यसैया 1:21 - लिम्बु21 ओमे़त्ते़म्मे़ॽ, नसाःन्सामा के़वाॽमा यरुसले़म ये़क्यक्किन् आक्खेलॽरिक् के़त्निमा हे़क्तङ्बा पोःक्खे़बे! आसेःङ्ग खे़न् खासे़न्ले़ कुधिम् वये़रो॥ हे़क्क्याङ् खे़न् ये़क्यक्को साम्योबाहाॽ मे़वये़रो, कर आल्लोग खे़न् मना के़से़प्पाहाॽरे़ खुन्छिॽ वाॽमादे़न् पोःक्खे़आङ् वाॽरो! Gade chapit la |
यसैया 1:21
31 Referans Kwoze
“यरुसले़म्मोबा मनासे, यरुसले़म्मोबा मनासे, खिनिॽग माङ्निङ्वाॽपान् के़बाःप्पाहाॽ के़से़रुम्सिम्, निङ्वाॽफुमाङ्ङिल्ले़ खिनिॽओ पाङ्घुसिबा इङ्साबाहाॽ लुङ्ङिल्ले़ के़बःत्तुम्सिम्लो॥ आक्खे़न्ले़ङ् खिनिॽ मुॽइदाङ्साहाॽ वामाःप्माल्ले़ वाज्याःक्हाॽ कुप्तुसिबा कुइसिक् खिनिॽ साहाॽ सुम्मासि निङ्वाॽ चोगुङ्, कर खिनिॽ के़न्दे़न्दिन्लो॥
यहवे दाङ्बे़ल्ले़ अक्खे पाःत्तुॽ, “कुभा मनाःल्ले़ आबाङे कुमेःत्तिन् नाॽरुरो हे़क्क्याङ् खे़न् मे़न्छुमाःल्ले़ खुने़ॽ ले़रुआङ् वेॽ ये़म्बित्छाःन्नु मेःक्खिम् चोगुरो हे़क्केने़भग्र खे़न् मनाःल्ले़ याम्मो खे़न् मे़न्छुमान् हिम्मो नुःक्मा ताःप्मा मे़सुक्तुन्लो॥ हे़क्के चोःक्माल्ले़ के़रे़क् लाजेन् चिःन्जिन् के़घुबा पोङ्लो॥ कर इस्राइलए, खे़ने़ॽ यरिक् के़धाङ्बे़न्हाॽनु के़बोःत्ते़रो हे़क्क्याङ् याम्मो आङ्गाॽओ नुःङ्मा तामा निङ्वाॽ के़जोगुरो!”
मुक्साम्दाङ्बा यहवे दाङ्बे़ल्ले़ कुजे़ल्ले़क्सेॽ इक्किङ्ग इस्राइलबा हिम्सयङ्लो, हे़क्क्याङ् यहुदाबा मनाहाॽग खुने़ॽ कुयाम्नाःम्मिल्ले़ सिङ्सेॽ इक्लो॥ खुने़ॽग नुबा खासे़न् पोङ् के़लॽबा निङ्साङ् चोगुरो, कर माक्खिॽ वरक् पोःक्खे़रो, साम्योबा पोङ् के़लॽबा निङ्साङ् चोगुरो, कर तुक्खेलाक्खे नु मे़रिङ् पोःक्खे़रो॥
मनाहाॽरे़ खुनिॽ लाम्लोबाहाॽ यरुसले़ःम्मो वाॽमा मे़हेःक्ते़॥ वेॽ मनाहाॽरे़ तॽयाःन्सोन् मे़गे़सुआङ् थिबोङ् हिम्सयङ्लाम्बा लत्छा हिम्सयङ्धिक् सेसे ये़क्यक् यरुसले़ःम्मो युङ्मारे़ लागि मे़सेगु॥ हे़क्क्याङ् वेॽ फाङ्सि हिम्सयङ्हाॽग वेॽ ये़क्यक् नु पाङ्भेॽले़प्माङ् के़वाॽबा मे़बोःक्खे़॥
हे़क्क्याङ् खोर्याहाॽ के़गप्पा खे़न् नुसि माङ्लाइङ्बाहाॽओ थिक्पा फे़रे़आङ् अक्खे मे़त्ताङ्, “फे़रे़ॽ, इङ्गाॽ खे़ने़ॽ खे़न् कुइङ् कुनाम् के़से़मा के़त्निमाल्ले़ खोमा के़बोङ्बा खुम्दिङ्ङिन् ओसेःन्धाक्ने़ॽरो॥ खे़न् के़त्निमान् यरिक् च्वाःत्तिल्ले़ कुबेसाङ् के़ने़बा यम्बा ये़क्यक्किन्लो॥
खे़ङ्हाॽरे़ खुन्छिॽ माःल्ले़ इङ्ले़क् चोगुआङ् वाॽरो हे़क्क्याङ् सिरिङ्ममो खे़ङ्हाॽ साप्पोःक्को कुयुसिआङ् वाॽरो॥ खुने़ॽ पाःत्तु, ‘आङ्गाॽ लुङ्माॽ हिःप्तुसिङ्बाहाॽ तिम्दुङ्सिङ्लो, खे़ङ्हाॽरे़ आजामा खरे़ःङ् आधुङ्मा च्वाःत्, से़मुरिक्, नैनासुत् चिरिक्, चैतुन निःङ्गेॽ नु चे़ल्ले़क्सेॽ थि मे़बिआरो॥’
कुइगे़भे़म्बाहाॽ लुङ्माॽ मे़दुक्तुसिसाङ् खे़ङ्हाॽरे़ साम्योबा याःम्बक्हाॽ चोःक्मा मे़न्हुॽसिङ्ङिल्लो॥ कुदोःप्मा मनाहाॽरे़ खुन्छिॽ लाजेॽओआङ् खे़ङ्हाॽरे़ चक्मे़न्लॽए फे़न्याःम्बक् मे़जोगुरो, हे़क्क्याङ् यहवे दाङ्बाल्ले़ कुमिमिदिङ्ङिन् खे़ङ्हाॽरे़ निनि खे़म्घे़म् मे़ल्लाप्तुन्लो॥
Piblisite