यहवे दाङ्बे़ल्ले़ अक्खे पाःत्तुरो, “आङ्गाॽ आमनाहाॽ अदङ् मे़जोक्लो खे़ङ्हाॽरे़ आङ्गाॽ कुसिङ् मे़न्निःत्तान्लो॥ खे़ङ्हाॽ ने़हिनिङ्वाॽ मेःन्नेबा अङे़ःक्वाहाॽ हे़क्के मे़लॽरो, खे़ङ्हाॽरे़ खुन्छिॽ खासिङ्निःप्मा साम्मिन्ने होप्लो॥ खे़ङ्हाॽ ताक्के़भे़ॽबा याःम्बक् चोःक्मा के़ले़बा मे़जोक्लो, कर खे़ङ्हाॽरे़ नुबा याःम्बक् चोःक्मा मे़ल्ले़सुन्लो॥”
होसे 4:1 - लिम्बु1 इस्राइलिसे, यहवे दाङ्बे़ल्ले़ कुबाःन्जाक्किन् खे़प्से़म्मे़ॽओ, थेआङ्भे़ल्ले़ कन् लाजेॽओ के़युङ्बाहाॽरे़ खुन्छिॽ सम्धाङ् यहवे दाङ्बे़ल्ले़ कुआप्तिक् अक्तङ्बा वाॽरो— “कन् लाजेॽओ कुदोःप्मा नसान् होप्लो, चक्मे़ल्लॽमनाबा लुङ्माॽ तुक्सिङ्मा होप्लो हे़क्क्याङ् निङ्वाॽफुमाङ्ङिल्ले़ कुसिक्कुम् निङ्वान् होप्लो॥ Gade chapit la |
होसे 4:1
44 Referans Kwoze
खे़न् लोःक्खुबा इक्लान् इक्सादिङ् खाम्बेःक्माल्ले़ कुनुप्मो थारिक्के खे़म्दे़त्लो॥ थेआङ्भे़ल्ले़ इक्सादिङ् खाम्बेःक्मोबा मे़न्छाम् सुवाङ्हाॽ यहवे दाङ्बे़ल्ले़ पाःन्धिक्तुसिआङ् वाॽरो॥ हे़क्क्याङ् खुने़ॽ के़रे़क् मनाहाॽरे़ खुन्छिॽ तक्ले़ङ्वाओ खासे़न् लोःन्दुरो खे़ब्याङ् कुॽइगे़भे़म्बाहाॽ खुने़ॽ ताभेःल्ले़ से़रुसिरो॥ यहवे दाङ्बे़ल्ले़ कन् पाःत्तुआङ् वाॽरो॥’”
हे़क्क्याङ् आङ्गाॽ निङ्वाॽ इःत्तुङ्लो, “खासिङ् मे़न्निःप्मनाबा नु कुनिङ्वाॽ के़बाःक्पा मे़जोःक्ले़त्छ खे़ङ्हाॽलाम्बा निङ्वाॽफुमाङ्ङिल्ले़ थे़मा पाःन्हाॽ खोमा निङ्वाॽ के़जोगुरो हे़क्क्याङ् यहवे दाङ्बे़ल्ले़ खे़ङ्हाॽरे़ थे मे़जोगुर के़लॽबा निङ्वाॽ के़जोगु फाॽआङ् खुन्छिॽ कुसिङ् मे़न्निःत्तुन्लो॥
इक्सादिङ् खाम्बेःक्मोबा के़रे़क् मे़न्छाम् सुवाङ्से, निःत्ताङ् त्ये़म्मे़ॽ हे़क्क्याङ् सिङ्सिङ् ये़क्ये़क्काङ् खे़प्साम्मे़ॽओ॥ मे़न्छाम् याप्मिसे, नुरिक् निङ्वाॽ पिरे़म्मे़ॽओ! इक्सादिङ् खाम्बेक् नु खे़प्मो के़वाॽबा काक्ले़ मे़घे़प्सुररो, योॽबालाजेॽ नु खे़ॽयो नावागे़न् चइःत् के़बोङ्बा के़रे़क्ले़ निङ्वाॽ मे़बिरुररो!
