यसैया 10:20 - लिम्बु20 खे़न् ये़न्नो इस्राइललाम् के़दाङ्बा के़याःक्पाहाॽ, के़हिङ्बा के़याःक्पा याकुबरे़ कुमुॽइदाङ्साहाॽरे़ आबाङे खुन्छिॽओ मे़क्मासिमा के़दाःप्पा सुवाङ्हाॽओ खुन्छिॽ निङ्वाॽ मे़न्युक्खुन्लो, कर इस्राइलबा सेसे निङ्वाॽफुमाङ्, यहवे दाङ्बाओ खुन्छिॽ निङ्वाॽ मे़युक्खुरो॥ Gade chapit la |
अस्सुरे़ल्ले़ आनिगे ताङ्से़ःप्मा मे़सुक्तिगे़न्लो, थङ्ङोबा अन्हाॽ आनिगे मे़युक्तुम्सिम्बे़न्लो॥ आनिगे आप्फेक् हुक्किल्ले़ चोगुम्सिम्बे़बा पाःन्हाॽ याम्मो आभे़ल्ले़आङ् ‘आनिगे माङ्से’ मे़मे़त्तुसिम्बे़न्लो, थेआङ्भे़ल्ले़ ये़त्छा होॽदोक्हाॽरे़ खे़ने़ॽलाम् लुङ्माॽ तुक्मा मे़घोसुरो॥”
“आल्ल एफ्राइम्मिल्ले़ खुने़ॽ कुदुक्मे़न् निसुरो हे़क्क्याङ् यहुदाःल्ले़ खुने़ॽ कुयाङ्घेःक्किन् निसुरो, खे़ब्याङ् एफ्राइम्मिल्ले़ अस्सुरबा पयम् हाङ्ङे़ओ कुभाॽरे़ लागि मनाहाॽ पाङ्घुदेसुसिरो॥ कर खे़ल्ले़ खे़ने़ॽ के़नुॽर चोःक्मा खे़ल्ले़ खे़ने़ॽ के़याङ्घेःक्किन् वेःम्मा मे़सुक्तुन्लो॥
यहवे दाङ्बा के़निङ्वाॽफुमाङ्ङिल्ले़ थङ्ङोबा थक्मोबाल्ले़ कुबाःन्निन् खे़प्सुबि, खे़न् खुने़ॽ कुन्दाङ्बा अस्सुरबा हाङ्ङिल्ले़ सदादिङ् कुहिङ्वे़त् निङ्वाॽफुमाङ्ङिन् माङ्चे़ॽया मे़त्छे़ पाङ्घुआङ् वाॽ, हे़क्क्याङ् यहवे दाङ्बा के़निङ्वाॽफुमाङ्ङिल्ले़ खे़न् पाःन्निन् खे़प्सुआङ् खुने़ॽ खे़न् थक्मोबान् खुम्दिङ् पिरु॥ कल्ले़चोगुल्ले़ के़दाङ्बा के़याःक्पाहाॽरे़ खुन्छिॽ लागि खे़ने़ॽ पेलिगे़न् तुवा चोगे़ पिरे़से़ॽ॥”
खे़न् ये़न्निन् ताआङ् दाङ्बे़ल्ले़ याम्मो थिक्ले़ङ् खुने़ॽ कुमुक्साम्मिन् ओःन्धाक्तुसि हे़क्क्याङ् अस्सुरलाम्, योसमा मिस्रलाम् नु थोसमा मिस्रलाम्, कुसलाम्, एलामलाम्, बेबिलोनियालाम् नु हमात लाजेॽहाॽलाम् हे़क्क्याङ् के़रे़क् माःङ्घा माःङ्घाबा वरःङ्ङिल्ले़ कुयाओ के़ने़बा वागप्खाम् लाजेॽहाॽओलाम् खुने़ॽ कुमनाहाॽ याम्मो इस्राइल लाजेॽओ नुःक्तुॽ तारुसिरो॥
