खिनिॽ मे़न्छुमा साहाॽ के़त्निमा चोःक्मा ले़प्माङ् मे़लाःत्छाङ् आङ्गाॽ खिनिॽ मे़न्छुमा साहाॽ खुम्दिङ् मे़बिआसिङ्ङिन्लो, हे़क्क्याङ् खिनिॽ पाङ्लिमाहाॽरे़ याम्बोःप्मा याःम्बक् मे़जोगुल्ले़ आङ्गाॽ खे़ङ्हाॽ खुम्दिङ् मे़बिआसिङ्ङिन्लो॥ थेआङ्भे़ल्ले़ ये़म्बित्छाहाॽ आप्फेक्काङ् याम्बोःप्मा याःम्बक् चोःक्मा ले़प्माङ् मे़लासे़आङ् मे़वाॽरो, हे़क्क्याङ् माङ्धाःन्नोबा के़त्निमा से़वारोमाहाॽनु सिदुङ्जभा मे़दोन्दुरो, खासिङ्निःप्मा ने़हिनिङ्वाॽ मे़ङ्गप्मनाबा मनाहाॽ मे़मे़क्लो॥
होसे 9:10 - लिम्बु10 यहवे दाङ्बे़ल्ले़ अक्खे पाःत्तुरो, “आङ्गाॽ इस्राइले़न् खोमाग मुरे़क् खारे़क्पा ये़ःङ्घादे़न्नो चे़ल्ले़क्सेॽहाॽ खोमानु कुदङ्बा वये़रो, आङ्गाॽ खिनिॽ पाधे़बाहाॽ निमासि पःत्छेॽ पुङ्ङोबा तगि के़दुम्बा कुजाॽ हे़क्तङ्बा चोगे़रो॥ कर आल्ल खे़ङ्हाॽ बाल-पोरओ मे़बेःल्ले़ खे़ङ्हाॽ खे़न् सिरिङ् आममबा पाःन्नो मे़दोःन्छिङ्लो, हे़क्क्याङ् खे़ङ्हाॽरे़ खुन्छिॽ सिराॽ के़धाङ्बा नावाइत्लान् हे़क्के खे़ङ्हाॽ याम्गे़सिङ्बा मे़बोःक्खे़रो॥ Gade chapit la |
होसे 9:10
32 Referans Kwoze
यहुदाओ आक्ख्यारिक् ये़क्यक्हाॽ ने़ःॽ, खे़प्मोबा यक्युङ्बाहाॽरे़ खे़म्म्याक्के यरिक् साम्माङ्हाॽ मे़गत्तुसिॽ॥ यरुसले़ःम्मो आक्खे़म्म्याक् लाम्हाॽ ने़ःॽ, खे़प्मोबा मनाहाॽरे़ खे़म्म्याक्के यरिक् खे़न् आनुःन्नुःम्बा याम्गे़सिङ्बा बाल साम्माङ्ङो सिदुङ्जभा तोःम्मारे़ लागि सुक्पा हाःम्मा ले़त्ति तोःम्मादे़न्हाॽ मे़जोगुआङ् ने़ःॽ॥
आङ्गाॽग के़साक्पा तुक्खे तुमुङ्ङाङ् वाॽरो! चे़ल्ले़क्सेॽ इक्ताप्पो कुजाॽ मे़दुबुआङ् एगाङ् आङ्गाॽ सिला के़गोःप्पा हे़क्तङ्बा चोःक्कारो, कुजाॽहाॽ मे़सुप्सु मे़सुरुआङ् एगाङ् चे़ल्ले़क्सेॽइल्ले़ कबजाए मे़बत्ने़न्लो, हे़क्क्याङ् आङ्गाॽ आसिराॽ के़धाङ्बा तगि के़दुम्बा पःत्छेल्ले़ कुलिङ्सम् मे़बत्ने़न्लो॥