“निङ्वाॽफुसाम्बासे, कन् पाःन्निन् खे़प्से़म्मे़ॽओ! इस्राइलि हिम्सयङ्से, सिङ्सिङ् ये़क्ये़क्काङ् खे़प्से़म्मे़ॽओ! हाङ् हिम्सयङ्से, निङ्वाॽ पिरे़म्मे़ॽआङ् खे़प्से़म्मे़ॽओ! कन् निःन्धो के़बोङ्बा खासे़न्निन् खिनिॽ तङ्ले़ङ्वाओ वाॽरो— मिस्पाओ खिनिॽ चे़न् नु तबोरओ के़मनाबा इदाक् के़बोःक्खिआङ् वाॽरो॥
यहवे दाङ्बे़ल्ले़ कुइङ्घङ्ङिन् खे़प्से़म्मे़ॽ, ‘यहुदाबा हाङ्हाॽ नु यरुसले़ःम्मोबा यक्युङ्बासे, मुक्साम्दाङ्बा यहवे दाङ्बा इस्राइलबा निङ्वाॽफुमाङ्ङिल्ले़ खिनिॽ अक्खे के़मे़त्ति, आङ्गाॽ कन् ते़न्नो के़साक्पा ये़त्तुक्खे तारुङ्ॽ खे़ल्ले़ कुयाःम्बेओ के़घे़म्बा के़रे़क्ले़ खुन्छिॽ ने़भाक्वा फिङ्ॽ॥
आङ्गाॽ अक्खे मे़त्तुङ्सिङ्लो, “मे़न्छुमासे, यहवे दाङ्बे़ल्ले़ कुइङ्घङ्ङिन् खे़प्से़म्मे़ॽओ हे़क्क्याङ् खुने़ॽ पाःत्तुबा पाःन्हाॽ सिङ्सिङ्ङाङ् खे़प्से़म्मे़ॽओ॥ खिनिॽ मे़न्छुमा साहाॽ मे़रिङ् थक्मा हुॽरे़म्सिम्मे़ॽओ खे़म्ब्याङ् खे़ने़ॽ के़न्देःङ् के़न्जुम्हाॽ निङ्वाॽ तुक्खे चामाओ साम्लोमा हुॽरे़म्सिम्मे़ॽओ॥
खे़ने़ॽ कन् सुवाङ्बा मनाहाॽ मे़त्ते़से़ॽ, ‘खिनिॽ यहवे दाङ्बा निङ्वाॽफुमाङ्ङिल्ले़ कुइङ्जाङ्ङिन् इःप्मा नाःप्मा के़न्दे़न्दिन् इग्र खिनिॽ के़दुमुम्बा खुम्दिङ्लाम् कुभा निसाम् के़ङ्घोसुम्मिन्॥ से़क्खा पाःन्निङ्ग मे़गे़, खे़ल्ले़ कुयाःम्बेओ आत्तिन्हाॽरे़आङ् कुबाःन्धिक्काङ् मे़न्दारुन्॥’”
यहवे दाङ्बे़ल्ले़ कुबाःन्नो के़गिबा के़यङ्बासे, खुने़ॽ कुबाःन्जाक्किन् खे़प्साम्मे़ॽओ, “आमिङ्ङिल्ले़ चोगुल्ले़ खिनिॽ आबाङे मनाहाॽरे़ के़म्जिःत्तिआङ् के़म्से़न्दिरो॥ खे़ब्याङ् किनाःन्दि मे़बाःत्ल खिनिॽ अक्खे के़म्मे़त्तिरो, ‘यहवे दाङ्बे़न् के़रे़क्नुःल्ले़ पयम् यम्बा चोःक्पे़न् खुने़ॽ आबाङे ओसेःन्धाङ् चोगुररो हे़क्क्याङ् खिनिॽ के़से़ःप्तिररो॥ हे़क्क्याङ् खिनिॽ के़सःत्तिबे़न् आनिगे ओमे़प्मा खोसुम्बे़ररो’ कर खे़ङ्हाॽरे़ खुन्छिॽ चाःत्थि पेःक्लो॥
यहवे दाङ्बे़ल्ले़ अक्खे पाःत्तुरो, “तोङ् के़आप्पा मनाहाॽरे़ तोःङ्ङिन् लिओ मे़भत्छुरो हे़क्केलॽरिक्के खे़ङ्हाॽरे़ इङ्ले़क् पाःप्मारे़ लागि खुन्छिॽ ले़स्सोःप्पान् मे़लाःक्खुरो॥ से़क्खाबा पाःन्निल्ले़ मेःन् कर कुजाःत्थि के़बेःक्पाहाॽ हाङ् मे़जोक्लो॥ आङ्गाॽ आमनाहाॽरे़ चक्मे़ल्लॽए ताप्फे़ःम्बा मे़जोगुर मे़वाॽरो॥ आङ्गाॽ खुन्छिॽ निङ्वाॽफुमाङ्आ पाःप्मा खे़ङ्हाॽ मे़न्दे़न्ने़न्लो॥
आत्तिन् ये़म्मो आङ्गाॽ खे़ङ्हाॽरे़ खुन्छिॽ पाधे़बाहाॽ मिस्रलाम् थे़ॽरुङ्सिङ्ङाङ् थाक्तुङ्सिङ्, खे़न् ये़म्मो खे़ङ्हाॽ आङ्गाॽ आइङ्जाङ्ङिन् इःत्ते़म् नाःत्ते़म्मे़ॽ फाॽआङ् ये़त्ले़ङ् साम्दिङ् पिरुङ्सिङ्ङाङ् पत्छाङ् हे़क्केलॽरिक्के आइन् थारिक् कन् मनाहाॽ साम्दिङ् पिरुङ्सिङ्ल वाॽआ॥
Piblisite