दाङ्बे़ल्ले़ अक्खे पाःत्तुरो, “थुत्तुरिःप्पे़न् खिनिॽ मुराओ फत्छे़म्मे़ॽआङ् मुःत्ते़म्मे़ॽओ! कक्कफिःक्मा थिक् यहवे दाङ्बे़ल्ले़ कुहिम् सम्धाङ् सुःक् युरो! थेआङ्भे़ल्ले़ मनाहाॽरे़ आङ्गाॽ आमाङ्हुप्पिन् मे़भेःन्दुआङ् वाॽरो, खे़ब्याङ् आसाम्यो थिम्मिल्ले़ कुदक्ले़ङ्वाओ पिफ्युङ्बा मे़बोःक्खे़आङ् मे़वाॽरो॥
होसे 6:7 - लिम्बु7 कर खे़ङ्हाॽरे़ग आदम्मिन् कुइसिक् माङ्हुप्पिन् मे़भेःन्दुआङ् वाॽरो, खे़प्मो खे़ङ्हाॽ आङ्गाॽ ले़प्माङ् नसाःन्साबा मे़म्बोःक्खे़न्लो॥ Gade chapit la |
होसे 6:7
18 Referans Kwoze
खे़ङ्हाॽरे़ खुने़ॽ कुइङ्भःन्हाॽ नु खुने़ॽ खे़ङ्हाॽरे़ खुन्छिॽ पाधे़बाहाॽनु चोगुबा माङ्हुप्पिन् हे़क्क्याङ् खुने़ॽ खे़ङ्हाॽ पिरुसिबा साम्दिङ्ङिन् खे़म्मा मे़न्दे़न्दे़न्, खे़ङ्हाॽ हने़ थेनाधेबा नावाइत्लाहाॽ मे़दिम्दुसि, खे़ब्याङ् खे़ङ्हाॽ आप्फेक्काङ् कुसुम् मे़न्दम्मनाबा मे़बोःक्खे़॥ “खे़ङ्हाॽरे़ मे़जोगुबा कुइसिक् खिनिॽ मे़जोगे़म्मिन्ने़ॽ” फाॽआङ् यहवे दाङ्बे़ल्ले़ मे़त्तुसिआङ् वये़साङ् खे़ङ्हाॽरे़ खुन्छिॽ कब्रिङ् ले़प्माङ् के़युङ्बा मे़न्छाम् याप्मिहाॽरे़ मे़जोगुबा पाःन्हाॽ मे़हुॽसिङ्॥ हे़क्क्याङ् यहवे दाङ्बे़ल्ले़ खे़ङ्हाॽ चोःक्मा मे़भाःक्तुसिम्बा पाःन्हाॽ खे़ङ्हाॽरे़ मे़जोगु॥
मे़न्छुमाःल्ले़ खे़न् सिङ्बुङ्ङिल्ले़ कुजाॽइन् चामाल्ले़ नुबा के़बोङ्बा नु ओमे़प्मे़ल्ले़ नुबा निगे़धाःप्पा हे़क्क्याङ् सिक्कुम् निङ्वाॽ खोमारे़ लागि खे़न् सिङ्बुङ्ङिल्ले़ कुजाॽइन् चामा के़बोङ्बा निसु, हे़क्क्याङ् खे़न् सिङ्बुङ्ङिल्ले़ कुजाॽइन् तुबुआङ् च, खे़ब्याङ् खुने़ॽनु सोरिक् के़वाॽबा कुये़ःम्बाःन्नाङ् पिरु, हे़क्क्याङ् खे़ल्ले़ च॥
कन् कुसङ् माङ्हुप्पिङ्ग मिस्रलाम् आहुक्किल्ले़ ते़म्सुङ्सिङ्ङाङ् लाम्लोसुङ् लःत्तुङ्सिङ्बाहाॽरे़ खुनिॽ थाःक्थे़बाहाॽनु चोगुङ्बा माङ्हुप्पिन् कुइसिक् मे़बोङ्ने़ल्लो॥ थेआङ्भे़ल्ले़ खे़ङ्हाॽग इङ्गाॽ चोगुङ्बा माङ्हुप्पो नसाःन्साबा मे़म्बोःक्खे़न् हे़क्क्याङ् कम्ब्राङ् मे़प्मा ले़रुङ्सिङ्लो लॽरिक् यहवे दाङ्बाल्ले़ पाःत्तुॽरो॥
