होसे 4:12 - लिम्बु12 खे़ङ्हाॽरे़ खुन्छिॽ सिङ् नावाइत्लान् सुजा मे़नाःक्तुरो, हे़क्क्याङ् लत्छा सिङ् तक्काःत्तिल्ले़ खे़ङ्हाॽ नुगप् पिरुसिरो॥ याम्बोःप्मा निङ्वाःल्ले़ चोगुल्ले़ यहवे दाङ्बे़न् मे़नाॽरुआङ् वाॽरो, हे़क्क्याङ् याम्बोःप्मा याःम्बक् मे़जोगुरो॥ Gade chapit la |
होसे 4:12
25 Referans Kwoze
सिङ्ङिन् ‘आम्बौ’ नु लुङ्ङिन् ‘आम्मौ’ के़मे़त्तुम्लो आबाङे खिनिॽ नारान् आङ्गाॽ ले़प्माङ् के़न्हिसुम्मिन्लो, कर खिनिॽ एःक्थाःक्मान् के़हिसुम्माङ् के़वयिरो खे़ल्ले़चोगुल्ले़ खिनिॽ ये़त्तुक्खेओ के़ध्ये़ॽइरो, खे़ब्याङ् अक्खेलॽरिक् याप्मि पेलि के़भाक्तिरो, ‘ये़ॽआङ् आनिगे याप्मि ताङ्आसे़ःप्ते़ॽओ॥’
हे़क्क्याङ् यहवे दाङ्बे़ल्ले़ मोसान् मे़त्तु, “खे़ने़ॽ के़म्बा के़धाःक्थे़बाहाॽ कुइसिक् खे़ने़ॽ सिमा के़जोक्॥ खे़ने़ॽ के़सिआङ् एगाङ् खे़ङ्हाॽ मे़लाःप्पा लाजेॽओ मे़गे़त्ताङ् कन् मनाहाॽरे़ हाराए वेॽ लाजेॽबा माङ्हाॽ ले़प्माङ् मे़लात् हे़क्क्याङ् याम्साम्मो याम्बोःप्मा याःम्बक् मे़जोगुॽ॥ आङ्गाॽ मे़ले़त्ताआङ् खे़ङ्हाॽनु चोगुङ्बा माङ्हुप्पिन् खे़ङ्हाॽरे़ मे़भेःन्दुॽ॥
इस्राइलए, वेॽ मे़न्छाम् सुवाङ्हाॽ हे़क्के मे़सःत्ते़म्मिन्ने़ॽओ, थेआङ्भे़ल्ले़ खिनिॽ आप्फेक् निङ्वाॽफुमाङ्ङिन् के़ले़रुम्माङ् खिनिॽ याम्बोःप्मा याःम्बक् के़जोगुम्लो! के़रे़क् पोगुगे़न् कुजा थाम्मादे़न्नो याम्बोःप्मा याःम्बक्किल्ले़ नालिगे़न् कुजे़न् ताःक्मा खिनिॽ सिराॽथाङ्लो॥
बेबिलोनबा हाङ्ङिन् आल्ल यरुसले़ःम्मिन् फप्माबि इ रब्बाःन् फप्माबि लॽरिक् निःन्धो मे़म्बोङ्ङे लाम् के़से़बादे़न्नो ये़प्॥ खुने़ॽ थुम्या इमारे़ लागि कुघागे़इक्पाहाॽ उःत्तुसिॽ॥ तोङ् याङ्मोलाम् तोःङ्हाॽ यगङ् यगङ् मे़मुन्दुआङ् खे़ङ्हाॽरे़ तॽयाःन्सोन् मे़गे़सुॽ॥ खे़ङ्हाॽरे़ थक्सा तोःम्मनाबा सिदुङ्जभाहाॽरे़ कुने़रे़त्हाॽ ओमे़मे़त्तु मे़साॽरु॥
कर इस्राइलबा हाङ्हाॽ नु आहाबरे़ कुहिम्सयङ्हाॽरे़ मे़जोगुबा कुसिङ् खुन्छिॽ ये़प्ले़क्को लाङ्गे़घेगे़आङ् यहुदा नु यरुसले़म के़युङ्बाहाॽ नावाइत्ला से़वा मे़प्मा के़बाङ्घुसिआङ् के़त्निमा याःम्बक् के़जोःक्मानु कुदङ्बा के़जोगुसि॥ खम्भ्याङ् खे़ने़ॽ के़म्बारे़ कुहिम्सङ्ङोबा पासिङ्पादाङ् खे़ने़ॽ आप्फेक् के़न्साॽसि के़स्ये़रुसि॥ खे़ङ्हाॽ खे़ने़ॽनुःल्ले़ के़नुॽबा मे़वये़॥
खे़ङ्हाॽरे़ आल्ल मे़ःन्दा नारा नावाइत्लाहाॽ से़वा मे़म्मे़त्तुसिन्ल हे़क्क्याङ् खुन्छिॽ मे़दोन्दुबा सिदुङ्जभाःल्ले़ आङ्गाॽनु नसान् के़ले़ङ्बा चोगुसिआङ् याम्बोःप्मा याःम्बक् के़जोःक्पा हे़क्तङ्बा मे़जोगुसिन्ल॥ खे़ङ्हाॽ नु खे़ङ्हाॽरे़ खुन्छिॽ थाःक्थाःक्ले़ लागि कन् सदादिङ्बा थिम् पोङ्ल॥’
अस्सुरे़ल्ले़ आनिगे ताङ्से़ःप्मा मे़सुक्तिगे़न्लो, थङ्ङोबा अन्हाॽ आनिगे मे़युक्तुम्सिम्बे़न्लो॥ आनिगे आप्फेक् हुक्किल्ले़ चोगुम्सिम्बे़बा पाःन्हाॽ याम्मो आभे़ल्ले़आङ् ‘आनिगे माङ्से’ मे़मे़त्तुसिम्बे़न्लो, थेआङ्भे़ल्ले़ ये़त्छा होॽदोक्हाॽरे़ खे़ने़ॽलाम् लुङ्माॽ तुक्मा मे़घोसुरो॥”
Piblisite