होसे 8:1 - लिम्बु1 दाङ्बे़ल्ले़ अक्खे पाःत्तुरो, “थुत्तुरिःप्पे़न् खिनिॽ मुराओ फत्छे़म्मे़ॽआङ् मुःत्ते़म्मे़ॽओ! कक्कफिःक्मा थिक् यहवे दाङ्बे़ल्ले़ कुहिम् सम्धाङ् सुःक् युरो! थेआङ्भे़ल्ले़ मनाहाॽरे़ आङ्गाॽ आमाङ्हुप्पिन् मे़भेःन्दुआङ् वाॽरो, खे़ब्याङ् आसाम्यो थिम्मिल्ले़ कुदक्ले़ङ्वाओ पिफ्युङ्बा मे़बोःक्खे़आङ् मे़वाॽरो॥ Gade chapit la |
खुन्छिॽ अन्हाॽ थे़रिङ्बाहाॽनुःल्ले़ हारा मे़लोःक्लो हे़क्क्याङ् युःन्छिक् के़लःम्बा पराबाहाॽनुःल्ले़ के़आःप्पा मे़जोक्लो॥ खे़ङ्हाॽरे़ खुन्छिॽ अन्गे़युक्पाहाॽ माःङ्घाबा लाजेॽलाम् मे़दारो, खे़ङ्हाॽरे़ खुन्छिॽ अन्हाॽरे़ खाम्बाङ्ङिन् मे़बागुरो मयाःल्ले़ सानाःत्तिन् लप्मारे़ लागि पेबा कुइसिक् खे़ङ्हाॽ सुबुबुना तगि मे़सुःक् मे़बेःक्लो॥
आङ्गाॽ यहवे दाङ्बे़न् ले़त्ति तोःम्मादे़न्निल्ले़ कुबेसाङ् ये़बे़बा निसुङ्, हे़क्क्याङ् खुने़ॽ आङ्गाॽ अक्खे मे़त्ताङ्लो— “खे़ने़ॽ लाम्धेःप्पुङ्हाॽ मुन्ल थारिक् सित्लाङ्हाॽरे़ कुसम्हाॽओ हिप्ते़ॽओ, सित्लाङ् सम्हाॽरे़ मना थे़गेःक्हाॽ ते़त्तुररो हे़क्क्याङ् के़दाङ्बाहाॽ आङ्गाॽ ताभेःल्ले़ से़रुङ्सिङ्लो॥ लत्छाआङ् खे़त्छिङ्मा मे़ङ्घोने़न्लो लत्थिक्काङ् खे़त्छिङ्मा मे़घोने़न्लो॥
दाङ्बे़ल्ले़ पाःत्तुरो, “गिलगालओ खे़ङ्हाॽरे़ मे़जोगुबा खुन्छिॽ के़रे़क् फे़न्याःम्बक्किल्ले़ चोगुल्ले़ आङ्गाॽ खे़ङ्हाॽ चिःत्तुङ्सिङ्लो॥ खे़ङ्हाॽरे़ खुन्छिॽ लायोबा याःम्बक्किल्ले़ चोगुल्ले़ आङ्गाॽ खे़ङ्हाॽ आहिम्मोलाम् नाःत्तुङ्देसुङ्सिङ्लो॥ खे़ङ्हाॽ याम्मो आभे़ल्ले़आङ् लुङ्माॽ मे़दुक्तुङ्सिङ्ङिन्लो, खे़ङ्हाॽरे़ खुन्छिॽ के़रे़क् लाम्लोबाहाॽ पिफ्युङ्बासिरो॥
आङ्गाॽ आमनाहाॽ सिक्कुम्दिङ् निङ्वाॽ सुःम्मारे़ चोगुल्ले़ मे़मे़गे़आङ् वाॽरो, सिक्कुम्दिङ् निङ्वान् खिनिॽ के़नाॽरुम्बाल्ले़ चोगुल्ले़ आङ्गाॽआङ् खिनिॽ निङ्वाॽफुसाम्बा पोङ्मा मे़बाङ्निङ्ङिन्लो॥ खिनिॽ आप्फेक् निङ्वाॽफुमाङ्ङिल्ले़ कुइङ्जाङ्ङिन् खिनिॽ निनि खे़म्घे़म् के़न्लाप्तुम्मिन्बाल्ले़ चोगुल्ले़, आङ्गाॽआङ् खिनिॽ साहाॽ निनि मे़लाप्पासिङ्ङिन्लो॥
“मे़न्छाम् सुवाङ्हाॽओ मिक्सेन् निसान फोःक्खे़म्मे़ॽओ॥ थङ् इक्लान् मुक्खे़म्मे़ॽओ! बेबिलोनरे़ कुदक्ले़ङ्वाओ खे़ङ्हाॽ के़रे़क् मुरा मे़त्ते़म्सिम्मे़ॽओ! खे़ल्ले़ कुदक्ले़ङ्वाओ थक्मारे़ लागि खे़ङ्हाॽ यारिप् चोगे़म्सिम्मे़ॽओ! आरारातबा, मिन्निबा नु असकनजबा थक्सुबाहाॽ खिनिॽ फे़त्ते़म्सिम्मे़ॽओ॥ लत्छा थक्मोबा थिक् युक्तिङ् चोगे़म्मे़ॽओ, निःङ्खुःक्वाःल्ले़ कुबन्ज्याङ्माहाॽ हे़क्के आत्तातान्ने यरिक् अन्हाॽ तारे़म्सिम्मे़ॽओ!
