यसैया 1:2 - लिम्बु2 ताङ्साङ्बे, खे़प्से़ॽ! इक्सादिङ् खाम्बेःक्के, के़न्भाक्किल्ले़ खे़म्से़ॽओ! यहवे दाङ्बे़ल्ले़ अक्खे पाःत्तुआङ् वाॽरो, “आङ्गाॽ आस्साहाॽ हिङ्सुङ्सिङ्ङाङ् यम्बा यम्मा चोगुङ्सिङ्लो, कर खे़ङ्हाॽ आदक्ले़ङ्वाओ पिफ्युङ्बा मे़बोःक्खे़आङ् मे़वाॽरो॥ Gade chapit la |
यसैया 1:2
37 Referans Kwoze
आङ्गाॽ आइन् खिनिॽ तगि हिङ्मे़न् नु सिमे़न्, मुॽइसाम्मिन् नु माङ्दे साङ्ग्राःन् खिनिॽ तगि ने़स्सुङ्ङाङ् ने़रो फाॽआङ् आङ्गाॽ साङ्ग्राम्पेदाङ् नु इक्सादिङ् खाम्बेःक्मान् खिनिॽ तक्ले़ङ्वाओ के़निबा तोःन्दि ये़प्सुङ्सिङ्ॽ॥ आल्ल हिङ्मे़न्ने खिनिॽ सेगे़म्मे़ॽ, हे़क्केलॽरिक् खिनिॽ नु खिनिॽ मुॽइदाङ्साहाॽ हिङ्मा सुक्ते़म्मे़ॽ,
“इक्सादिङ् खाम्बेःक्मोबा मे़न्छाम् सुवाङ्से, खिनिॽ के़रे़क्ले़ खे़प्से़म्मे़ॽओ॥ इक्सादिङ् खाम्बेःक्मो नु खे़प्मो के़युङ्बासे, खिनिॽ के़रे़क्ले़ सिङ्सिङ् ये़क्ये़क्काङ् खे़प्से़म्मे़ॽओ॥ हे़क्केलॽरिक् यहवे दाङ्बे़न् कुसेसे हिम्मोलाम्, यहवे दाङ्बा निङ्वाॽफुमाङ्ङिन्ने खिनिॽ तक्ले़ङ्वाओ तोःन्दि पोङ्लरो॥
खिनिॽ युक् चोःक्मारे़ लागि यर्दन नाधाःम्बि पेःक्मा के़इःत्तिबा खे़न् लाजेॽओ हारा ए खिनिॽ के़रे़क् हर्गुप् के़मे़गि फाॽआङ् आङ्गाॽ आइन्बा ये़न्नो साङ्ग्राम्पेदाङ् नु इक्सादिङ् खाम्बेःक्मान् खिनिॽ तक्ले़ङ्वाओ इङ्सुङ्ॽ, हे़क्क्याङ् यरिक् ये़न् युङ्मा के़ङ्घोसुम्मिन्ॽ कर वरे़ङ्ले़ङ् युम्रे़क् के़मे़गिॽ॥
मुक्साम्दाङ्बा यहवे दाङ्बे़ल्ले़ निङ्वाॽफुसाम्बाहाॽ अक्खे मे़त्तुसिॽ, “लत्छा ये़म्बित्छासाःल्ले़ कुम्बा इङ्धाङ् पिरुॽ, हे़क्क्याङ् से़वारोबे़ल्ले़ कुन्दाङ्बे़न् इङ्धाङ् पिरुॽ॥ आङ्गाॽ खे़निॽ पानुदिङ् पाआ, खे़निॽ आङ्गाॽ थेआङ् याप्मि इङ्धाङ् के़म्बिरिम्बाबे? आङ्गाॽ खे़निॽ दाङ्बाआ, खे़निॽ आङ्गाॽ थेआङ् याप्मि कुनागे़न्छाॽरिम्बाबे? “खे़निॽ आङ्गाॽ आमिङ्ङिन् कुनामे़न्छाॽ के़मे़त्तुम् हे़क्क्याङ् आल्लसाङ् आङ्गाॽ याप्मि से़ःन्गे़दोसिॽ, ‘आक्खेलॽरिक् आनिगे खे़ने़ॽ के़मिङ्ङिन् नामे़न्छाॽ मे़त्तुम्बे़आङ् वयिगे़बे?’
