्बुङ् कुइसिक् मे़बोङ्लो॥
यसैया 10:24 - लिम्बु24 खे़ल्ले़चोगुल्ले़ मुक्साम्दाङ्बा यहवे दाङ्बे़ल्ले़ अक्खे पाःत्तुरो, “यरुसले़म के़युङ्बा आमनासे, मिस्रबा मनाहाॽरे़ कुइसिक् तक्कात् नु मरःङ्ग्याःल्ले़ खे़निॽ के़म्हिप्तिल्ले़ अस्सुरबा मनाहाॽनु खे़निॽ मे़गिसे़म्मे़न्ने़ॽओ॥ Gade chapit la |
यसैया 10:24
28 Referans Kwoze
कल्ले़चोगुल्ले़ खुने़ॽ कुदक्ले़ङ्वाओ यहवे दाङ्बे़ल्ले़ पाःत्तुबा पाःन्निन् हाबा कन्लो, “सियोने़ल्ले़ सिसागे़न् कुस्सा मे़न्छुमाःल्ले़ खे़ने़ॽ कुनामे़न्छाॽ के़म्मे़त्ताङ् एःत्लो॥ यरुसले़म ये़क्यक्किल्ले़ कुस्सा मे़न्छुमाःल्ले़ कुधे़गेःक्किन् तघुम्तघुम् मे़त्तुर लासाक् के़मे़त्लो॥
“पलिस्ति ये़क्यक्हाॽओ के़युङ्बा मनासे, खे़निॽ के़म्हिप्तिबा खे़न् तक्काःत्तिन् ए़गे़ फाॽआङ् मे़सःत्ताम्मिन्ने़ॽओ॥ थेआङ्भे़ल्ले़ हाबा खे़न् असेःक्पाल्ले़ कुस्साहाॽओलाम् खे़न्नुःल्ले़आङ् साॽरिक् कुनिङ् के़याक्पा वेॽसमा असेःक्पाधिक् लःन्लो॥ हे़क्क्याङ् खे़न् असेःक्पाल्ले़ कुधिःन्नोलाम् के़बे़बा असेःक् थिक् लःन्लो॥
थेआङ्भे़ल्ले़ खे़ने़ॽ खे़ङ्हाॽरे़ खुन्छिॽ के़लिःप्पा खे़ःप्सिङ्ङिन् के़ए़क्खु के़बिरुसिरो हे़क्क्याङ् ते़ःम्भुक्किन् स्याक् वयाक् के़भुॽरु के़बिरुसिआङ् वाॽरो॥ यरिक् ये़न् तगि मिध्यान लाजेॽबा थक्सुबाहाॽ के़नाःन्दुसिबा हे़क्केए खे़ने़ॽ के़मनाहाॽ के़युक्पा नु तुक्खे के़जाःप्पा सुवाङ्हाॽ के़नाःन्दुसिआङ् वाॽरो॥
खे़ब्याङ् मिस्रिहाॽरे़, फारोल्ले़ के़रे़क् कुअन्, कुअन्लाधा खुने़ॽ कुअन् के़लोङ्बाहाॽ नु कुधक्सुबाहाॽरे़ इस्राइलिहाॽ मे़नाःत्तुसि, हे़क्क्याङ् खे़ङ्हाॽरे़ खुन्छिॽ पि-हहिरोतरे़ कुबेसाङ् बाल सेफोन तगि ले़प्माङ् वरःङ्ङिल्ले़ कुयाओ साःङ्गाहिम् मे़लेःत्तुआङ् याङ्मे़धोःक्ते़बादे़न्नो मे़सिॽरुसि॥
हे़क्क्याङ् के़निङ्वाॽ सुरोःन् मे़लॽरे़न्ने़ॽ मे़त्ते़ॽ॥ सिरियाबा हाङ् रेसिन नु रमल्याहरे़ कुस्सा पेकहःल्ले़ खुन्छिॽ मि हे़क्तङ्बा सिक्पोःक्मालाम् खे़ने़ॽ मे़गिसे़न्ने़ॽ फाॽआङ् खे़न् मे़त्ते़ॽ॥ खे़ङ्हाॽरे़ खुन्छिॽ मि हे़क्तङ्बा सिक्के़न् मिःक्खोॽ सुःङ्गु सुःङ्गु के़लॽबा मिधक्पु ने़त्छि यारिक्काङ् के़आःप्पा मे़जोक्ने़न्॥
खिनिॽ नावागे़न् चइःत् के़जोःक्पा ताङ्साङ्बे़न् के़जोःक्पाआङ् खे़न् के़घिङ्बा नु इक्सादिङ् खाम्बेःक्मे़ल्ले़ कुबुङ् के़युङ्बा, यहवे दाङ्बे़न् खिनिॽ निङ्वाॽ के़भेःत्छुम्बि? खिनिॽ मे़ङ्मा के़इःप्पाहाॽ नु खिनिॽ तुक्खे के़जाःप्पाहाॽरे़ खुन्छिॽ सिक्पोःक्माल्ले़ चोगुल्ले़ चक्मे़ल्लॽए खिनिॽ के़गिसिआङ् के़वयिबाबि? खे़ङ्हाॽरे़ खुन्छिॽ सिक्पोःक्माल्ले़ खिनिॽ सुमा के़न्छुक्तिन्लो॥
हे़क्क्याङ् खुने़ॽ खे़ङ्हाॽरे़ खुन्छिॽ नुॽमादामारे़ कुबुङ् पोङ्लो॥ आल्ल अस्सुरिहाॽरे़ आनिॽ लाजेन् मे़लिसु मे़दारुल्ले़ हे़क्क्याङ् आनिॽ थेःक्सिङ्मा हाङ्यक्हाॽ मे़लुःन्दुल्ले़ खे़ङ्हाॽरे़ खुन्छिॽ तक्ले़ङ्वाओ नुसि मे़ल्लुक्कम्बाहाॽ इग्र ये़त्छि लाम्लोबाहाॽ आनिॽ आभोःक्खुम्सिम्लो॥
Piblisite