“खे़ङ्हाॽ मे़लःन्नाङ् मे़बेःक्किल्ले़ आङ्गाॽ आदक्ले़ङ्वाओ पिफ्युङ् के़जोःक्पाहाॽरे़ खुन्छिॽ के़सिबा थक्हाॽ खे़ङ्हाॽरे़ मे़निसुरो॥ खे़न् के़सिबा थक्हाॽ के़जाबा फेॽबाःत्हाॽ आभे़ल्ले़आङ् मे़न्छिने़न्लो हे़क्क्याङ् खे़न् चेधक्हाॽ के़ओॽबा मिन् आभे़ल्ले़आङ् मे़सिने़न्लो, खे़न् निगे़दे़प्पे़न् के़रे़क् मे़न्छाम् सुवाङ्हाॽरे़ खुन्छिॽ लागि साॽरिक् सिक्के़ले़ःङ्बा पोङ्लो॥”
यसैया 1:31 - लिम्बु31 मुक्के़गुबा मनाहाॽग मिदुप्मा छुल्ला हे़क्तङ्बा नु खे़ङ्हाॽरे़ खुन्छिॽ याःम्बक्किन् मिसेक् के़भे़क्पा कुइसिक् पोङ्लो॥ खे़न् ने़प्माङ् थिक्ले़ङ्ले़ मिदिक्लो, हे़क्क्याङ् हाःत्ले़आङ् खे़न् मिन् से़प्मा मे़सुक्तुन्लो॥” Gade chapit la |
यसैया 1:31
25 Referans Kwoze
मुक्साम्दाङ्बा यहवे दाङ्बे़ल्ले़ पाःत्तु, “ओमे़त्ते़म्मे़ॽ, खे़न् खासे़न् लोःम्मा ये़न्निन् मिधुङ् मिराःक् कुइसिक् तार पत्॥ यम्बा के़ले़ङ्सिङ्बा मनाहाॽ नु ताप्फे़ःम्बा याःम्बक् के़जोःक्पाहाॽ याॽलाङ् कुइसिक् मे़जोक्लो॥ हे़क्क्याङ् खे़न् ये़न्नो खे़ङ्हाॽ मिःल्ले़ खाप्पुथ्यःङ् चोगुसिॽ॥ मिःल्ले़ सिङ्बोराःक्के़न् नु कुसाःप्पे़न् खाप्पुथ्यःङ् चोगुबा कुइसिक् खे़ल्ले़ खे़ङ्हाॽरे़ खुन्छिॽ मुॽइदाङ्साहाॽ खाप्पुथ्यःङ् चोगुसिॽ॥
मु खे़मादिङ् यङ्सङ्ङो मुक्साम्बा लाम्लोबाहाॽरे़ मिस्रःन् नु खे़ल्ले़ कुन्जुम् कुन्देङ् लाजेॽहाॽ कुनामे़न्छाॽ मे़मे़त्तुसिर अक्खेलॽरिक् लाम्दाक् मे़मे़त्तुसिॽ, ‘खे़ङ्हाॽ मु मे़ये़आङ् मे़वाॽ, ताभेःल्ले़ मे़से़रुसिबा थक्सुबा सुम्, आसुसुबा मे़न्छाम् सुवाङ्हाॽरे़ खुन्छिॽ लुम्मो खे़ङ्हाॽ मे़ने़रो॥’
हे़क्क्याङ् खुनिॽ इङ्ले़क् के़मे़प्पा माफे़न्साम्मिन् मिराःक् नु कान्धाक् के़दिःप्पा लुम्बाःत्तो लाप्फुसुरो॥ खे़प्मोग किप्मा के़घुबा थक्सान् नु इङ्ले़क्पा माङ्निङ्वाॽपान् के़बाःप्पे़न्नाङ् तगिसा लाप्मे़भुसुसिआङ् यागे़त्छिरो॥ हे़क्क्याङ् खे़ङ्हाॽग से़न्दिक् ले़न्दिक् सदादिङ् खे़प्मो तुक्खे मे़जारो॥
हे़क्क्याङ् खे़न् किप्मा के़घुबा थक्सान् नु खुने़ॽ कुदगि निङ्वाॽ के़माबा याःम्बक् के़जोःक्पा खे़न् इङ्ले़क्पा माङ्निङ्वाॽपान् के़बाःप्पे़न् मे़दे़म्सुसिरो॥ खे़ल्ले़ मुक्साम्रे़ कुधिम्बा निङ्वाॽ के़माबा याःम्बक्हाॽरे़ खे़न् किप्मा के़घुबा थक्साःल्ले़ इबुगे़न् कुमिक्सेन् के़लक्पा नु कुनावाइत्लान् से़वा के़जोःक्पाहाॽ इङ्ले़क्तुसिआङ् वये़रो॥ खे़ङ्हाॽ ने़प्माङ् कुहिङ्वे़त्ते कान्धाक् के़दिःप्पा मिराःक् लुम्बाःत्तो लाप्मे़भुसुसिरो॥
कर आल्ल खिनिॽ के़रे़क् आत्तिन्हाॽरे़ मि के़हाःन्दुम् हे़क्क्याङ् हुरुरु लॽरिक् के़हाॽबा मिजोःत्ते़न् के़गाप्पासि, खिनिॽ पेगे़म्मे़ॽओ, खिनिॽ के़हाःन्दुम्बा मि नु मिजोःत्ते़ल्ले़ ओःत्तिओ लाङ्घेगे़म्मे़ॽओ॥ खे़निॽ आङ्गाॽ आहुक्कोलाम् हाबा कन् के़दुमुम्लो— खिनिॽ के़साक्पा तुक्खेलाक्खेओ के़ध्ये़ॽइरो॥
सियोनओ के़वाॽबा लायोबाहाॽ मे़गिसे़आङ् मे़वाॽरो, निङ्वाॽफुमाङ् वाॽ फाॽआङ् निङ्वाॽफुमाङ्ङिन् कुसिङ् मे़न्निप्नाबा मनाहाॽ किमा यङ्मारे़ ते़म्सुसिआङ् मे़वाॽरो, खाप्पुथ्यःङ् आजोःक्चोःक्पा मिओ युङ्मा के़सुक्पा आनिॽओ हात् वाॽबे? आभे़ल्ले़साङ् मिधुङ्दिङ् मिराःक् के़बोःक्पादे़न्नो युङ्मा के़सुक्पा आनिॽओ आत्तिन् वाॽग?
