मे़न्छाम् याप्मिए, आत्तिन् पाःन्निन् नुबा चोक्, खुने़ॽ खे़न् खे़ने़ॽ ओसेःन्गे़धाक्ते़आङ् वाॽरो॥ हे़क्क्याङ् यहवे दाङ्बे़ल्ले़ खे़ने़ॽलाम् थे़मा खोमा निङ्वाॽ चोगु? खे़ने़ॽ कुदोःप्मा याःम्बक् चोगे़ॽ, कम्भ्रक् निङ्वाॽ चोगुॽ हे़क्क्याङ् वेॽहाॽ लुङ्माॽ तुक्ते़से़ॽओ खे़ब्याङ् निङ्वाॽफुमाङ्ङिन्नु नःम्नःम्माङ् वये़ॽओ॥
यसैया 1:17 - लिम्बु17 नुबा याःम्बक् चोःक्मा हुॽआसिम्मे़ॽओ! खे़निॽ ले़प्माङ् खासे़न् कोःत्ताम्मे़ॽओ, तुक्खे मे़जाःत्तुसि ताप्फे़ःल्लिक् मे़मे़त्तुसिबाहाॽ आःन्छिङ्मा पिराम्सिम्मे़ॽओ, ये़त्छाबा ये़त्छामाहाॽ से़ःप्ताम्सिम्मे़ॽओ, ये़म्बा के़सिमा मेमेदुमाहाॽरे़ खुन्छिॽ लागि पाराम्मे़ॽओ॥ Gade chapit la |
यसैया 1:17
24 Referans Kwoze
यहवे दाङ्बे़ल्ले़ अक्खे पाःत्तुॽ—आङ्गाॽ यहवे दाङ्बे़ल्ले़ खिनिॽ कुदोःप्मा खासे़न् लोःम्मा नु के़लाॽबा याःम्बक् चोःक्मा इङ्जाङ् पिनिङ्ल पत्ता॥ मे़नाप्तुसिबाहाॽ के़घुम्बाहाॽरे़ खुन्छिॽ हुक्कोलाम्बा से़ःप्ते़म्सिम्मे़ॽ॥ वेॽ लाजेॽबा मे़न्छाम् सुवाङ्, ये़त्छाबासाहाॽ हे़क्क्याङ् मेमेदुमाहाॽ ताप्फे़ःल्लिक् नु मे़न्वाॽमना मे़मे़त्ते़म्सिम्मिन्ने़ॽ॥ कन् सेसेबादे़न्नो फोत्या मे़ःन्नेबाहाॽ मे़से़रे़म्सिम्मिन्ने़ॽ॥
खे़ने़ॽ के़युक्साबाहाॽ पिफ्युङ्बा नु खुःन्द्रिक्पाहाॽरे़ खुन्छिॽ चुम्देङ् मे़बोःक्खे़आङ् मे़वाॽरो॥ खे़ङ्हाॽ के़रे़क्ले़ स्वाःत् सुरुत्याङ् चामा खुन्छिॽ सिराॽथाङ्लो, हे़क्क्याङ् खे़ङ्हाॽ चे़सुङ् मिक्तोक् खोमा खिःम्यक् मे़जोक्लो॥ खे़ङ्हाॽरे़ ये़त्छाबा ये़त्छामाहाॽ खासे़न् मे़ल्लोःन्दुन् मे़म्बिरुसिन्लो॥ हे़क्क्याङ् कुये़म्बा के़सिमा मेमेदुमाहाॽरे़ खुन्छिॽ ये़क्पेलिन् खे़ङ्हाॽरे़ मे़ङ्घे़प्सुन् मे़म्बिरुसिन्लो॥
यहवे दाङ्बे़ल्ले़ कुइङ्जाङ् के़इःप्पा के़नाःप्पा कन् लाजेॽओबा चुङ्जिगे़न् नःम्नःम्बासे, खिनिॽ खुने़ॽ कोःत्ते़म् हक्से़म्मे़ॽओ॥ साम्योनिमान् खिनिॽ कोःत्ते़म्मे़ॽओ, चुङ्जिगे़न् नःम्नःम्बा पाःन्हाॽ हक्से़म्मे़ॽओ, यहवे दाङ्बे़ल्ले़ कुसाक्के़न् पोःक्मा ये़न्नो हाग खिनिॽ से़ःप्सिङ्मादे़न् के़घोसुम्बिरो॥