खे़ङ्हाॽरे़ खुन्छिॽ पाधे़बाहाॽनु आङ्गाॽ चोगुङ्बा माङ्हुप् हे़क्तङ्बा खे़न् मे़बोङ्ने़न्लो मिस्रलाम् लःत्तुङ् फे़त्तुङ्सिङ्ङिल्ले़ खे़ङ्हाॽ खुन्छिॽ हुक्को ते़म्सुङ् फे़त्तुङ्सिङ्लो॥ आङ्गाॽ खे़ङ्हाॽरे़ खुन्छिॽ हिम्दाङ्बा कुइसिक् वयाङ्लो हे़क्केसाङ् खे़ङ्हाॽरे़ खे़न् माङ्हुप्पिन् मे़भेःन्दुरो,” यहवे दाङ्बे़ल्ले़ पाःत्तुरो॥
इक्सादिङ् खाम्बेःक्माल्ले़ नासमा कुसुक्पोलाम् “साम्योबाल्ले़ कुमिमिदिङ् पोङ्लो” के़लॽबा साम्लोन् साम्मे़मे़त्तुबा आनिगे खे़प्सुम्बे़रो॥ कर आङ्गाॽ मे़त्तुङ्सिङ्लो, “आङ्गाॽ हेआ चप्पार पत्तारो, आङ्गाॽ हेआ चप्पार पत्तारो आङ्गाॽ कुसुम् मे़दन्नान् चिःत्ताङ्लक् स्ये़रो! इङ्गे़ले़क्सिङ्बा मनाहाॽ इङ्मे़ले़क्सिङ्लो! इङ्मे़ले़क्सिङाङ्ङे इङ्ले़क् याःम्बक् के़जोःक्पा मनाहाॽ नसान् मे़ले़ङ्सिङ् मे़बिसिङ्लो!”
इक्सादिङ् खाम्बेःक्मो के़युङ्बा मनाहाॽरे़ खुन्छिॽ लायोल्ले़ चोगुल्ले़ कन् इक्सादिङ् खाम्बेःक्मान् चिःन्जिःन् के़घुबा पोःक्खे़आङ् ने़रो॥ थेआङ्भे़ल्ले़ खे़ङ्हाॽरे़ निङ्वाॽफुमाङ्ङिल्ले़ कुइङ्जाङ्ङिन् मे़भेःन्दुआङ् वाॽरो, कुभाङ्हाॽ मे़भेःन्दुआङ् वाॽरो हे़क्क्याङ् सदादिङ्बा माङ्हुप्पिन् इःप्मा नाःप्मा मे़ले़रुआङ् वाॽरो॥
यहुदा नु यरुसले़ःम्बा सुहाङ्युक्पाहाॽ हे़क्क्याङ् हाङ्हिम्मोबा सुहाङ्युक्पाहाॽ नु निङ्वाॽफुसाम्बाहाॽ खे़ब्याङ् लाम्लोबाहाॽरे़ लत्छा से़गम्बा कुम्बाबा थक्साधिक् ने़त्छि कुघे़ल्ले़क् मे़जोगु हे़क्क्याङ् खे़ल्ले़ कुलुम्मोलाम् लाङ्मे़घेगे़आङ् आङ्गाॽनु लत्छा माङ्हुप् मे़जोगु, कर खे़ङ्हाॽरे़ खे़न् माङ्हुप्पिन् मे़भेःन्दु हे़क्क्याङ् खे़न् तङ्मनाबा पाःन्हाॽ मे़न्इःत्तुन् मे़न्नाःत्तुन्॥ खे़ल्ले़चोगुल्ले़ खे़ङ्हाॽरे़ से़गम्बा कुम्बाबा थक्सान् थे़मा मे़जोगुआङ् मे़वये़, आङ्गाॽ खे़ङ्हाॽ हे़क्तङ्बाए चोगुङ्सिङ्ॽ॥
कन्हाॽरे़ खुन्छिॽ पाधे़बाहाॽ आङ्गाॽ माङ्हे़क् चोगुङ्सिङ्ङाङ् पिमासि माङ्हुप् चोगुङ्बा पित्नु नु सक्वाघु के़गुङ्बा लाजेॽओ आङ्गाॽ खे़ङ्हाॽ के़त्तुङ्सिङ्ङाङ् एगाङ्, खे़ङ्हाॽरे़ मे़ज मे़धुङुॽ हे़क्क्याङ् वेॽ माङ्हाॽ ले़प्माङ् मे़लाःत्ताङ् कन्हाॽ से़वा मे़मे़त्तुसिॽ, हे़क्क्याङ् आङ्गाॽ मे़नाॽआयाङ् आङ्गाॽ चोगुङ्बा माङ्हुप्पिन् मे़भेःन्दुॽ॥
Piblisite