यहवे दाङ्बाए, खे़ङ्हाॽ खुम्दिङ् पिमासिरे़ लागि के़हुक्किल्ले़ थाःङ् के़साःप्सुसिआङ् पत्लो, कर खे़ने़ॽ के़हुक्किल्ले़ के़साःप्सुसिसाङ् खे़ङ्हाॽरे़ निनिआङ् मे़ल्लाप्तुन्लो॥ आबाङे के़मनाहाॽरे़ खुनिॽ लागि खे़ने़ॽ के़सिक्सम्मान् खे़ङ्हाॽरे़ मे़निसुआङ् खे़ङ्हाॽ सिरिङ्ममो मे़धाररो॥ खे़ने़ॽ के़दक्ले़ङ्वाओ के़बोःक्पाहाॽरे़ लागि लाःत्लाःत् के़युक्सुबा मिःल्ले़ खे़ङ्हाॽ खाप्पुथ्यःङ् चोगुसिररो॥
खे़ल्ले़चोगुल्ले़ मिःल्ले़ याॽलाङ्ङिन् हाॽरुआङ् खाप्पुथ्यःङ् चोगुबा नु के़हेबा याःन्निन् मिःल्ले़ हाॽरुआङ् खाप्पुथ्यःङ् पोङ्बा कुइसिक् खे़ङ्हाॽरे़ खुन्छिॽ साःप्पे़न् किबेःक्लो॥ खे़ब्याङ् खे़ङ्हाॽरे़ खुन्छिॽ फुङ्ङिन्नाङ् खाम्हिःक् पेबा कुइसिक् पे़बेःक्लो थेआङ्भे़ल्ले़ खे़ङ्हाॽरे़ मुक्साम्दाङ्बा यहवे दाङ्बे़ल्ले़ कुधिम्मे़न् इःप्मा नाःप्मा मे़ले़रुआङ् वाॽरो॥ हे़क्क्याङ् इस्राइलबा सेसेबा निङ्वाॽफुमाङ्ङिल्ले़ कुइङ्जाङ्ङिन् कुनामे़न्छाॽ मे़मे़त्तुआङ् वाॽरो॥
कल्ले़चोगुल्ले़ लत्छा माङ्देधिक्ले़ इक्सादिङ् खाम्बेःक्मान् खाप्पुथ्यःङ् पोङ्लो॥ हे़क्क्याङ् खे़न् इक्सादिङ् खाम्बेःक्मो के़युङ्बा मनाहाॽरे़ खुन्छिॽ आप्तिक्किल्ले़ खुम्दिङ् मे़घोसुरए पोङ्लो॥ पा कल्ले़चोगुल्ले़ योॽबा लाजेॽओ के़युङ्बा मनाहाॽरे़ मिमे़धिक्खु मे़से़रुसिरो, हे़क्क्याङ् चबे़ःत्छिक् मनाहाॽरक् मे़हिङे़ मे़याःक्ते़आङ् मे़वाॽरो॥
दाउदरे़ कुमुॽइदाङ्सा यहुदाबा हाङ् हिम्सयङ्से, यहवे दाङ्बे़ल्ले़ अक्खे पाःत्तुरो, “‘थिक्याःन्धक् कुदोःप्मा खासे़न्निन् तक्ते़म् कत्ते़म्मे़ॽओ॥ मना के़घुम्बाल्ले़ कुहुक्कोलाम्बा मे़नाप्तुसिबाहाॽ ताङ्से़ःप्ते़म्सिम्मे़ॽओ॥ मेःन्ने़भग्र खिनिॽ फे़न्याःम्बक्किल्ले़ आसिक् पोःक्काङ् मि पोङ्ङारो खे़ब्याङ् खे़न् हाःत्ले़आङ् से़प्मा मे़सुक्तुम्बा मि हे़क्के हुरुरुना तिःत्लो॥
Piblisite