यसैया 1:28 - लिम्बु28 कर पिफ्युङ्बाहाॽ नु लायोबाहाॽ थिक्ले़ङ्ले़ मे़मे़क्लो, हे़क्क्याङ् यहवे दाङ्बान् के़ले़प्पाहाॽ फुत्लुम् थ्यःङ् मे़बोङ्लो॥ Gade chapit la |
यसैया 1:28
38 Referans Kwoze
कर किस्रुक्पाहाॽ, नसान् मे़न्जोःक्मनाबाहाॽ, फे़क्के़लाॽबाहाॽ, मना के़से़प्पाहाॽ, ताप्फे़ःम्बा याःम्बक् के़जोःक्पाहाॽ, फे़न्साम् मुन्धुम् के़नाःप्पाहाॽ, नावाइत्ला से़वा के़जोःक्पाहाॽ नु इङ्ले़क् के़बाःप्पाहाॽरे़ खुनिॽ वाॽमादे़ङ्ग कान्धाक् नु मि के़दिःप्पार के़बप्पा लुम्बाःत्तो पोङ्लो॥ खे़ङ्ग निसिगेक्पा सिमे़न्लो॥”
कर बा खे़न् पेलिगे़न् पाःन्जाक्किल्ले़ आल्लोबा ताङ्साक्पे़न् नु इक्सादिङ् खाम्बेःक्मान् मिलाम्बा मे़ङ्मा फाॽआङ् ताङ्घुआङ् वाॽरो॥ हे़क्क्याङ् निङ्वाॽफुमाङ्ङिन् इङ्धाङ् मे़म्बिमना मनाहाॽ खासे़न् ये़न्नो मे़म्मे़ङ्सिङ्ङे थारिक् ताङ्साक्पे़न् नु इक्सादिङ् खाम्बेःक्मान् बा याःक्ते़आङ् ने़रो॥
“खे़ङ्हाॽ मे़लःन्नाङ् मे़बेःक्किल्ले़ आङ्गाॽ आदक्ले़ङ्वाओ पिफ्युङ् के़जोःक्पाहाॽरे़ खुन्छिॽ के़सिबा थक्हाॽ खे़ङ्हाॽरे़ मे़निसुरो॥ खे़न् के़सिबा थक्हाॽ के़जाबा फेॽबाःत्हाॽ आभे़ल्ले़आङ् मे़न्छिने़न्लो हे़क्क्याङ् खे़न् चेधक्हाॽ के़ओॽबा मिन् आभे़ल्ले़आङ् मे़सिने़न्लो, खे़न् निगे़दे़प्पे़न् के़रे़क् मे़न्छाम् सुवाङ्हाॽरे़ खुन्छिॽ लागि साॽरिक् सिक्के़ले़ःङ्बा पोङ्लो॥”
कर आल्ल खिनिॽ के़रे़क् आत्तिन्हाॽरे़ मि के़हाःन्दुम् हे़क्क्याङ् हुरुरु लॽरिक् के़हाॽबा मिजोःत्ते़न् के़गाप्पासि, खिनिॽ पेगे़म्मे़ॽओ, खिनिॽ के़हाःन्दुम्बा मि नु मिजोःत्ते़ल्ले़ ओःत्तिओ लाङ्घेगे़म्मे़ॽओ॥ खे़निॽ आङ्गाॽ आहुक्कोलाम् हाबा कन् के़दुमुम्लो— खिनिॽ के़साक्पा तुक्खेलाक्खेओ के़ध्ये़ॽइरो॥
“हे़क्क्याङ् खे़ने़ॽ सोलोमन आङ्गाॽ आस्साःल्ले़ग, खे़ने़ॽ के़म्बारे़ कुनिङ्वाॽमाङ्ङिन् आप्फेक् के़निङ्वाॽफुमाङ् इःत्ते़ॽ, हे़क्क्याङ् के़रे़क् के़सिक्कुम् निङ्वाॽ नु के़निङ्वाॽ तामा निङ्वाॽरे़ खुने़ॽ कुमाङ्सेवा चोगे़ॽ॥ थेआङ्भे़ल्ले़ यहवे दाङ्बे़ल्ले़ के़रे़क् सिक्कुम्दिङ् निङ्वाॽहाॽ साॽरुॽ हे़क्क्याङ् मनारे़ के़रे़क् चोःक्मा निङ्वाॽ मे़जोगुबा नु मे़इःत्तुबा चइःत् पाःन्हाॽ निङ्वाॽ खोसुॽ॥ खे़ने़ॽ खुने़ॽ के़गोत्तुने़भग्र खुने़ॽ के़घोसुॽ, कर खुने़ॽ के़ले़रुने़भग्र खुने़ॽ सदादिङ्ले़ लागि खे़ने़ॽ के़नाॽ॥
नाॽराङ्स्याङ्, लायोबा सुवाङ्, आप्तिक्साबा मनाहाॽ, ताप्फे़ःम्बा याःम्बक् के़जोःक्पाहाॽरे़ खुन्छिॽ साहाॽ, हे़क्क्याङ् स्वाःत्ताङ् सुरुत्याङ् के़जाबाहाॽरे़ खुन्छिॽ थिन्दाङ् सायोबोराहाॽ! खे़ङ्हाॽरे़ यहवे दाङ्बे़न् मे़नाॽरुआङ् वाॽरो, खे़ङ्हाॽरे़ इस्राइलबा सेसेबे़न् कुनामे़न्छाॽ मे़मे़त्तुरो हे़क्क्याङ् एःक्मे़मे़त्तुआङ् मे़वाॽरो॥
थिःल्ले़ के़मबा मनान् होॽदोन् होॽदोन् लॽबा कुइसिक् इक्सादिङ् खाम्बेःक्मान् मुन्जिङ् मुन्जिङ् लॽरो॥ ते़हे़ॽहे़ॽबा याक्माहिम्मिन् सुरिःत्तिल्ले़ वाःन्दुबा हे़क्के इक्सादिङ् खाम्बेःक्मान् ना नु कत्ना मुन्लो॥ खुन्छिॽ आबाङे पिफ्युङ्ङिन् खे़न् इक्सा खाम्बेक् सम्धाङ् साॽरिक् लिःप्पाङ् पत्लो खे़ल्ले़चोगुल्ले़ खे़न् आफाल्ले़आङ् पोःक्मा मे़न्छुक्के चोःन्लो॥
सियोनओ के़वाॽबा लायोबाहाॽ मे़गिसे़आङ् मे़वाॽरो, निङ्वाॽफुमाङ् वाॽ फाॽआङ् निङ्वाॽफुमाङ्ङिन् कुसिङ् मे़न्निप्नाबा मनाहाॽ किमा यङ्मारे़ ते़म्सुसिआङ् मे़वाॽरो, खाप्पुथ्यःङ् आजोःक्चोःक्पा मिओ युङ्मा के़सुक्पा आनिॽओ हात् वाॽबे? आभे़ल्ले़साङ् मिधुङ्दिङ् मिराःक् के़बोःक्पादे़न्नो युङ्मा के़सुक्पा आनिॽओ आत्तिन् वाॽग?
