होसे 5:6 - लिम्बु6 खे़ङ्हाॽरे़ खुन्छिॽ मे़ल्लुक् मे़ःन्दाहाॽ नु पिप्मा पित् लुप्हाॽ मे़देॽरुसिआङ् सिदुङ्जभा तोःम्मासिरे़ लागि यहवे दाङ्बे़ल्ले़ कुगोःत्छे़ मे़बेःक्किल्ले़ खे़ङ्हाॽरे़ खुने़ॽ मे़न्दुमुन्लो, खुने़ॽ खे़ङ्हाॽलाम् लाःत्लाःत् खे़त्छिङ्घे़रे़आङ् वाॽरो॥ Gade chapit la |
होसे 5:6
23 Referans Kwoze
खुने़ॽ मे़त्ताङ्, “नासिगे़न् थक्ला के़गप्पा मनाए, खे़ङ्हाॽरे़ थे़मा मे़जोगुर मे़बत् खे़ने़ॽ के़निसुबि? आङ्गाॽ आसेसेदे़न्लाम् लःप्मादेमारे़ लागि इस्राइलबा मनाहाॽरे़ मे़जोगुबा याम्गे़सिङ्बा लायोहाॽ खे़ने़ॽ के़निसुबि? कर फे़रे़ॽ, हे़क्क्याङ् खे़ने़ॽ कन्हाॽनुःल्ले़आङ् साॽरिक् याम्गे़सिङ्बा पाःन्हाॽ के़निसुॽ!”
खे़ल्ले़चोगुल्ले़ आङ्गाॽ यहवे दाङ्बे़ल्ले़ पाःत्तुङ्ॽ, आङ्गाॽ खे़ङ्हाॽ अक्खेलॽरिक् साम्दिङ् पिरुङ्सिङ्ङाङ् आङ्गाॽ खे़ङ्हाॽरे़ खुन्छिॽ सम्धाङ् मे़क्मासिमे़न् तारुङ्ॽ हे़क्क्याङ् खे़ङ्हाॽ खे़त्छिङ्मा मे़न्छुक्ने़न्॥ खम्भ्याङ् खे़ङ्हाॽरे़ कुभाॽरे़ लागि आङ्गाॽ पेलि मे़भाक्काने़भग्र आङ्गाॽ मे़घे़प्सुङ्ङिन्॥
कर खे़ङ्हाॽरे़ आबाङे खुन्छिॽ लाम्मिन् मे़सेगुआङ् मे़वाॽरो खे़ब्याङ् खे़ङ्हाॽरे़ खुन्छिॽ याम्साम्मिन् आबाङे खुन्छिॽ सिक्के़ले़ःङ्बा याःम्बक्हाॽओ सःत्लो॥ कुम्बाबा पित् वयागे़न् सिदुङ्जभा के़जोःक्पे़ङ्ग मना के़से़प्पा हे़क्तङ्बारो॥ थुःम्बा वयागे़न् सिदुङ्जभा के़जोःक्पे़ङ्ग कोःत्चोःल्ले़ कुनिःङ्मा के़ए़ङ्बा कुइसिःक्लो॥ हाःत्ले़ कुजा सिदुङ्जभा तोःन्दुॽ, खे़ङ्ग फाक्किल्ले़ कुमाक्खिॽ के़दोम्बा कुइसिःक्लो॥ आत्तिल्ले़ साङ्सिङ् सुक्पा हाःन्दु, खे़ङ्ग नावाइत्ला से़वा के़मे़प्पा हे़क्तङ्बारो॥
खे़ङ्हाॽ चाने़ःत्तो मे़युङ्साङ् आङ्गाॽ खे़ङ्हाॽरे़ खुन्छिॽ मे़जोगुबा तुवान् मे़घे़म्मान्, खे़ङ्हाॽरे़ आङ्गाॽओ मिधिङ्मनादेमनाबा सिदुङ्जभा नु पोगुगे़न् कुजा सिदुङ्जभा मे़दोन्दुसाङ् आङ्गाॽ खे़ङ्हाॽनु आनिङ्वाॽ मे़दाने़न्॥ परुमाल्ले़ आङ्गाॽ खे़ङ्हाॽ ते़न्धङ्, साक्वान् नु मिङ्देल्ले़ से़रुङ्सिङ्ॽ॥”
आङ्गाॽ मे़बिराङ्बा सिदुङ्जभाहाॽ खे़ङ्हाॽरे़ मे़दोन्दुरो हे़क्क्याङ् सिदुङ्जभा सान् खे़ङ्हाॽरे़ मे़जरो, कर यहवे दाङ्बे़न् खे़ङ्हाॽनु कुनिङ्वाॽ मे़दाने़न्लो॥ आल्ल खुने़ॽ खे़ङ्हाॽरे़ खुन्छिॽ फे़न्याःम्बक्किन् निङ्वाॽ इःत्तुरो हे़क्क्याङ् खुन्छिॽ लायोल्ले़ कुले़क्वा खुम्दिङ् पिरुसिरो, खम्भ्याङ् खे़ङ्हाॽ मिस्र लाजेॽ मे़नुःङ्ङाङ् मे़बेःक्लो॥
“मनाहाॽरे़ आङ्गाॽओ ले़त्ति मे़दोन्दुबादे़न्नो खे़निॽ थेनाधे मि मे़न्हाःम्मारे़ लागि खे़निॽओ कुभारे़ माङ्हिम्मोबा लाम्धेःत्हाॽ के़सुबुम्मिल्ले़ नुॽमे़न्॥ थेआङ्भे़ल्ले़ आङ्गाॽ खे़निॽनु आनिङ्वाॽ तुगे़आङ् वाॽ, खे़निॽ हुक्किल्ले़ के़दोःन्दुम्बा हुक्सोयाङ्ङिन् आङ्गाॽ मे़दाःक्कान्,” मुक्साम्दाङ्बा यहवे दाङ्बे़ल्ले़ पाःत्तुॽ॥
Piblisite