यसैया 10:12 - लिम्बु12 दाङ्बे़ल्ले़ सियोन कोःक्मान् नु यरुसले़म ये़क्यक्को के़युङ्बा मनाहाॽरे़ खुन्छिॽ तक्ले़ङ्वाओ याःम्बक् चोःक्मा सुरुॽ, खे़ब्याङ् खुने़ॽ पाःत्तुॽ, “आङ्गाॽ खे़न् यम्बा के़ले़ङ्सिङ्बा नु आङ्दिङ् के़लॽबा अस्सुरबा हाङ्ङिन् खुम्दिङ् पिरुङ्ॽ॥ Gade chapit la |
यसैया 10:12
44 Referans Kwoze
खे़ङ्हाॽरे़ खुन्छिॽ लायोल्ले़ लागि हे़क्क्याङ् खे़ङ्हाॽरे़ खुन्छिॽ थाःक्थे़बाहाॽरे़ खुन्छिॽ लायोल्ले़ लागि कुले़क्वा हुङुङ्लो॥ खे़ङ्हाॽरे़ कोःक्माओबा नावाइत्ला से़वा के़मे़प्पाहाॽरे़ खुन्छिॽ ले़त्ति तोःम्मादे़न्हाॽओ सुक्पा मे़हाःन्दुआङ् वाॽरो खे़ब्याङ् आङ्गाॽ आदक्ले़ङ्वाओ मे़बारे़आङ् वाॽरो॥ के़बेःक्पा ये़न्नो खे़ङ्हाॽरे़ मे़जोगुबा लायोन् कुइसिक् आङ्गाॽ खे़ङ्हाॽ खुम्दिङ् पिरुङ्सिङ्लो॥”
आल्ल आङ्गाॽ, नबुकदनेसररे़ साङ्ग्राम्पेदाङ्बा पयम् हाङ्ङिल्ले़ कुनारा, कुमिङ्सो कुधाःङ्सो फोसुङ्ॽ हे़क्क्याङ् मिमिदिङ् पिरुङ्ॽ, थेआङ्भे़ल्ले़ खुने़ॽ थे़मा चोगुसाङ् नुबा चोगुॽ, हे़क्क्याङ् कुयाःम्बक्हाॽ के़रे़क् कुदोःप्मा चोक्॥ हे़क्क्याङ् खुने़ॽ यम्बा के़हे़न्छिङ्बाहाॽ नःम्नःम्बा चोःक्मा सुक्तुसिरो॥
खाॽमिःत्हाॽनुःल्ले़आङ् कन् केःम्बा पोङ्साङ् हे़क्क्याङ् मु सिगाङ्लाम् च्वाःत्तिल्ले़ वारक्खुसाङ् वेॽ लाजेॽबा आत्तिन् सिङ्बुङ्ङिन्नाङ् आप्फेक् कुनुॽमा कुदामो आङ्दिङ् लॽरिक् मे़सःत्ने़न्लरो॥ थेआङ्भे़ल्ले़ इक्सादिङ् खाम्बेःक्मे़ल्ले़ कुसिगाङ् लुम्बाःत्तो पेःक्मा, सिमारे़ लागि के़रे़क् मे़मे़क्लो॥ इक्सादिङ् खाम्बेःक्मोबा के़रे़क्नु सोसोरिक् खे़ङ्हाॽ खे़मादिङ् यङ्सङ्ङो मे़जुक्लो॥”
कर आल्ल खिनिॽ के़रे़क् आत्तिन्हाॽरे़ मि के़हाःन्दुम् हे़क्क्याङ् हुरुरु लॽरिक् के़हाॽबा मिजोःत्ते़न् के़गाप्पासि, खिनिॽ पेगे़म्मे़ॽओ, खिनिॽ के़हाःन्दुम्बा मि नु मिजोःत्ते़ल्ले़ ओःत्तिओ लाङ्घेगे़म्मे़ॽओ॥ खे़निॽ आङ्गाॽ आहुक्कोलाम् हाबा कन् के़दुमुम्लो— खिनिॽ के़साक्पा तुक्खेलाक्खेओ के़ध्ये़ॽइरो॥
आम्भा कल्ले़ए इस्राइलबा मनाहाॽरे़ खुन्छिॽ लायोन् ले़प्मि चोगुरो, हे़क्क्याङ् खे़ल्ले़ कुलायोन् माःङ्घा पोङ्बा मिक्सेःन्निङ्ग खे़ल्ले़ ले़त्ति तोःम्मा ते़न्हाॽओबा के़रे़क् लुङ्हाॽ खरि-लुङ् कुइसिक् फयःप्फयःप् यःप्सुदेसुरो, खे़ब्याङ् असेरा माङ्ङिल्ले़ कुसित्लाङ्हाॽ नु साङ्सिङ् सुक्पा हाःम्मा ते़रे़ःङ्हाॽ लत्छाआङ् तक्पे़त् मे़युक्खुल्लो॥
कल्ले़चोगुल्ले़ आङ्गाॽ याम्मो थिक्ले़ङ् कन् मनाहाॽरे़ खुन्छिॽ लुम्मो निङ्वाॽ के़माबा नु निङ्वाॽ के़ले़ङ्बा याःम्बक् चोगुङ्ङाङ् निङ्वाॽ ने़हि मार चोगुङ्लो॥ हे़क्क्याङ् सिक्कुम्साबाहाॽरे़ खुन्छिॽ सिक्कुम्निङ्वान् मे़क्लो, हे़क्क्याङ् खे़ङ्हाॽरे़ खुन्छिॽ के़रे़क्नुःल्ले़आङ् चाःत्चाःप्पा मनाःल्ले़ कुचाःत्चाःत् लॽमान् माबेःक्लो॥”
मना के़से़प्पा खिनिॽ अस्सेरियाहाॽ, के़जिःत्ति के़स्ये़ॽइरो! कर खे़निॽग हाःत्ले़आङ् मे़न्छे़त्ते के़वयिॽ! चिःत्ते़स्ये़रो, खिनिॽ इङ्ले़क्स्वाबाहाॽ, खिनिॽग हाःत्ले़आङ् इङ्मे़ल्ले़क्के के़वयिरो! मनाहाॽ खे़निॽ मे़ङ्मा के़ले़रुम्सिम्मिल्ले़, खे़निॽआङ् के़म्मे़क्खिरो॥ मनाहाॽ खे़निॽ इङ्ले़क्मा के़ले़रुम्सिम्ॽ, खिनिॽआङ् इङ्ले़क्को के़ध्ये़ॽइरो॥
आङ्गाॽ खाप्पुथ्यःङ् चोःक्मा के़बोङ्बा याःम्बक्किन् आङ्गाॽ आबाङे आये़क्यक्को हेःक्तुङ्ॽ॥ आनिगे खुम्दिङ् मे़ङ्घोए मे़ले़रिगे़ फाॽआङ् थे खे़ङ्हाॽरे़ मे़इःत्तुबि? मेःन्, खे़ङ्हाॽरे़ खुम्दिङ् मे़घोसुरए पोङ् थेआङ्भे़ल्ले़ आङ्गाॽ इक्सादिङ् खाम्बेःक्मोबा के़रे़क् मे़न्छाम् सुवाङ्हाॽओ ते़न्धङ् पोङ्ल चोगुङ्ॽ॥ आङ्गाॽ मुक्साम्दाङ्बा यहवे दाङ्बे़ल्ले़ पाःत्तुङ्ङाङ् वाॽ॥’
Piblisite