होसे 8:7 - लिम्बु7 “खे़ङ्हाॽरे़ साम्मित् केजङ्ङिन् मे़हेॽरुरो, हे़क्क्याङ् के़इक्सिङ्बा सुरित् केजङ्ङिन् मे़सुप्सुसिरो॥ इक्ताप्पोबा चालाङ्ङो कुदाप्मा मे़धोःक्ने़न्लो, खे़ल्ले़ थेआङ् कुजाॽआङ् मे़धोःक्ने़न्लो थोःक्साङ् वेॽ लाजेॽबाहाॽरे़ खे़न् मे़लरु मे़देसुरो॥ Gade chapit la |
होसे 8:7
22 Referans Kwoze
आङ्गाॽ आमनाहाॽरे़ सि मे़हेॽरुरो, कर खे़ङ्हाॽरे़ कुदिङ् के़बप्पा याःन्हाॽ मे़सुप्सुरो॥ खे़ङ्हाॽरे़ स्याङ्मे़न्दाङ् याःम्बक् मे़जोगुरो कर खुन्छिॽ हुक्को थेआङ् मे़ध्ये़ने़न्लो॥ आङ्गाॽ साॽरिक् किप्मा के़घुबा आसिक्किल्ले़ हे़क्के पोःक्खे़बारो खे़ङ्हाॽरे़ खुन्छिॽ पोगुगे़न् कुजा मे़धोःक्ते़म्बाल्ले़ खे़ङ्हाॽ सिरिङ्ममो मे़ध्ये़रो॥”
हे़क्क्याङ् के़लेःत्तुम्बा ये़न्नो खे़निॽ खे़न् फुङ्हाॽ पोर के़याःन्दुम्लो, खे़म्ब्याङ् तानाम् थारिक्ले़ खे़न् चे़ल्ले़क्सेल्ले़ कुबुङ्हाॽ कुभुङ्फे़क्मेत् के़लःम्बा के़जोगुम्लो, हे़क्केसाङ् कुजाॽ मे़धोःक्ने़न्लो हे़क्क्याङ् यॽधे़त्तु चेॽरुआङ् तुक्खे तुम्मा ये़न्लक् पोङ्लो॥
खरे़ःङ् मेःम्बा पाःन्नो थेआङ् याङ् चागे़सोःक्खुम्बाबे? हे़क्क्याङ् सिक्मे़न्एःप्मनाबा पाःन्नो थेआङ् स्याङ्मे़न्दाङ् याःम्बक् के़जोगिबाबे? नुरिक्काङ् खे़प्साम्मे़ॽ, सिङ्सिङ् ये़क्ये़क्काङ् आबाःन्निन् खे़प्साम्मे़ॽओ, खे़ब्याङ् आत्तिन् कुजान् नुबा चोक् आम्भा खे़न् चाम्मे़ॽओ, हे़क्केलॽरिक् कुजागे़नुॽबा कुजाहाॽ के़जाम्माङ् खिनिॽ सक्मासाम्मिन् कुनिङ्वाॽ तारो॥
खिनिॽ लेःप्माग यरिक् के़लेःत्तुम्माङ् ने़रो, कर चबे़ःत्छिक्लक् के़सुप्सुम्माङ् युङ्ॽ॥ खिनिॽ चामाग के़जाम्, कर आभे़ल्ले़आङ् के़ङ्घासिन्ॽ॥ खिनिॽ थुङ्माग के़धुङुम्ॽ, कर आभे़ल्ले़आङ् खिनिॽ वामिःक्मा मे़जिप्तुन्ॽ॥ खिनिॽ चाङ्ग के़जाक्खुम्ॽ, कर के़ङ्गोसिन्ॽ॥ खिनिॽ याःम्बक् के़जोगुम्माङ् निम्याक् के़धगुम्ॽ, कर के़हङ्बा सुक्वाहाॽओ के़याक्तुम्ॽ॥”
Piblisite