होसे 6:3 - लिम्बु3 यहवे दाङ्बे़न् आनिॽ कुसिङ् निःत्तुम्लो, यहवे दाङ्बे़न् कुसिङ् निःप्मारे़ लागि चक्मे़ल्लॽए तम्सिङ् चोगुम्लो॥ तानाम् नाम् लिङ्बा हे़क्के खुने़ॽ से़क्खा तारो, खुने़ॽग आनिॽओ हाङ्वामा ये़म्मोबा वहित् हे़क्के, खाम्बेक् वागे़रङ्बा कुनुप्मोबा वहित् कुइसिक् तारो॥” Gade chapit la |
होसे 6:3
36 Referans Kwoze
हे़क्क्याङ् माङ्निङ्वाॽपान् के़बाःप्पाहाॽरे़ मे़बाःत्तुबा पाःन्निन् से़क्खा पोःक्खे़आङ् वाॽ के़लॽबा निःन्धो आगत्तुम्लो॥ खामे़न्ओःत्ते नु खिनिॽ निङ्वाॽओ तान्छोःक्पे़न् मे़न्लिङ्ङे थारिक् खामाक्माओ के़ओःप्पा सेमिन् हे़क्के खे़न् पाःन्जाक्किन् निङ्वाॽओ के़युक्खुम्मिल्ले़ नुबा पोङ्लो॥
कर आङ्गाॽनु के़गिबा हे़क्क्याङ् आमिङ्ङे़न् मिङ्सो इङ्धाङ् के़बिबा सम्धाङ्ग नाम्मिन् फिरिरिना लिङ्बा कुइसिक् साम्योनिमाल्ले़ तुक्मा लाःक्मालाम् वेःप्मा नु नुॽमादामे़न् तारुआङ् ताःॽ॥ हे़क्क्याङ् पित्थाःङ्ङो के़ये़प्पा पित्साःत्ते़न् ले़प्मे़ल्ले़ चाराम्मादे़न्नो पित्चाक् पित्चाक् पिन्ल लाःक्कात् पेःक्पा कुइसिक् खे़निॽआङ् लाःक्कात् के़लःन्दिरो॥
यरिक् मे़न्छाम् सुवाङ्हाॽ मे़दाआङ् अक्खे मे़बाःत्तुरो, “त्ये़म्मे़ॽओ, यहवे दाङ्बे़ल्ले़ कुगोःक्मान् लिङुम्लो, हे़क्क्याङ् याकुबरे़ कुनिङ्वाॽफुमाङ्ङिल्ले़ कुहिम्मो पेगिरो॥ खुने़ॽ कुलाम्मो लाङ्घेःक्मा आनिॽ आहुॽरो, हे़क्केलॽरिक् आनिॽ खुने़ॽ कुलाम्मो लाङ्घेःक्मा आसुक्लरो॥” थेआङ्भे़ल्ले़ साम्योथिम् इङ्जाङ्ङिन् सियोनलाम् तारो, हे़क्क्याङ् यहवे दाङ्बे़ल्ले़ कुबाःन्जाक्किन् यरुसले़मलाम् लःन्लो॥
खिनिॽ लागि साम्योबा याःम्बक्किन् याॽरिःम्बा हेॽरे़म्मे़ॽओ, हे़क्क्याङ् चक्मे़न्लॽमनाबा मिःम्जिल्ले़ सिङ्सेन् सुप्से़म्मे़ॽओ, हे़क्क्याङ् खिनिॽ याक्चाना इक्ताप्हाॽ थोक्से़म्मे़ॽओ॥ थेआङ्भे़ल्ले़ यहवे दाङ्बे़न् युआङ् खिनिॽओ साम्योनिमे़न् मे़धासुन्ल थारिक् खुने़ॽ कोःप्मा ये़म्मिन् आल्लोएरो॥
वहित् था के़बाङ्घुआङ् खाम्बेःक्मान् वागे़रक्खुरो, हे़क्क्याङ् यरिक् पोगुगे़न् कुजा के़धोःक्पा के़जोगुरो॥ के़यङ्घङ् नु के़वहःङ्हाॽ काक् च्वाःत्तिल्ले़ के़धिम्सुरो हे़क्क्याङ् इक्सादिङ् खाम्बेःक्मो कुजा थोःक्लो॥ थेआङ्भे़ल्ले़ खे़ने़ॽ अक्खेए पोङ्लरो फाॽआङ् खे़ने़ॽ के़बाःत्तुआङ् वाॽरो॥
यरिक् मे़न्छाम् सुवाङ्हाॽ खे़ॽयो मे़दाआङ् मे़बाःत्तुरो, “त्ये़म्मे़ॽओ, आनिॽ के़रे़क् यहवे दाङ्बे़ल्ले़ कुगोःक्माओ थाःङ् लिङुम्माङ् याकुबरे़ कुनिङ्वाॽफुमाङ्ङिल्ले़ कुहिम्मो पेगिरो॥ खुने़ॽ आबाङे कुलाम्मिन् आनिॽ ओसेःन् आधाक्लो, हे़क्केलॽरिक् कुलाम्मो आनिॽ लाङ्घेःक्मा आसुक्लो॥” थेआङ्भे़ल्ले़ साम्योथिम्मिन् सियोनलाम् नु यहवे दाङ्बे़ल्ले़ कुबाःन्जाःक्किङ्ग यरुसले़मलाम् तारो॥
Piblisite