कल्ले़चोगुल्ले़ पयम् हाङ्ङे, आङ्गाॽ पिने़बा सुजा पाःन्नो आदाङ्बा ते़न्दे़ॽ, कुदोःप्मा याःम्बक् चोगे़ॽआङ् लायो चोःक्मा ले़रे़ॽ हे़क्क्याङ् तुक्खे मे़जाःत्तुसिबाहाॽ लुङ्माॽ तुक्ते़से़ॽआङ् के़भे़न् याःम्बक्हाॽ ले़रे़ॽ॥ हे़क्के के़जोगुल्ले़ आदाङ्बारे़ के़नुॽमा के़दामा चक्मे़ल्लॽए पोङ्ल पेःक्लो॥”
खिनिॽ ये़क्यक्को के़युङ्बा थे़माआङ् लक् इग्र खोमा लक् मे़ङ्गप्मनाबा ले़बिःल्ले़ कुमुॽइदाङ्साहाॽ, हे़क्क्याङ् वेॽ लाजेॽबा, ये़त्छा होॽदोःक् नु मेमेदुमाहाॽ पिरे़म्सिम्मे़ॽ, खे़ब्याङ् यहवे दाङ्बा खिनिॽ निङ्वाॽफुमाङ्ङिल्ले़ खिनिॽ के़रे़क् याःम्बक्को खिनिॽ हाङ्वागे़न् मुॽइसाम् के़बिरिररो॥
दाउदरे़ कुमुॽइदाङ्सा यहुदाबा हाङ् हिम्सयङ्से, यहवे दाङ्बे़ल्ले़ अक्खे पाःत्तुरो, “‘थिक्याःन्धक् कुदोःप्मा खासे़न्निन् तक्ते़म् कत्ते़म्मे़ॽओ॥ मना के़घुम्बाल्ले़ कुहुक्कोलाम्बा मे़नाप्तुसिबाहाॽ ताङ्से़ःप्ते़म्सिम्मे़ॽओ॥ मेःन्ने़भग्र खिनिॽ फे़न्याःम्बक्किल्ले़ आसिक् पोःक्काङ् मि पोङ्ङारो खे़ब्याङ् खे़न् हाःत्ले़आङ् से़प्मा मे़सुक्तुम्बा मि हे़क्के हुरुरुना तिःत्लो॥
ये़त्ले़ङ् ये़त्ले़ङ् आङ्गाॽ खिनिॽओ पाङ्घुङ्सिङ्बा आसे़वारोबा माङ्निङ्वाॽपान् के़बाःप्पाहाॽरे़ अक्खे के़म्मे़त्ति, ‘खिनिॽ फे़न्याःम्बक् चोःक्मालाम् नुःक्खे़म्मे़ॽ, हे़क्क्याङ् कुदोःप्मा याःम्बक् चोःक्मा हेःक्ते़म्मे़ॽ॥ वेॽ साम्माङ्हाॽ माङ्घमासि ले़रे़म्मे़ॽ हे़क्क्याङ् आङ्गाॽ खिनिॽ नु खे़निॽ पाधे़बाहाॽ पिरुङ्सिङ्बा लाजेॽओ खिनिॽ हाङ्हाङ्ङाङ् वाॽमा के़घोसुम्॥’ कर आङ्गाॽ मे़त्निङ्बान् नु आङ्गाॽ आबाःन्निन् के़ङ्घे़प्सुम्मिन्॥
याङ्गे़साॽबाहाॽरे़ खुन्छिॽ युक्किन् नाप्मासि नु निङ्घुम्मो के़धाबा आमनाहाॽरे़ खुन्छिॽ खासे़न् मे़न्जोःक्मारे़ लागि, हे़क्क्याङ् मेमेदुमाहाॽरे़ मे़गत्तुबा पाःन्हाॽ नाप्मासिरे़ लागि खे़ब्याङ् ये़त्छाबा ये़त्छामाहाॽरे़ मे़गत्तुबा पाःन्हाॽ नाप्मासिरे़ लागि खे़ङ्हाॽरे़ अक्खे मे़जोगुरो॥
“‘मुक्साम्दाङ्बा यहवे दाङ्बे़ल्ले़ अक्खे पाःत्तुॽ—इस्राइलबा हाङ्से, खिनिॽ साॽरिक्के कुॽइगे़भे़रिआङ् के़वयिॽ! खिनिॽ कुॽइभे़म्मान् नु मे़न्वाॽमनाबा याःम्बक्हाॽ ले़रे़म्मे़ॽ हे़क्क्याङ् आत्तिन् के़वाॽबा नु कुदोःप्मा चोक् खे़न् चोगे़म्मे़ॽ॥ आङ्गाॽ आमनाहाॽ खुन्छिॽ लाजेॽ सिङ्बुङ्लाम् नाःप्मादेमासि ले़रे़म्मे़ॽ, मुक्साम्दाङ्बा यहवे दाङ्बे़ल्ले़ पाःत्तुॽ॥
Piblisite