यहवे दाङ्बे़ल्ले़ अक्खे पाःत्तुरो, “आङ्गाॽ नाजङ्सक् साप्तुङ्पिरुङ्बाल्ले़ चोगुल्ले़ के़म्मा मे़बाङ्सु मे़देसुआङ् वये़बाबि? इग्र आङ्गाॽ आत्तिन् सिङ्नात्साबे़ल्ले़ कुहुक्को खे़निॽ सङ्निङ्बे? मेःन्लो, खे़निॽ लायोहाॽरे़ चोगुल्ले़ खे़निॽ के़म्सङ्सिबारो, हे़क्क्याङ् खे़निॽ माःन्नाङ् खे़निॽ लायोल्ले़ चोगुल्ले़ माःङ्घा मे़बाङ्सुबारो॥
थेआङ्भे़ल्ले़ खे़ङ्हाॽरे़ आङ्गाॽ थिक्याःन्धक् मे़गोःत्तारो, आत्तिन् पाःन्निन् नुबा चोक् खे़न् के़जोःक्पा नु आबाङे निङ्वाॽफुमाङ्ङिल्ले़ कुइङ्जाङ्ङिन् मे़म्भेःम्मनाबा कर आङ्गाॽ आलाम्मिन् नाःप्मा कुसिङ् निःप्मा निङ्वाॽ के़जोःक्पा सुवाङ् हे़क्तङ्बाए खे़ङ्हाॽ निमे़दे़त्लो॥ खे़ङ्हाॽरे़ कुदोःप्मा निङ्वाॽ निःन्धोरे़ पाःन्हाॽ मे़नाःक्कारो, हे़क्क्याङ् निङ्वाॽफुमाङ्ङिन् खे़ङ्हाॽरे़ खुन्छिॽ निःत्ताङ् तार फाॽआङ् खुन्छिॽ निङ्वाॽ इगेःक् लॽबा निदे़त्लो॥
मिस्रओ पेःक्माआङ् युङ्मा निङ्वाॽ निःन्धो के़जोःक्पा खे़न् यहुदाओ पक्मे़ध्ये़ मे़याःक्ते़बा मनाहाॽ आङ्गाॽ तेॽरुङ्सिङ्ङाङ् युम्रे़क् मे़क्खुङ्सिङ्ॽ॥ कन् मिस्र लाजेॽओ के़धाबाहाॽ के़रे़क् साक्वान् नु थङ्ङो मे़सिरो॥ खे़ङ्हाॽ चुक्पाआङ्धो यम्बा थारिक्पा के़रे़क् मे़सिरो॥ खे़ङ्हाॽ आप्तिक्साबा, किप्मागे़घुबा, माङ्दे साङ्ग्रा नु किनाःन्दि मे़बिरुसिबा मे़बोङ्ॽ॥
खुने़ॽ के़नाःम्बा दमस्कसबा माङ्हाॽओ सिदुङ्जभा तोःन्दु, थेआङ्भे़ल्ले़ खुने़ॽ अक्तङ्बा निङ्वाॽ इःत्तु, “अरामबा हाङ्हाॽरे़ खुन्छिॽ माङ्हाॽरे़ खे़ङ्हाॽ मे़भाॽरुसि॥ कल्ले़चोगुल्ले़ खे़ङ्हाॽरे़ आङ्गाॽ मे़भाॽआर फाॽआङ् आङ्गाॽआङ् खे़ङ्हाॽओ सिदुङ्जभा तोःन्दुङ्ॽ॥” कर से़क्खाःल्ले़ग खे़ङ्हाॽरे़ए खुने़ॽ नु के़रे़क् इस्राइलिहाॽ मे़आगे़र मे़जोगु॥
के़रे़क् आसुत्थो मना हे़क्तङ्बा पोःक्खिगे़आङ् वयिगे़रो, हे़क्क्याङ् आनिगे साम्योबा याःम्बक्हाॽ के़रे़क् चिःन्जिःन् के़घुबा कुद्रे़क् चाङ् हे़क्तङ्बा पोःक्खे़आङ् वाॽरो॥ आनिगे के़रे़क् ते़त्लाफे़क्वा कुइसिक् इले़मिघे़रिगे़रो, हे़क्क्याङ् आनिगे लायोल्ले़ सुरित् केजङ्ङिल्ले़ हे़क्के पक्खि तेॽरिगे़रो॥
Piblisite