होसे 8:11 - लिम्‍बु

¹¹ “एफ्राइमरे़ लायोलाम् ले़प्‍मि खोमा सिदुङ्‌जभाहाॽरे़ लागि यरिक् ले़त्ति तोःम्‍मादे़न्‍हाॽ चोगुसिआङ् मे़ने़साङ् खे़ङ्‌हाॽग खुने़ॽ कुलागि लायो चोःक्‍मा ले़त्ति तोःम्‍मादे़न् पोःक्‍खे़आङ् ने़रो॥

होसे 8:11 Referans Kwoze

होसे 12:11

“थे गिलादे़न् कुॽइगे़भे़म्‍बा चोःक्‍पि? खे़ल्‍ले़ कुमनाहाॽ कुसुम् मे़न्‍दम्‍मनाबा मे़जोक्‍लो! थे खे़ङ्‌हाॽरे़ गिलगालओ से़गम्‍बा पित्‍हाॽ सिदुङ्‌जभा मे़जोगुसिबि? खे़ङ्‌हाॽरे़ खुन्‍छिॽ ले़त्ति तोःम्‍मादे़न्‍हाॽ के़क्‍चु थोङ्‌मनाबा इक्‍ताप्‍पो के़लुम्‍सिङ्‌बाआङ् के़ने़बा लुङ्‌हाॽ हे़क्‍तङ्‌बा पोङ्‌लो॥

होसे 10:8

इस्राइलरे़ कुलायो, इग्र कुॽइगे़भे़म्‍बे़ल्‍ले़ कुजन्‍जम्‍बादे़न्‍हाॽ मे़क्‍लो, खुन्‍छिॽ ले़त्ति तोःम्‍मादे़न्‍हाॽओ तिङ्‌ग्रेक् नु तिङ्‌हाॽरे़ सुःप्‍तुरो॥ खे़ब्‍याङ् खे़ङ्‌हाॽरे़ कोःक्‍माहाॽ मे़मे़त्तुसिरो, “आनिगे आदे़प्‍ते़ॽओ,” हे़क्‍क्‍याङ् थे़गुहाॽ मे़मे़त्तुसि, “आनिगे सम्‍धाङ् मक्‍थ्‍ये़म्‍मो॥”

यर्मिया 16:13

हे़क्‍केःल्‍ले़ आङ्‌गाॽ खिनिॽ कन् लाजेॽलाम्‍बा लःत्‍निङ्‌ङाङ् वेॽ अक्‍तङ्‌बा लाजेॽओ युङ्‌निङ्, खे़ल्‍ले़ कुयाःम्‍बेओ खिनिॽ नु खिनिॽ पाधे़बाहाॽरे़ थेआङ् कुसिङ् मे़न्‍निःत्ते के़वयिॽ॥ हे़क्‍क्‍याङ् खे़प्‍मो खिनिॽ से़न्‍दिक् ले़न्‍दिक् कुसिङ् मे़न्‍निःत्तेबा साम्‍माङ्‌हाॽ से़वा के़मे़त्तुम्‍सिम् थेआङ्‌भे़ल्‍ले़ आङ्‌गाॽ खिनिॽ आलुङ्‌माॽ स्‍याःत् के़न्‍लॽरिन्‍लो॥’”

साम्‌योथिम् इङ् 4:28

खे़प्‍मो मनाहाॽरे़ खुन्‍छिॽ हुक्‍किल्‍ले़ मे़जोगुसिबा, निमा मे़न्‍छुक्‍मनाबा, खे़म्‍मा मे़न्‍छुक्‍मनाबा, चामा मे़न्‍छुक्‍मनाबा, नाम्‍मा मे़न्‍छुक्‍मनाबा सिङ् नु लुङ् माङ्‌हाॽ खिनिॽ से़वा के़मे़त्तुम्‍सिम्‌ॽ॥

यर्मिया 17:1

यहवे दाङ्‌बे़ल्‍ले़ पाःत्तुॽ, “यहुदाबा मनासे, खिनिॽ लायोन् फे़न्‍जेॽ नाक्‍चाःल्‍ले़ साप्‍सिङ्‌ङाङ् वाॽरो॥ खे़न् खिनिॽ सिक्‍लुङ्‌मो लुङ्‌से़रुङ्‌बाल्‍ले़ कुसम्‍मिल्‍ले़ लक्‍मनाआङ् पत्‍लो हे़क्‍क्‍याङ् ले़त्ति तोःम्‍मादे़न्‍नोबा हासोःक्‍सोःक्‍पाहाॽओ कुभुङ् मे़लक्‍तुआङ् पत्‍लो॥

होसे 5:4

“खे़ङ्‌हाॽरे़ खुन्‍छिॽ याःम्‍बक्‍हाॽरे़ चोगुल्‍ले़ खुन्‍छिॽ निङ्‌वाॽफुमाङ् ले़प्‍माङ् नुःङ्‌मा मे़भाःक्‍तुसिन्‍लो॥ याम्‍बोःप्‍मा निङ्‌वान् खे़ङ्‌हाॽरे़ खुन्‍छिॽ सिक्‍लुम्‍मो वाॽरो, हे़क्‍क्‍याङ् खे़ङ्‌हाॽरे़ यहवे दाङ्‌बे़न् कुसिङ् निःप्‍मा निङ्‌वाॽ मे़न्‍जोगुन्‍लो॥