यसैया 1:15 - लिम्बु15 खे़निॽ पेलिगे़न् तुवा के़जोगिबा ये़म्मो खे़निॽ हुक्हाॽ के़भोःक्सुम्साङ् आमिक्हाॽ ते़प्तुङ्लो॥ खे़निॽ साॽरिक् तुवा के़जोगिसाङ् मे़घे़म्मान्लो॥ थेआङ्भे़ल्ले़ खे़निॽ फोत्या मेःन्नेबा मनाहाॽ के़से़रुम्सिम्माङ् खे़निॽ हुक्हाॽ माक्खिल्ले़ ने़ःक्तुआङ् पत्लो॥ Gade chapit la |
यसैया 1:15
36 Referans Kwoze
खे़ङ्हाॽ चाने़ःत्तो मे़युङ्साङ् आङ्गाॽ खे़ङ्हाॽरे़ खुन्छिॽ मे़जोगुबा तुवान् मे़घे़म्मान्, खे़ङ्हाॽरे़ आङ्गाॽओ मिधिङ्मनादेमनाबा सिदुङ्जभा नु पोगुगे़न् कुजा सिदुङ्जभा मे़दोन्दुसाङ् आङ्गाॽ खे़ङ्हाॽनु आनिङ्वाॽ मे़दाने़न्॥ परुमाल्ले़ आङ्गाॽ खे़ङ्हाॽ ते़न्धङ्, साक्वान् नु मिङ्देल्ले़ से़रुङ्सिङ्ॽ॥”
“खिनिॽ कुनिङ्वाॽ के़जिःप्पा साम्योथिम्साम्बाहाॽ नु फरिसिसे, के़जिःत्ति के़स्ये़ॽइरो! साङ्ग्राम्पेदाङ्बा हाङ्जुम्मिल्ले़ कुलाम्मिन् वेॽ मनाहाॽरे़ लागि के़साक्तुम्माङ् के़वयिॽरो, हे़क्क्याङ् आबाङेआङ् खे़प्मो खिनिॽ के़न्लासिन् हे़क्क्याङ् लाःप्मा के़गोःप्पा वेॽ मनाहाॽआङ् लाःप्मा के़म्बाङ्घुम्सिम्मिन्लो॥
युःन्छिक् सिदुङ्जभा तोःम्मा ये़म् पोःक्खे़ल्ले़ आङ्गाॽ आबाङे मे़रिङ् थक्ताङ्ङाङ् युङाङ्बा ते़न्नोलाम् पोगाङ्॥ आङ्गाॽ आल्ल थारिक्के खे़न् के़दे़ःङ्बा चाङ्ङिन्ने चाक्खुङ्ङाङ् पत्छे़॥ पेलिगे़न् तुवा चोःक्मारे़ लागि थुङ्बोहजॽ युङ्सिङाङ् हे़क्क्याङ् आहुक्किन् यहवे दाङ्बा, आनिङ्वाॽफुमाङ् ले़प्माङ् सन्छुङ्॥
मोसाःल्ले़ हाङ्ङिन् मे़त्तु, “ये़क्यक्कोलाम् लाःक्कात् लःन्दिगे़ पेगिगे़नुमे़ःन्ने आङ्गाॽ आहुक्हाॽ फोःक्खुङ्ङाङ् यहवे दाङ्बे़न् पेलि फाक्तुङ्ॽ॥ खे़रे़ङ्घुरुङ् लॽमा नाॽ हे़क्क्याङ् फःन् थामा नाॽ॥ खे़ब्याङ् कन् इक्सादिङ् खाम्बेःक्मान् यहवे दाङ्बे़ल्ले़न्रे़त्छ फाॽआङ् खे़ने़ॽ निङ्वाॽ के़घोसुॽ॥
सागप्मा तुङ्ङिल्ले़ तरुमा सावामान् याःप्पा हे़क्तङ्बा इक्लाधिक् खे़प्सुङ्लो के़रे़क्नुःल्ले़ तगि अङे़ःक्वा सागे़गप्मा मे़न्छुमान् फिःक्पा हे़क्के खे़प्सुङ्लो॥ हे़ङ्गे़ःक्काङ् हे़ङ्गे़क् लॽर सक्मा सोःन्छिङ्लो हे़क्क्याङ् कुहुक्किन् सन्छुरो खे़ब्याङ् नुमासुक्मा यरुसले़ःम्मिल्ले़ अक्खे पाःत्तुर फिःक्लो “चिःत्ते़स्ये़रो, आङ्गाॽ आसक्मा पुॽरे़आङ् वाॽरो! खे़ङ्हाॽ आङ्गाॽ आसे़त्छे़ मे़दार मे़बत्लो!”
खे़ल्ले़चोगुल्ले़ आङ्गाॽ यहवे दाङ्बे़ल्ले़ पाःत्तुङ्ॽ, आङ्गाॽ खे़ङ्हाॽ अक्खेलॽरिक् साम्दिङ् पिरुङ्सिङ्ङाङ् आङ्गाॽ खे़ङ्हाॽरे़ खुन्छिॽ सम्धाङ् मे़क्मासिमे़न् तारुङ्ॽ हे़क्क्याङ् खे़ङ्हाॽ खे़त्छिङ्मा मे़न्छुक्ने़न्॥ खम्भ्याङ् खे़ङ्हाॽरे़ कुभाॽरे़ लागि आङ्गाॽ पेलि मे़भाक्काने़भग्र आङ्गाॽ मे़घे़प्सुङ्ङिन्॥
खे़ब्याङ् इस्राइलिहाॽ खुन्छिॽ निङ्वाॽफुमाङ्ङिन्नु नसाःन्साबा मे़म्बोःक्खे़म्बाल्ले़ कुले़क्वा खुम्दिङ्ले़ लागि खे़ङ्हाॽ लाजेॽलाम् मे़लःत्तुसिआङ् माःङ्घा मे़बाङ्घु मे़देसुसिआङ् मे़वये़बा फाॽआङ् मे़न्छाम् सुवाङ्हाॽरे़ निङ्वाॽ मे़घोसुॽ॥ खे़ल्ले़चोगुल्ले़ खे़ङ्हाॽलाम्बा आङ्गाॽ आनारान् चिक्खुङ् हे़क्क्याङ् खे़ङ्हाॽ खुन्छिॽ निङ्मिहाॽओ हुक्सुप्तुङ्सिङ्, खे़ब्याङ् खे़ङ्हाॽ के़रे़क् ताभेःल्ले़ मे़सोःन्दुसि॥
Piblisite