खे़प्मो खे़ल्ले़ कुजे़ल्ले़क्सेॽ इक्ताप्हाॽ नुःक्तुङ् पिरुङ्लो, हे़क्क्याङ् आकोरबा ने़ने़बादे़न्निन् आङ्गाॽ निङ्साङ् चोःक्मा लाम्धेःप् चोगुङ् पिरुङ्लो॥ खे़प्मो खुने़ॽ वे़न्दे़आङ् वये़बा कुये़न्हाॽओ हे़क्के हे़क्क्याङ् खुने़ॽ मिस्र लाजेॽलाम् थाङे़बा ये़न्नो हे़क्के साम्लोरो॥”
“कर खे़ङ्हाॽरे़ आङ्गाॽ आदक्ले़ङ्वाओ पिफ्युङ् मे़जोगु हे़क्क्याङ् आङ्गाॽ आबाःन्निन् मे़ङ्घे़प्सुन्॥ खुन्छिॽ निङ्वाॽओ के़युङ्बा चिःन्जिःन्गे़घुबा चइःत्हाॽलाम् खे़ङ्हाॽ लाःत्लाःत् मे़म्बोःक्खे़न्, इग्र मिस्रबा नावाइत्लाहाॽ लाप्मे़म्भुसुसिन्॥ खे़ब्याङ् खे़ङ्हाॽ मिस्र मे़वये़ल्ले़ए आङ्गाॽ आसाक्के़न्निन् चिःङ्मारे़ लागि आङ्गाॽ साॽरिक् आयाःक्ले़ॽमे़न् खिनिॽओ थासुङ्ॽ फाॽआङ् खे़ङ्हाॽ यङ्मा से़रुङ्सिङ्ङाङ् वये़॥
के़भङ्बा सिदाॽ याक्मनाबा खरे़ःङ्ङिन् नुगे़न् सिदुङ्जभा तोःन्दे़म्मे़ॽओ, हे़क्क्याङ् आप्फेक् खिनिॽ निङ्वाःल्ले़ के़दोःन्दुम्बा सिदुङ्जभाहाॽरे़ लागि अःक्ते़म्मे़ॽओ यम्बा हे़न्नासिम्मे़ॽर लाङ्घेगे़म्मे़ॽओ, थेआङ्भे़ल्ले़ खिनिॽग इस्राइलिनिङ्लो, हे़क्केए चोःक्मा खिनिॽ सिराॽथाङ्लो,” मुक्साम्दाङ्बा यहवे दाङ्बे़ल्ले़ उवा चोगुरो॥
मुरे़क् खारे़क्पा थेआङ् के़होप्पा ये़ःङ्घादे़न्नो, सुरित् केजङ् के़हुःक्पा थेआङ् के़होप्पादे़न्नो इक्लाःल्ले़ लोःक्खुबादे़न्नो खुने़ॽ खे़ङ्हाॽ खोसुसिरो॥ खुने़ॽ खे़ङ्हाॽ ताङ्से़ःप्तुसिरो हे़क्क्याङ् खुने़ॽ खे़ङ्हाॽ ओमे़त्तुसिरो, खुने़ॽ खे़ङ्हाॽ कुमिक्हाङ्मा हे़क्के कम्ब्राङ् मे़त्तुसिरो॥
आल्ल आनिॽ सिरिङ्ममो थ्ये़ॽइरो हे़क्क्याङ् आनिॽ चाःत्थि पेःक्मा पाःन्निल्ले़ आदे़प्लरो॥ आनिॽ नु आनिॽ पाधे़बाहाॽरे़ आभे़ल्ले़साङ् यहवे दाङ्बा आनिॽ निङ्वाॽफुमाङ्ङिल्ले़ कुदक्ले़ङ्वाओ आनिॽ आजुक्ते़आङ्धो लायो आजोगुम्माङ् आवाॽरो, आप्फाल्ले़आङ् आनिॽ खुने़ॽ कुइङ्जाङ्ङिन् आन्इःत्तुम्मिन् आन्नाःत्तुमिन्लो॥”
Piblisite