होसे 3:5 - लिम्बु5 खे़न् एगाङ् इस्राइलिहाॽ मे़नुःङ्ॽ, हे़क्क्याङ् यहवे दाङ्बा खुन्छिॽ निङ्वाॽफुमाङ्ङिन् नु खुन्छिॽ हाङ् दाउदे़न् मे़गोःत्तुसिॽ॥ याङ्सिबा ये़न्हाॽओ खे़ङ्हाॽ मे़गिआङ् यहवे दाङ्बाओ नु खुने़ॽ कुहाङ्वागे़न् मुॽइसाम् ले़प्माङ् मे़दारो॥ Gade chapit la |
होसे 3:5
36 Referans Kwoze
के़दाबा ये़म्मो यहवे दाङ्बे़ल्ले़ कुहिम् युङ्सिङ्बा यरुसले़म ये़क्यक्किन् इक्सादिङ् खाम्बेःक्को के़रे़क्नुःल्ले़ के़ये़क्पा पोङ्लो॥ इक्सादिङ् खाम्बेःक्मोबा के़रे़क् पिसाङ्बा कोःक्मा फाङ्जङ् थे़गु माङ्वाहाॽनुःल्ले़ खे़न् साॽरिक् के़ये़क्पा पोङ्लो, हे़क्क्याङ् के़रे़क् मे़न्छाम् याप्मिहाॽ खे़ॽयो माङ्से़वा चोःक्से़ मे़जुम् मे़दारो॥
यरिक् ये़न् एगाङ् खिनिॽ थङ् चोःक्से़ के़म्उःत्तिॽ॥ हे़क्क्याङ् इस्राइलबा मनाहाॽ यरिक् लाजेॽहाॽओलाम् कप्मोबा कोःक्मा फाङ्जङ् थे़गु माङ्वाहाॽओ मे़नुःङ्बा एगाङ् नु ते़न्धङ्लाम् नादङ् पोङ्ङाङ् नुॽमा तामा सनारुङ्नु निङ्वाॽ हाङ्हाङ् मे़युङ्बा ताःन्दिबा ताये़म्मो इस्राइलबा लाजेन् खिनिॽ थङ्ङो के़भत्तुम्ॽ॥
यहवे दाङ्बे़ल्ले़ पाःत्तुॽ, “अक्तङ्बा ये़न्हाॽ तार पत्लो, हे़क्केःल्ले़ आङ्गाॽ दाउद हाङ्ङिल्ले़ कुधिन्दाङ् सायोबोराहाॽलाम् साम्योबा कुबोराक् थिक् लःन्ल याःन्दुङ्लो॥ खे़न् हाङ् पोङ्ङाङ् सिक्कुम् निङ्वाॽ नु हाङ् चोगुरो खे़म्ब्याङ् लाजेॽओ कुदोःप्मा खासे़न् नु के़वाॽबा याःम्बक् चोगुरो,
आमिःम् फुॽनुसाॽ नु ने़ॽनुसाॽसे, खिनिॽ आङ्दिङ् के़न्लॽरिन्ल फाॽआङ् कन् सिबिॽगे़न् पाःन्निन् कुसिङ् निःत्ते़म्मे़ॽ के़लॽबा आनिङ्वाॽ वाॽरो॥ कन् सिबिॽगे़न् पाःन्निङ्ग निङ्वाॽफुमाङ्ङिल्ले़ कुनिङ्सेक् कुइसिक् नसान् चोःक्मा के़बोङ्बा थिम्मे़न्दङ् सुवाङ्हाॽरे़ नसान् चोःक्मा मे़न्छुःत्ते थारिक् यरिक् यहुदिहाॽ खुनिॽ निङ्वाॽ मे़न्नुःङ्मनाबा मे़बोङ्लो॥
