यसैया 10:17 - लिम्बु17 इस्राइलबा ओःत्तिःन् मि पोङ्लो, इस्राइलबा सेसेबा माङ्ङिन् मिधुङ्दिङ् मिराःक् पोङ्लो, हे़क्क्याङ् खे़न् मिःल्ले़ थिक्याःन्धिक्ले़ खे़ॽयोबा तिङ्लान् नु सेर्दाःक्माहाॽ मिदिक्काङ् खाप्पुथ्यःङ् चोगुरो॥ Gade chapit la |
यसैया 10:17
39 Referans Kwoze
यहुदाए हे़क्क्याङ् यरुसले़ःम्मोबा मनासे, यहवे दाङ्बे़न्नु के़जोगुम्बा माङ्हुप्ले़ इबु हर्दो हे़क्मान् याम्मो चोगे़म्मे़ॽओ कर कन् इबुन् के़जोगुम्मिल्ले़ सिक्लुङ्मोलाम्बाए चोगे़म्मे़ॽओ॥ मेःन्ने़भग्र खिनिॽ फे़न्याःम्बक्हाॽरे़ चोगुल्ले़ आङ्गाॽ आसिक् पोःक्मे़न् मि हे़क्के हुरुरुना तिःत्लो हे़क्क्याङ् आत्तिल्ले़आङ् खे़न् से़प्मा मे़सुक्तुन्लो॥”
“खे़ङ्हाॽ मे़लःन्नाङ् मे़बेःक्किल्ले़ आङ्गाॽ आदक्ले़ङ्वाओ पिफ्युङ् के़जोःक्पाहाॽरे़ खुन्छिॽ के़सिबा थक्हाॽ खे़ङ्हाॽरे़ मे़निसुरो॥ खे़न् के़सिबा थक्हाॽ के़जाबा फेॽबाःत्हाॽ आभे़ल्ले़आङ् मे़न्छिने़न्लो हे़क्क्याङ् खे़न् चेधक्हाॽ के़ओॽबा मिन् आभे़ल्ले़आङ् मे़सिने़न्लो, खे़न् निगे़दे़प्पे़न् के़रे़क् मे़न्छाम् सुवाङ्हाॽरे़ खुन्छिॽ लागि साॽरिक् सिक्के़ले़ःङ्बा पोङ्लो॥”
सियोनओ के़वाॽबा लायोबाहाॽ मे़गिसे़आङ् मे़वाॽरो, निङ्वाॽफुमाङ् वाॽ फाॽआङ् निङ्वाॽफुमाङ्ङिन् कुसिङ् मे़न्निप्नाबा मनाहाॽ किमा यङ्मारे़ ते़म्सुसिआङ् मे़वाॽरो, खाप्पुथ्यःङ् आजोःक्चोःक्पा मिओ युङ्मा के़सुक्पा आनिॽओ हात् वाॽबे? आभे़ल्ले़साङ् मिधुङ्दिङ् मिराःक् के़बोःक्पादे़न्नो युङ्मा के़सुक्पा आनिॽओ आत्तिन् वाॽग?