हे़क्क्याङ् इस्राइल लाजेॽओ थिबोङ्लक् यारिक्लक् मनाहाॽ मे़दाङ् मे़याःक्साङ् याम्मो खे़न् के़दाङ्बा के़याःक्पाहाॽ खाम्पु थ्यःङ् मे़जोगुसिरो॥ कर यहिबा इग्र के़साक्पा सिङ्बुङ्हाॽ आःप्मादे़मासाङ् कुमुःत्हाॽ युङ्याःक्काङ् खे़न् सिङ्मुःत्हाॽ याम्मो कुजःक् लिङ्धाङ्बा कुइसिक् खे़न् सिङ्मुःत्तिन् सेसे याॽरिःम्बा पोङ्ङाङ् याम्मो पोधाङ्लो॥”
आक्खेलॽरिक् आनिगे याम्मो खे़ने़ॽ के़इङ्जाङ्हाॽ मे़न्इःत्ते मे़न्नाःत्ते कन् ताप्फे़ःम्बा मनाहाॽनु मेःक्खिम् चोःक्मा सुक्तुम्बे़बे? आनिगे हे़क्के चोगुम्बे़ल्ले़ खे़ने़ॽ साॽरिक्के के़सिक् पोक् हे़क्क्याङ् आनिगे के़रे़क् खाप्पुथ्यःङ् आगे़जोःक्काङ् आत्तिन्हाॽआङ् हिङ्मा याप्मि के़म्बाङ्ने़न्॥
खे़ब्याङ् आसाःल्ले़ यहवे दाङ्बा खुने़ॽ कुनिङ्वाॽफुमाङ्ङिन् पेलि फाक्तुआङ् मे़त्तु, “यहवे दाङ्बाए, के़धुम्बे़न्नु थक्मारे़ लागि मे़न्धुम्मनाबा आक्तङ्बा मनाहाॽसाङ् के़भाॽबाग आदाङ्बा हे़क्तङ्बा वेॽ हाःत्ताङ् होप्॥ यहवे दाङ्बा आनिगे निङ्वाॽफुमाङ्ङे, आनिगे आभाॽरे़, थेआङ्भे़ल्ले़ आनिगे आदाङ्बारे़ के़लाम् ओमे़त्तुम्बे़आङ् वयिगे़ॽ॥ आनिगे आदाङ्बारे़ए के़मिङ्ङो कन् यरिक् थक्सुबाहाॽनु थक्से़ फे़रिगे़आङ् वयिगे़॥ यहवे दाङ्बाए, आदाङ्बा आनिगे निङ्वाॽफुमाङ्ने़रो, कल्ले़चोगुल्ले़ आत्तिन् मनाःन्नाङ् आदाङ्बारे़ के़दक्ले़ङ्वाओ मे़ये़प्ने़न्लरो॥”
कुभा ये़म् एगाङ् यहुदाओ नुःङ्मा थाङ्मा निङ्वाॽ के़इःप्पा खे़न् पक्मे़ध्ये़ मे़याःक्ते़बा मिस्र लाजेॽओ के़घे़त्छिङ्बा के़बेःक्पा आत्तिन्हाॽआङ् मे़न्हिङ्ने़न्॥ खे़न् पक्मे़ध्ये़ मे़याःक्ते़बाहाॽ आबाङे लाजेॽओ नुःङ्मा निङ्वाॽ मे़इःत्तुसाङ् हे़क्के के़इःप्पाग साॽरिक् सुःल्लिक्लक् मे़नुःङ् मे़धाङ्ॽ॥”
इस्राइलबा के़दाङ्बा के़याःक्पा मनाहाॽरे़ थे़माआङ् याःम्बक् मे़म्भेःन्दुन्लो॥ खे़ङ्हाॽरे़ मे़न्वाॽमना पान् मे़म्बाःत्तुन्लो, खुन्छिॽ मुराओ इङ्ले़क् पाःन्नाङ् खोमे़दे़त्ने़न्लो, खे़ङ्हाॽरे़ मे़ज मे़धुआङ् मे़ले़ङ्ङाङ् मे़ने़रो, हे़क्क्याङ् खे़ङ्हाॽ हाःत्ले़आङ् यङ्मा मे़से़रुसिन्लो॥”