होसे 4:10 - लिम्बु10 खे़ङ्हाॽरे़ चामाग मे़ज कर खे़ङ्हाॽ मे़ङ्घाने़न्लो, खे़ङ्हाॽरे़ याम्बोःप्मा याःम्बक् मे़जोगुॽ, कर मे़म्बोःन्ने़न्लो, थेआङ्भे़ल्ले़ खे़ङ्हाॽरे़ यहवे दाङ्बे़न् मे़ले़रु मे़देसुआङ् वाॽरो, हे़क्क्याङ् याम्बोःप्मा याःम्बक्को निङ्वाॽ मे़बिरुआङ् वाॽरो॥ Gade chapit la |
होसे 4:10
18 Referans Kwoze
खिनिॽ लेःप्माग यरिक् के़लेःत्तुम्माङ् ने़रो, कर चबे़ःत्छिक्लक् के़सुप्सुम्माङ् युङ्ॽ॥ खिनिॽ चामाग के़जाम्, कर आभे़ल्ले़आङ् के़ङ्घासिन्ॽ॥ खिनिॽ थुङ्माग के़धुङुम्ॽ, कर आभे़ल्ले़आङ् खिनिॽ वामिःक्मा मे़जिप्तुन्ॽ॥ खिनिॽ चाङ्ग के़जाक्खुम्ॽ, कर के़ङ्गोसिन्ॽ॥ खिनिॽ याःम्बक् के़जोगुम्माङ् निम्याक् के़धगुम्ॽ, कर के़हङ्बा सुक्वाहाॽओ के़याक्तुम्ॽ॥”
खिनिॽ मे़न्छुमा साहाॽ के़त्निमा चोःक्मा ले़प्माङ् मे़लाःत्छाङ् आङ्गाॽ खिनिॽ मे़न्छुमा साहाॽ खुम्दिङ् मे़बिआसिङ्ङिन्लो, हे़क्क्याङ् खिनिॽ पाङ्लिमाहाॽरे़ याम्बोःप्मा याःम्बक् मे़जोगुल्ले़ आङ्गाॽ खे़ङ्हाॽ खुम्दिङ् मे़बिआसिङ्ङिन्लो॥ थेआङ्भे़ल्ले़ ये़म्बित्छाहाॽ आप्फेक्काङ् याम्बोःप्मा याःम्बक् चोःक्मा ले़प्माङ् मे़लासे़आङ् मे़वाॽरो, हे़क्क्याङ् माङ्धाःन्नोबा के़त्निमा से़वारोमाहाॽनु सिदुङ्जभा मे़दोन्दुरो, खासिङ्निःप्मा ने़हिनिङ्वाॽ मे़ङ्गप्मनाबा मनाहाॽ मे़मे़क्लो॥
करसाङ्, साम्योबा मनाहाॽ खुन्छिॽ साम्योबा ये़प्ले़क्कोलाम् मे़नुःङ्ङाङ् वेॽ लायोबाहाॽ हे़क्के याम्गे़सिङ्बा लायोहाॽ चोःक्मा मे़हेःक्तुने़भग्र, थे खे़ङ्हाॽ हिङ् फाःक्मासिबि? मेःन्, से़क्खाए मेःन्! खे़ङ्हाॽरे़ खुन्छिॽ के़रे़क् साम्योबा याःम्बक्हाॽ निङ्वाॽमुःन्, खुन्छिॽ नसान् होःप्मा नु लायोहाॽरे़ चोगुल्ले़ खे़ङ्हाॽ मे़सिरो॥
कुभा ये़न् तगिरक् खिनिॽ निङ्वाॽलोरे़आङ् के़हिन्दि हे़क्क्याङ् आङ्गाॽ आनिङ्वाॽ के़दाबा याःम्बक् के़जोगुम्॥ खिनिॽ के़रे़क् आबाङे इस्राइलबा योग्बा योःग्माहाॽ चोःक्युम्भो पिमासि के़दे़म्बा के़बोःक्खि खे़ब्याङ् आदगि आङ्गाॽ आमिङ्ङिन् मिङ्सो इङ्धाङ् मे़बिरुबा माङ्हिम्मो खिनिॽ लत्छा माङ्हुप् के़जोगुम्॥
कन् कुसिङ् निःप्मा के़सुक्पा चाःप्पा सिक्कुम्साबा मना हात् वाॽबे? निङ्वाॽफुमाङ्ङिल्ले़ हात् हुॽरुआङ् वाॽआङ् कन् पाःन्निल्ले़ कुयाःम्बेओ इङ्भन् चोःक्मा नु वेॽहाॽ हुॽमा सुक्तुसिबे? थेआङ् कन् लाजेन् खाप्पुथ्यःङ् पोःक्खे़आङ् आत्तिन्नाङ् लाम्दिक् चोःक्मा मे़न्छुक्मनाबा मुरे़ःक् खारे़क्पा ये़ःङ्घादे़न् हे़क्तङ्बा पोःक्खे़बाबे?
Piblisite