खे़ङ्हाॽरे़ खुन्छिॽ हाङ्यक्किन् किमा यङ्मारे़ चोगुल्ले़ लुःन्लो, हे़क्क्याङ् खे़ङ्हाॽरे़ खुन्छिॽ थक्मोबाहाॽरे़ थङ्ङिल्ले़ निसान मे़निसुआङ् आल्ल आक्खेने चोःक्मा पाःप्मा मे़लॽरो॥” खे़न् मिन् सियोन कोःक्माओ नु मिधुङ्दिङ् मिराःक्किन् यरुसले़म ये़क्यक्को युङ् फाॽआङ् यहवे दाङ्बे़ल्ले़ पाःत्तुरो॥
निस्सेसाङ् ताप्फे़ःम्बा याःम्बक् के़जोःक्पा मनाहाॽ मिःल्ले़ मिमे़दिक्लो, हे़क्क्याङ् खे़न् मिःल्ले़ सेर्दाःक्माहाॽ नु तिङ्हाॽ मिदिक्काङ् खाप्पुथ्यःङ् पोङ्लो॥ खे़न् मिःल्ले़ ताम्भुङ्ङोबा पोःक्लाहाॽ मिधिक्सुआङ् खे़ॽयोनु के़लःम्बा मिःक्खुॽइन् ताङ्साङ्बे़त्थाःङ् माक्स्दिःङ्ग्याःप्पा मिःक्खुन् हाःङ्गु हाःङ्गु लॽबेःक्लो॥
यहवे दाङ्बाए, खे़ङ्हाॽ खुम्दिङ् पिमासिरे़ लागि के़हुक्किल्ले़ थाःङ् के़साःप्सुसिआङ् पत्लो, कर खे़ने़ॽ के़हुक्किल्ले़ के़साःप्सुसिसाङ् खे़ङ्हाॽरे़ निनिआङ् मे़ल्लाप्तुन्लो॥ आबाङे के़मनाहाॽरे़ खुनिॽ लागि खे़ने़ॽ के़सिक्सम्मान् खे़ङ्हाॽरे़ मे़निसुआङ् खे़ङ्हाॽ सिरिङ्ममो मे़धाररो॥ खे़ने़ॽ के़दक्ले़ङ्वाओ के़बोःक्पाहाॽरे़ लागि लाःत्लाःत् के़युक्सुबा मिःल्ले़ खे़ङ्हाॽ खाप्पुथ्यःङ् चोगुसिररो॥
थेआङ्भे़ल्ले़ यरिक् ये़न् तगि अस्सुरबा यम्बा हाङ्ङिन् मिधिङ्मारे़ लागि यम्बा मि तुम्मादे़न्धिक् मे़जोगुआङ् वये़रो॥ खे़न् ते़न्निन् ताम्दाम्बा नु केःम्बा लुम्बात् चोक्लो हे़क्क्याङ् खे़प्मो यरिक् सिङ् मे़लुप्सुआङ् ने़रो॥ यहवे दाङ्बान् सक्मा सोःन्छिङ्ङिल्ले़ मिधुङ्दिङ् मिराःक् लःन्नाङ् खे़प्मो मि हाःन्दुरो॥
आभाॽरे़ फाॽआङ् मिस्र लाजेॽओ के़बेःक्पाहाॽग मे़जिःत्ते़ मे़स्ये़रो! खे़ङ्हाॽरे़ मिस्र लाजेॽओबा यरिक् अन्हाॽ, अन्लाधाहाॽ हे़क्क्याङ् थक्सुबाहाॽरे़ ताङ्मे़से़ःप्तिगे़ फाॽआङ् मे़इःत्तुरो॥ कर इस्राइलबा सेसेबा निङ्वाॽफुमाङ्ङिल्लो निङ्वाॽ मे़न्युक्खुन्लो, हे़क्क्याङ् खुने़ॽओ कुभाॽआङ् मे़ङ्गोःत्तुन्लो॥
खे़न् ये़न्नो आङ्गाॽ यहुदाबा लाम्लोबाहाॽ यरिक् सिङ्हाॽओबा मिघाङ्ग्रोःक् याङ्मा साङ्ते़रे़ःङ् कुइसिक् नु चाधःङ्माहाॽरे़ कुलुम्मोबा हुरुरु के़दिःप्पा मि हे़क्तङ्बा चोगुङ्सिङ्ॽ॥ खे़ङ्हाॽरे़ काक् पिसाङ्बा, चुप्साङ् नु फे़न्छाङ् ले़प्माङ्बा के़रे़क् मनाहाॽ खाप्पुथ्यःङ् मे़जोगुसिॽ, कर यरुसले़ःम्मिन् आप्फेक् कुयुक्नाओ हाबा युङ्लो॥
Piblisite