यसैया 1:3 - लिम्बु3 पित्ते़ल्ले़ आबाङे कुन्दाङ्बे़न् कुसिङ् निःत्तुरो, हे़क्क्याङ् अदङ्ङिल्ले़आङ् आबाङे कुन्दाङ्बे़न् नु कुजाजामा ते़न्निन् कुसिङ् निःत्तुरो कर इस्राइलबा आमनाहाॽरे़ आङ्गाॽ कुसिङ् मे़न्निःत्नान्लो हे़क्क्याङ् आङ्गाॽ यार चोगुङ्सिङ्बा पाःन्निन् कुसिङ् मे़न्निःत्तुल्लो॥” Gade chapit la |
यसैया 1:3
24 Referans Kwoze
यहवे दाङ्बे़ल्ले़ अक्खे पाःत्तुरो, “आङ्गाॽ आमनाहाॽ अदङ् मे़जोक्लो खे़ङ्हाॽरे़ आङ्गाॽ कुसिङ् मे़न्निःत्तान्लो॥ खे़ङ्हाॽ ने़हिनिङ्वाॽ मेःन्नेबा अङे़ःक्वाहाॽ हे़क्के मे़लॽरो, खे़ङ्हाॽरे़ खुन्छिॽ खासिङ्निःप्मा साम्मिन्ने होप्लो॥ खे़ङ्हाॽ ताक्के़भे़ॽबा याःम्बक् चोःक्मा के़ले़बा मे़जोक्लो, कर खे़ङ्हाॽरे़ नुबा याःम्बक् चोःक्मा मे़ल्ले़सुन्लो॥”
खे़ङ्हाॽरे़ थेआङ् मे़ल्ले़सुन्लो, खे़ङ्हाॽरे़ थेआङ् कुसिङ् मे़न्निःत्तुन्लो॥ खे़ङ्हाॽरे़ खुन्छिॽ मिक्हाॽ इम् मे़मे़त्तुआङ् पत्लो, खे़ल्ले़चोगुल्ले़ खे़ङ्हाॽरे़ निमा मे़न्छुक्तुन्लो, खे़ङ्हाॽरे़ खुन्छिॽ निङ्वान् मे़साक्तुआङ् वाॽरो, हे़क्क्याङ् खे़ङ्हाॽरे़ कुसिङ् निःप्मा मे़न्छुक्तुन्लो॥
खे़ङ्हाॽरे़ खुन्छिॽ साभःङ्जाहाॽओ अन्मे खिङ्मनाबा तुङ्ना नु तुःङ्गे, के नु मुफ्रामा हे़क्क्याङ् सेजःङ्वा वाॽरो, कर खे़ङ्हाॽरे़ यहवे दाङ्बे़ल्ले़ कुयाःम्बक्किन् खे़म्घे़म् निनिआङ् मे़ल्लाप्तुन्लो॥ खे़ङ्हाॽरे़ खुने़ॽ कुहुक्किल्ले़ चोगुबा याःम्बक्किन् मिङ्सो इङ्धाङ्ङे मे़म्बिरुन्लो॥
हे़क्केलॽरिक् खे़ॽयोबा चुजुक्सा सिङ्बोराःक्हाॽ हेआङ् मे़ए़क्खुरो, खे़ब्याङ् मे़न्छुमाहाॽ मे़दाआङ् मिओ सिङ् मे़हाःन्दुरो॥ थेआङ्भे़ल्ले़ कङ्हाॽग सिक्कुम् निङ्वाॽ के़होप्पा लत्छा सुवाङ्सिरो खे़ल्ले़चोगुल्ले़ खुन्छिॽ के़जोःक्पा निङ्वाॽफुमाङ्ङिल्ले़ खे़ङ्हाॽ लुङ्माॽ मे़दुक्तुसिन्लो खे़ब्याङ् खुन्छिॽ नावागे़न् चइःत् के़जोक्पे़न् खे़ङ्हाॽओ कुलुङ्मास्याःत् मे़लॽने़न्लो॥
खे़ङ्हाॽग साॽरिक् खुन्छिॽ सिक्के़लाःक्पा कोःत्चोसिरो, खे़ङ्हाॽ आभे़ल्ले़आङ् मे़ङ्घाने़न्लो, खे़ङ्हाॽ खासिङ् मे़न्निःप्मनाबा मे़ःन्दा पित् के़गम्बासिरो॥ खे़ङ्हाॽ के़रे़क् आबाङे खुन्छिॽ लाम्मो लाङ्मे़घेःक्काङ् मे़वाॽरो, के़रे़क्ले़ आबाङे खुन्छिॽ नुबा के़बोङ्बा पाःन्हाॽरक् मे़गोःत्तुरो॥
खे़ने़ॽ के़इङ्जाङ्ङिन् इःप्मा नाःप्मा मे़न्दे़न्ने़न्नाङ् के़रे़क् इस्राइलिहाॽरे़ खे़ने़ॽ के़साम्योथिम् इङ्जाङ्हाॽ मे़भेःन्दुआङ् वाॽ हे़क्क्याङ् खे़ने़ॽलाम् माःङ्घा मे़बोःक्खे़आङ् मे़वाॽ॥ “खे़ल्ले़चोगुल्ले़ निङ्वाॽफुमाङ्ङिल्ले़ के़से़वारोबा मोसाःल्ले़ कुसाम्योथिम्मो साप्ते़आङ् के़बप्पा साक्मुरा माङ्देहाॽ नु माङ्हे़क् निःन्धो के़बोङ्बा पाःन्हाॽ आनिगे सम्धाङ् थ्ये़आङ् वाॽ, थेआङ्भे़ल्ले़ आनिगे खे़ने़ॽ के़दक्ले़ङ्वाओ लायो चोगुम्बे़आङ् वाॽ॥
“आमनाहाॽ के़माबा मे़ल्लुक् मे़बोःक्खे़आङ् मे़वाॽरो, खे़ङ्हाॽरे़ खुन्छिॽ मे़ल्लुक्कम्बाहाॽरे़ खे़ङ्हाॽ लाम्मे़भोःत्छुसिआङ् मे़वाॽरो हे़क्क्याङ् कोःक्मा फाङ्जङ् थे़गु माङ्वाहाॽओ खे़ङ्हाॽ मे़मये़र मे़हिसु मे़देसुसिआङ् मे़वाॽरो॥ खे़ङ्हाॽरे़ खुन्छिॽ लाम्मिन् मे़मासु मे़देसुरो खे़ब्याङ् आप्फेक् मे़ल्लुक् लुप्पो नुःङ्मा तामारे़ लागि खुन्छिॽ लाम्मिन् निङ्वाॽ इःप्मा मे़न्छुक्तुन्लो॥
Piblisite