खे़ङ्हाॽरे़ खुन्छिॽ पाधे़बाहाॽनु आङ्गाॽ चोगुङ्बा माङ्हुप् हे़क्तङ्बा खे़न् मे़बोङ्ने़न्लो मिस्रलाम् लःत्तुङ् फे़त्तुङ्सिङ्ङिल्ले़ खे़ङ्हाॽ खुन्छिॽ हुक्को ते़म्सुङ् फे़त्तुङ्सिङ्लो॥ आङ्गाॽ खे़ङ्हाॽरे़ खुन्छिॽ हिम्दाङ्बा कुइसिक् वयाङ्लो हे़क्केसाङ् खे़ङ्हाॽरे़ खे़न् माङ्हुप्पिन् मे़भेःन्दुरो,” यहवे दाङ्बे़ल्ले़ पाःत्तुरो॥
“बेन्यामिन मनासे, ताङ्से़ःप्सिङ्मारे़ लागि खे़त्छिङाम्मे़ॽओ यरुसले़ःम्लाम्बा खिनिॽ लःन्दे़म्मे़ॽआङ् खे़त्तासिम्मे़ॽओ! तकोओ मे़ल्लुक् सादाङ्ङिन् मुःत्ते़म्मे़ॽओ! हे़क्क्याङ् बेथ-हक्केरेम्मो मिन् हाःन्दे़म्मे़ॽओ खे़ब्याङ् मिःक्खुलाम् मिक्सेन् पिमा तङ्गाम् चोगे़म्मे़ॽओ! मे़क्मासिमान् खा तार पत्लो, थाङ्गे़त् पिसाङ्लाम् खाप्पुथ्यःङ् आजोःक्चोःक्पान् युर पत्लो॥”
इक्सादिङ् खाम्बेःक्मो के़युङ्बा मनाहाॽरे़ खुन्छिॽ लायोल्ले़ चोगुल्ले़ कन् इक्सादिङ् खाम्बेःक्मान् चिःन्जिःन् के़घुबा पोःक्खे़आङ् ने़रो॥ थेआङ्भे़ल्ले़ खे़ङ्हाॽरे़ निङ्वाॽफुमाङ्ङिल्ले़ कुइङ्जाङ्ङिन् मे़भेःन्दुआङ् वाॽरो, कुभाङ्हाॽ मे़भेःन्दुआङ् वाॽरो हे़क्क्याङ् सदादिङ्बा माङ्हुप्पिन् इःप्मा नाःप्मा मे़ले़रुआङ् वाॽरो॥
कर थक्मोबे़ल्ले़ खे़ङ्हाॽ नुगप् पिरुसि, “थे आङ्गाॽ आन्दाङ्बाल्ले़ खे़निॽ नु खे़निॽ दाङ्बाल्लोरक् कन् पाःन्निन् पाःप्मारे़ लागि पाङ्घाङ्बाबि? थे खुने़ॽ लुङ्धाक्को के़ये़प्पा मनाहाॽओआङ् पाङ्घाङ्बा मेःम्बि? खिनिॽ कुसिक्के खे़ङ्हाॽरे़आङ् खुन्छिॽ आप्फेक् हि सेॽमाःत्हाॽ चामा के़बोङ्बा वाॽ॥”
यहुदा नु यरुसले़ःम्बा सुहाङ्युक्पाहाॽ हे़क्क्याङ् हाङ्हिम्मोबा सुहाङ्युक्पाहाॽ नु निङ्वाॽफुसाम्बाहाॽ खे़ब्याङ् लाम्लोबाहाॽरे़ लत्छा से़गम्बा कुम्बाबा थक्साधिक् ने़त्छि कुघे़ल्ले़क् मे़जोगु हे़क्क्याङ् खे़ल्ले़ कुलुम्मोलाम् लाङ्मे़घेगे़आङ् आङ्गाॽनु लत्छा माङ्हुप् मे़जोगु, कर खे़ङ्हाॽरे़ खे़न् माङ्हुप्पिन् मे़भेःन्दु हे़क्क्याङ् खे़न् तङ्मनाबा पाःन्हाॽ मे़न्इःत्तुन् मे़न्नाःत्तुन्॥ खे़ल्ले़चोगुल्ले़ खे़ङ्हाॽरे़ से़गम्बा कुम्बाबा थक्सान् थे़मा मे़जोगुआङ् मे़वये़, आङ्गाॽ खे़ङ्हाॽ हे़क्तङ्बाए चोगुङ्सिङ्ॽ॥