यसैया 1:7 - लिम्बु7 खिनिॽ लाजेन् चिजि खक्खक् पोःक्खे़आङ् ने़रो, खिनिॽ पाङ्जुम्हाॽग आम्भा खे़निॽ तगिए वेॽ लाजेॽबा मनाहाॽरे़ मिमे़धिक्खुआङ् ने़रो॥ वेॽ लाजेॽबा मनाहाॽरे़ मे़मे़क्सुबा कुइसिक् खे़न् ते़न्निन् चिजि खक्खक् पोःक्खे़आङ् ने़रो॥ Gade chapit la |
यसैया 1:7
37 Referans Kwoze
कल्ले़चोगुल्ले़ यहवे दाङ्बा खुने़ॽ कुनिङ्वाॽफुमाङ्ङिल्ले़ खुने़ॽ आरामबा हाङ्ङिल्ले़ कुहुक्कोलाम् हारिद्ये़र याःन्दु॥ आरामिहाॽरे़ खुने़ॽ मे़नाःन्दुआङ् खुने़ॽ कुमनाहाॽओलाम् यरिक् मे़दे़म्सुसिआङ् दमस्कसओ मे़देॽरुसि॥ खुने़ॽ इस्राइलबा हाङ् पेकहःल्ले़ कुहुक्कोआङ् थ्ये़, हे़क्क्याङ् हाङ्ङिल्ले़ खुने़ॽ साॽरिक् कुजाभे़रे़र नाःन्दु॥
हे़क्क्याङ् आङ्गाॽ मे़त्तुङ्, “आदाङ्बाए, आक्खे़न् ये़म् थारिक् कन् याःम्बक्किन् आङ्गाॽ चोगुङ्बाबे!” हे़क्केःल्ले़ खुने़ॽ मे़त्ताङ्, “पाङ्जुम्हाॽ खाप्पुथ्यःङ् पोङ्ङाङ् मे़न्छाम् याप्मि मेःन्ने चिजि खक्खक् मे़म्बोङ्ङे थारिक् नु हिम्धाःङ्हाॽ मनामे़ःन्ने कुघाले़म् मे़म्बोङ्ङे थारिक्, हे़क्क्याङ् प्याङ्सिगे़न् इक्ताप्पोबा चाहाॽ खाप्पु थ्यःङ् पोङ्ङाङ् मे़म्मे़क्के थारिक्,
यहवे दाङ्बे़ल्ले़ खुने़ॽ किप्मा के़घुबा कुसिक् पोःक्मो सदोम नु गमोरा, अद्मा नु सबोयिमे़न् खाप्पुथ्यःङ् चोगुबा कुइसिक् लाजेॽओ के़रे़क् कान्धाक् नु युम् मिगे़दिक्पा मिघाङ्ग्रोक्लक् पोङ्ॽ॥ खे़न् थे़माआङ् मे़ल्लेःत्तेबा, थे़माआङ् मे़ल्लिङ्मनाबा नु याःन्सुङ्ङाङ् मे़ल्लिङ्मनाबा याक्चाना पोङ्ॽ॥
निस्सेसाङ् ताप्फे़ःम्बा याःम्बक् के़जोःक्पा मनाहाॽ मिःल्ले़ मिमे़दिक्लो, हे़क्क्याङ् खे़न् मिःल्ले़ सेर्दाःक्माहाॽ नु तिङ्हाॽ मिदिक्काङ् खाप्पुथ्यःङ् पोङ्लो॥ खे़न् मिःल्ले़ ताम्भुङ्ङोबा पोःक्लाहाॽ मिधिक्सुआङ् खे़ॽयोनु के़लःम्बा मिःक्खुॽइन् ताङ्साङ्बे़त्थाःङ् माक्स्दिःङ्ग्याःप्पा मिःक्खुन् हाःङ्गु हाःङ्गु लॽबेःक्लो॥
कुघाओलाम्बा लत्छा खिरिङ्बाधिक् लःन्दे़आङ् वाॽरो इक्सादिङ् खाम्बेःक्मोबा मे़न्छाम् याप्मिहाॽ के़मे़ङ्बान् लःन्दे़आङ् वाॽरो॥ यहुदाबा ये़क्यक्हाॽ खाप्पुथ्यःङ् चोःक्से़ खे़न् तार पत्लो॥ खिनिॽ ये़क्यक्हाॽ थुप्पाङ् लुःम्बेःक्लो हे़क्क्याङ् खे़प्मो आत्तिन्हाॽआङ् वाॽमा मे़न्छुक्ने़न्लो॥
आङ्गाॽ नाङ्गे़न् पिसाङ् मुरे़क् खारे़क्पा ये़ःङ्घादे़न्नो ताक्के़गम्बाआङ् के़वाॽबाहाॽरे़ खिनिॽ लाजेन् मे़लाःक्तु मे़सॽरुर याःन्दुङ्सिङ्ॽ॥ खे़ङ्हाॽरे़ खिनिॽ लुम्मो खुन्छिॽ थक्सुबा तुराहिम्हाॽ मे़घिङ्घुॽ हे़क्क्याङ् खिनिॽ लाजेॽओ खे़ङ्हाॽरे़ खुन्छिॽ साःङ्गाहिम्हाॽ मे़लेःत्तुॽ॥ खे़ङ्हाॽरे़ खिनिॽ सिङ्सेॽहाॽ मे़दुबु खम्भ्याङ् खिनिॽ थक्साहाॽलाम् पित्नुन् मे़धुङुॽ॥
Piblisite