ने़प्माङ् हुक्हाॽ फे़न्याःम्बक् चोःक्मा के़ले़बा चोक्लो, युक्साबाहाॽरे़ मिक्तोःक्हाॽ मे़नाःक्तुरो हे़क्क्याङ् खासे़न्लोःम्बाहाॽरे़ याङ् चामा मे़नाःक्तुरो॥ आयुक्युक्पाहाॽरे़ च्या चोःक्मा निङ्वाॽ मे़जोगुॽ हाबा खे़न्ने चोःक्मारे़ लागि इङ्जाङ् मे़जोगुरो, खे़ङ्हाॽ के़रे़क् मे़दङ्सिङ्ङाङ् चे़म्भन् मे़जोगुरो॥
यसैया 1:23 - लिम्बु23 खे़ने़ॽ के़युक्साबाहाॽ पिफ्युङ्बा नु खुःन्द्रिक्पाहाॽरे़ खुन्छिॽ चुम्देङ् मे़बोःक्खे़आङ् मे़वाॽरो॥ खे़ङ्हाॽ के़रे़क्ले़ स्वाःत् सुरुत्याङ् चामा खुन्छिॽ सिराॽथाङ्लो, हे़क्क्याङ् खे़ङ्हाॽ चे़सुङ् मिक्तोक् खोमा खिःम्यक् मे़जोक्लो॥ खे़ङ्हाॽरे़ ये़त्छाबा ये़त्छामाहाॽ खासे़न् मे़ल्लोःन्दुन् मे़म्बिरुसिन्लो॥ हे़क्क्याङ् कुये़म्बा के़सिमा मेमेदुमाहाॽरे़ खुन्छिॽ ये़क्पेलिन् खे़ङ्हाॽरे़ मे़ङ्घे़प्सुन् मे़म्बिरुसिन्लो॥ Gade chapit la |
यसैया 1:23
47 Referans Kwoze
मुक्साम्दाङ्बा यहवे दाङ्बे़ल्ले़ पाःत्तुॽ, “कर हे़क्के पोङ्मानुःल्ले़ तगि आङ्गाॽ खासे़न् लोःन्छे़ खे़निॽ पेसाङ् ताआ॥ साम्माङ्च्याःङ् मुरा के़मे़प्पा मनाहाॽ, इप्ना लोःम्भेत् के़बोःप्पा मनाहाॽ हे़क्क्याङ् इङ्ले़क्के तोःन्दि के़बिबाहाॽ, याःम्बक् के़जोःक्पाहाॽरे़ खुन्छिॽ नाम्याक् नुरिक् मे़म्बिमनाहाॽ कुये़म्बा के़सिमा मे़न्छुमाहाॽ नु ये़त्छा होॽदोःक्हाॽ निङ्वाॽ तादा के़जोःक्पा नु ताप्फे़ःल्लिक् के़मे़प्पाहाॽ वेॽ लाजेॽबा मनाहाॽरे़ खुनिॽ ले़प्माङ् कुदोःप्मा खासे़न् मे़ल्लोःम्मना मे़म्बिमनाबाहाॽ, हे़क्क्याङ् आङ्गाॽनु मे़ङ्गिमनाबा कन् के़रे़क् मनाहाॽ आङ्गाॽ हक्चघत् आप्तिक् कुःत्तुङ्सिङ्ॽ॥”
खे़प्मोबा लाम्लोबाहाॽरे़ सुरुत् याङ्ले़ लागि खासे़न् मे़लोःन्दुरो, खे़प्मोबा निङ्वाॽफुसाम्बाहाॽरे़ नाम्याक्ले़ लागि मे़हुॽरुसिरो, हे़क्क्याङ् खे़प्मोबा माङ्निङ्वाॽपान् के़बाःप्पाहाॽरे़ याङ्ले़ लागि माङ्निङ्वाॽपान् मे़बाःत्तुरो॥ हे़क्क्याङ्साङ् खे़ङ्हाॽ यहवे दाङ्बाओ मे़घे़ःम्सिङ्लो खे़ब्याङ् खे़ङ्हाॽरे़ अक्खे मे़बाःत्तुरो, “थे़मा यहवे दाङ्बे़न् आनिॽ लुम्मो मे़वाॽने़न्नाङ्बि? आनिॽओ थे़माआङ् ताप्फे़ःम्बा पान् मे़बोङ्ने़न् मे़दाने़न्लो॥”
