होसे 5:1 - लिम्बु1 “निङ्वाॽफुसाम्बासे, कन् पाःन्निन् खे़प्से़म्मे़ॽओ! इस्राइलि हिम्सयङ्से, सिङ्सिङ् ये़क्ये़क्काङ् खे़प्से़म्मे़ॽओ! हाङ् हिम्सयङ्से, निङ्वाॽ पिरे़म्मे़ॽआङ् खे़प्से़म्मे़ॽओ! कन् निःन्धो के़बोङ्बा खासे़न्निन् खिनिॽ तङ्ले़ङ्वाओ वाॽरो— मिस्पाओ खिनिॽ चे़न् नु तबोरओ के़मनाबा इदाक् के़बोःक्खिआङ् वाॽरो॥ Gade chapit la |
होसे 5:1
29 Referans Kwoze
खुने़ॽ नप्तालिबा केदेसलाम् अबिनोअमरे़ कुस्सा बाराके़न् उःप्मा पाङ्घुसिआङ् खुने़ॽ खे़न् मे़त्तु, “यहवे दाङ्बा इस्राइलबा निङ्वाॽफुमाङ्ङिल्ले़ कुइङ्जाङ् अक्तङ्बा वाॽ—‘खे़ने़ॽ पेगे़ॽआङ् नप्तालि नु जबुलुनबा थिबोङ् हे़न्छिङ् मनाहाॽ फुक्खे़से़ॽ हे़क्क्याङ् खे़ङ्हाॽ खे़ने़ॽनु सोरिक् तबोर कोःक्माओ तेॽरे़से़ॽ॥
इस्राइलिसे, यहवे दाङ्बे़ल्ले़ कुबाःन्जाक्किन् खे़प्से़म्मे़ॽओ, थेआङ्भे़ल्ले़ कन् लाजेॽओ के़युङ्बाहाॽरे़ खुन्छिॽ सम्धाङ् यहवे दाङ्बे़ल्ले़ कुआप्तिक् अक्तङ्बा वाॽरो— “कन् लाजेॽओ कुदोःप्मा नसान् होप्लो, चक्मे़ल्लॽमनाबा लुङ्माॽ तुक्सिङ्मा होप्लो हे़क्क्याङ् निङ्वाॽफुमाङ्ङिल्ले़ कुसिक्कुम् निङ्वान् होप्लो॥
मुक्साम्दाङ्बा यहवे दाङ्बे़ल्ले़ निङ्वाॽफुसाम्बाहाॽ अक्खे मे़त्तुसिॽ, “लत्छा ये़म्बित्छासाःल्ले़ कुम्बा इङ्धाङ् पिरुॽ, हे़क्क्याङ् से़वारोबे़ल्ले़ कुन्दाङ्बे़न् इङ्धाङ् पिरुॽ॥ आङ्गाॽ खे़निॽ पानुदिङ् पाआ, खे़निॽ आङ्गाॽ थेआङ् याप्मि इङ्धाङ् के़म्बिरिम्बाबे? आङ्गाॽ खे़निॽ दाङ्बाआ, खे़निॽ आङ्गाॽ थेआङ् याप्मि कुनागे़न्छाॽरिम्बाबे? “खे़निॽ आङ्गाॽ आमिङ्ङिन् कुनामे़न्छाॽ के़मे़त्तुम् हे़क्क्याङ् आल्लसाङ् आङ्गाॽ याप्मि से़ःन्गे़दोसिॽ, ‘आक्खेलॽरिक् आनिगे खे़ने़ॽ के़मिङ्ङिन् नामे़न्छाॽ मे़त्तुम्बे़आङ् वयिगे़बे?’
हे़क्केलॽरिक् खे़ङ्हाॽ मिस्पाओ मे़जुप्से़, खे़ङ्हाॽरे़ च्वाःत्तिन् मे़बागुआङ् यहवे दाङ्बाल्ले़ कुदगि मे़हुक्खु॥ खे़न् ये़न्नो खे़ङ्हाॽ ले़न्दिक् नाम्धाधा तःक्ने़त्तो मे़युङे़ हे़क्क्याङ् खे़प्मो “आनिगे यहवे दाङ्बाल्ले़ कुदक्ले़ङ्वाओ लायो चोगुम्बे़” लॽरिक् खे़ङ्हाॽ पाःप्मा मे़दे़न्दे़॥ हे़क्क्याङ् सामुए़ले़न् मिस्पाओ इस्राइलबा लाम्लोबा पोःक्खे़॥
आत्तिन् ये़म्मो आङ्गाॽ खे़ङ्हाॽरे़ खुन्छिॽ पाधे़बाहाॽ मिस्रलाम् थे़ॽरुङ्सिङ्ङाङ् थाक्तुङ्सिङ्, खे़न् ये़म्मो खे़ङ्हाॽ आङ्गाॽ आइङ्जाङ्ङिन् इःत्ते़म् नाःत्ते़म्मे़ॽ फाॽआङ् ये़त्ले़ङ् साम्दिङ् पिरुङ्सिङ्ङाङ् पत्छाङ् हे़क्केलॽरिक्के आइन् थारिक् कन् मनाहाॽ साम्दिङ् पिरुङ्सिङ्ल वाॽआ॥
Piblisite