कर साङ्ग्राम्पेदाङ्ङो निङ्वाॽफुमाङ् वाॽ, खुने़ॽ सिबिॽबा पाःन्हाॽ ओसेःन्धाङ् चोगुॽ॥ खुने़ॽ के़दाबा ये़म्मो के़बोङ्बा पाःन्हाॽ पयम् हाङ् नबुकदनेसरे़न् ओसेःन्धाक्तुआङ् वाॽ॥ आदाङ्बा ने़त्नाओ के़सोःन्छिङ्ङाङ् के़ने़स्से़ल्ले़ आदाङ्बारे़ के़निङ्वाॽओ के़माक्तुबा से़प्माङ्ङिन् नु के़निसुबा सुफोहाॽ हाबा कन्हाॽएरो—
हे़क्क्याङ् खाॽमिःत्ते़ल्ले़ लाजेन् पन्छुबा कुइसिक् खे़ने़ॽ आङ्गाॽ आमना इस्राइलिहाॽ थङ्ङो के़भत्तुसिॽ॥ ताःन्दि के़दाबा ये़म्मो, गोगए, आङ्गाॽ आलाजेःल्ले़ कुदक्ले़ङ्वाओ खे़ने़ॽ ताःत्ने़रो, हे़क्केलॽरिक् मनाहाॽरे़ खुन्छिॽ तगि खे़ने़ॽलाम्बा आसेसेन् ओसेःन्धाङ् चोगुङ्ङिल्ले़ आङ्गाॽए यहवे दाङ्बाआ फाॽआङ् के़रे़क् मे़न्छाम् सुवाङ्हाॽरे़ निङ्वाॽ मे़घोसुरो॥
आल्ल हाङ्ङिल्ले़ खे़ङ्हाॽरे़ खुन्छिॽ पाःन्निन् मे़घे़प्सुम्बान् के़रे़क् इस्राइलिहाॽरे़ मे़निसु, खे़ब्याङ् खे़ङ्हाॽरे़ हाङ्ङिन् अक्खे मे़मे़त्तुरो— “दाउदलाम् आनिगे लक्खोमो थे़मा वाॽआङ्बे? यिसैरे़ कुस्साओ आनिॽ खोमा लक् थे वाॽआङ्बे? इस्राइलिसे, खिनिॽ आप्फेक् साःङ्गाहिम्मो पेगे़म्मे़ॽओ, दाउदए, खे़ने़ॽ आप्फेक् के़हिम्मिन् ओमे़त्ते़ॽओ!” कल्ले़चोगुल्ले़ इस्राइलिहाॽ खुन्छिॽ आप्फेक् आप्फेक् हिम्मो मे़बे,
खे़ब्याङ् कन् यरुसले़म ये़क्यक्किन् आङ्गाॽ आलागि निङ्वाॽ तामा, मिङ्सोधाःङ्सो पोङ्मा नु ने़बो पप्मारे़ कुबुङ् पोङ्ॽ हे़क्क्याङ् आङ्गाॽ यरुसले़ःम्बा यक्युङ्बाहाॽरे़ खुन्छिॽ लागि चोगुङ्बा नुबा याःम्बक्हाॽ नु खे़न् ये़क्यक्को चोगुङ्बा नुॽमादामा पाःन्हाॽ मे़घे़प्सुआङ् इक्सादिङ् खाम्बेःक्मोबा के़रे़क् मे़न्छाम् सुवाङ्हाॽ पगि मे़गिआङ् थे़गक्कक्ना मे़यङ्॥”
यरिक् मे़न्छाम् सुवाङ्हाॽ खे़ॽयो मे़दाआङ् मे़बाःत्तुरो, “त्ये़म्मे़ॽओ, आनिॽ के़रे़क् यहवे दाङ्बे़ल्ले़ कुगोःक्माओ थाःङ् लिङुम्माङ् याकुबरे़ कुनिङ्वाॽफुमाङ्ङिल्ले़ कुहिम्मो पेगिरो॥ खुने़ॽ आबाङे कुलाम्मिन् आनिॽ ओसेःन् आधाक्लो, हे़क्केलॽरिक् कुलाम्मो आनिॽ लाङ्घेःक्मा आसुक्लो॥” थेआङ्भे़ल्ले़ साम्योथिम्मिन् सियोनलाम् नु यहवे दाङ्बे़ल्ले़ कुबाःन्जाःक्किङ्ग यरुसले़मलाम् तारो॥
Piblisite