दाङ्बे़ल्ले़ पाःत्तुरो, “गिलगालओ खे़ङ्हाॽरे़ मे़जोगुबा खुन्छिॽ के़रे़क् फे़न्याःम्बक्किल्ले़ चोगुल्ले़ आङ्गाॽ खे़ङ्हाॽ चिःत्तुङ्सिङ्लो॥ खे़ङ्हाॽरे़ खुन्छिॽ लायोबा याःम्बक्किल्ले़ चोगुल्ले़ आङ्गाॽ खे़ङ्हाॽ आहिम्मोलाम् नाःत्तुङ्देसुङ्सिङ्लो॥ खे़ङ्हाॽ याम्मो आभे़ल्ले़आङ् लुङ्माॽ मे़दुक्तुङ्सिङ्ङिन्लो, खे़ङ्हाॽरे़ खुन्छिॽ के़रे़क् लाम्लोबाहाॽ पिफ्युङ्बासिरो॥
खे़ल्ले़चोगुल्ले़ आङ्गाॽ लाम्लोबाहाॽरो पेःक्काआङ् खे़ङ्हाॽनु ताॽजे़ङ्ङारो॥ से़क्खासाङ् खे़ङ्हाॽलाम्बा निङ्वाॽफुमाङ्ङिल्ले़ कुभा पाःन्हाॽ चोःक्मा निङ्वाॽ के़जोगुरो खे़न् पाःन्हाॽ खे़ङ्हाॽरे़ निङ्वाॽ मे़घोसुररो॥ यहवे दाङ्बे़ल्ले़ निङ्वाॽ के़जोगुबा काक् पाःन्हाॽ कुसिङ् मे़निःत्तुरो॥” कर के़रे़क्ले़ यहवे दाङ्बे़ल्ले़ के़युक्किन् ते़न्दिङ् चोःक्मा मे़न्दे़न्दे़न्लो हे़क्क्याङ् खे़ने़ॽ के़इङ्जाङ्ङिन् इःप्मा नाःप्मा मे़नाॽरुरो॥
हात् कुदोःप्मा लाम्मो लाङ्घेःक्, हे़क्क्याङ् के़वाॽबा पान् पाःत्, हात् याङ्ङिल्ले़ कुस्सा चामा मे़दे़न्ने़न्, आत्तिल्ले़ स्वाःत्ताङ् सुरुत्याङ् ताःक्मारे़ लागि कुहुक्के़न् मे़सन्छुन्, हात् मनासे़प्मा चे़म्भन् पान् खे़म्मा मे़दे़न्ने़न्, ताप्फे़ःम्बा पाःन्निन् निङ्वाॽ इःप्मानुःल्ले़ परु कुमिक्के़न् इम् मे़त्तुॽ॥
थेआङ्भे़ल्ले़ खिनिॽ आप्तिक्हाॽ यरिक् वाॽ हे़क्क्याङ् खिनिॽ यम्बा लायोहाॽ के़जोगुम्माङ् वाॽबान् निसुङ्लो॥ साम्योबाहाॽ खिनिॽ तुक्खे के़जाःत्तुम्सिम्लो हे़क्क्याङ् खिनिॽग स्वाःत्ताङ् याङ् के़दाःक्तुम्लो हे़क्क्याङ् खासे़न्लोम्मा हिम्हाॽओ याङ्गे़साॽबाहाॽ कुदोःप्मा खासे़न् लोःम्मा पिमासि के़म्भाःक्तुम्सिम्मिन्लो॥
खे़ल्ले़चोगुल्ले़ ताम्भुङ्ङोबा खिरिङ्बाहाॽरे़ खे़ङ्हाॽ मे़से़रुसिरो, मुरे़क् खारे़क्पोबा पराबाहाॽरे़ खे़ङ्हाॽ मे़धे़ःक्खु मे़से़रुसिरो हे़क्क्याङ् थे़रिङ्बाहाॽ खुन्छिॽ ये़क्यक् हे़ङ्गात्ति ताक्मे़गन्लो॥ कुभा लाःक्कात् मे़बेःक्ने़भग्र खे़ङ्हाॽ कुज्रिङ् कुज्रिङ् मे़बोङ्लो थेआङ्भे़ल्ले़ खे़ङ्हाॽरे़ निःत्मे़न्दे़त्ते यरिक् लायो मे़जोगुआङ् वाॽरो हे़क्क्याङ् खे़ङ्हाॽरे़ निङ्वाॽफुमाङ्ङिन् ए़त्ले़ङ् के़म्नाॽरे़आङ् वाॽरो॥
Piblisite