खे़ल्ले़चोगुल्ले़, इस्राइलबा कोःक्मा फाङ्जङ् थे़गु माङ्वासे, मुक्साम्दाङ्बा यहवे दाङ्बे़ल्ले़ कुइङ्घङ्ङिन् खे़प्से़म्मे़ॽ॥ थे़गु माङ्वाहाॽ नु कोःक्मा फाङ्जङ्हाॽ, पाक्लुम्लुम्बादे़न्हाॽ नु ने़ने़बादे़न्हाॽ, हे़क्क्याङ् कब्रिङ् पिसाङ्बा मे़न्छाम् सुवाङ्हाॽरे़ खाप्पुथ्यःङ् मे़जोगुबा नु कुनामे़न्छाॽ मे़मे़त्तुआङ् के़ने़बा हे़क्क्याङ् मे़धुप्सु मे़लुःन्दुआङ् मे़नाॽरुबाहाॽ नु इरिक् थारिक् लाप्मे़देसु मे़ने़स्सुबा ये़क्यक्हाॽ खुने़ॽ मे़त्तुसि॥
आङ्गाॽ आमनाहाॽ नुःक्तुङ् तारुङ्सिङ्ङिल्ले़ मे़हाःप्लो हे़क्क्याङ् पेलिगे़न् तुवा चोःक्नु मे़नुःङ् मे़दारो॥ आङ्गाॽ मनाहाॽ वहःङ् यङ्घङ्लाम्बा लाम् तोःन्दुङ्सिङ्लो, आघघबा के़होप्पा के़दङ्बा लाम्मो लाङ्घेःक्खुङ्सिङ्लो॥ आङ्गाॽ इस्राइलिहाॽरे़ लागि खुन्छिॽ पानुदिङ् पाआरो खे़ब्याङ् एफ्राइम्मिन् आङ्गाॽ आस्सा तुम्बारो॥
इक्सादिङ् खाम्बेःक्मोबा के़रे़क् मे़न्छाम् सुवाङ्से, निःत्ताङ् त्ये़म्मे़ॽ हे़क्क्याङ् सिङ्सिङ् ये़क्ये़क्काङ् खे़प्साम्मे़ॽओ॥ मे़न्छाम् याप्मिसे, नुरिक् निङ्वाॽ पिरे़म्मे़ॽओ! इक्सादिङ् खाम्बेक् नु खे़प्मो के़वाॽबा काक्ले़ मे़घे़प्सुररो, योॽबालाजेॽ नु खे़ॽयो नावागे़न् चइःत् के़बोङ्बा के़रे़क्ले़ निङ्वाॽ मे़बिरुररो!
यहवे दाङ्बे़ल्ले़ अक्खे पाःत्तुरो, “याम्बोःप्मा याःम्बक् के़जोःक्पासे! खिनिॽ के़रे़क् आङ्गाॽओ नुःक्खे़म्मे़ॽआङ् त्ये़म्मे़ॽओ, आङ्गाॽ खिनिॽ वेःन्ने़निङ्ॽ हे़क्क्याङ् खिनिॽ नसाःन्साबा चोःक्निङ्लो॥” खे़ङ्हाॽरे़ मे़बाःत्तुॽ, “ओरो, यहवे दाङ्बाए, आनिगे खे़ने़ॽओ नुःक्खिगे़ त्ये़ॽइगे़रो हे़नाङ्भे़ल्ले़ खे़ने़ॽ आनिगे निङ्वाॽफुमाङ्ने़रो॥
Piblisite