होसे 3:4 - लिम्बु4 थेआङ्भे़ल्ले़ इस्राइलिहाॽ यरिक् ये़न् थारिक् हाङ् नु लाम्लोबा मेःन्ने, सिदुङ्जभा नु सेसे लुङ् मेःन्ने हे़क्क्याङ् एपोद नु हिम्साम्माङ् मेःन्ने मे़वाॽ॥ Gade chapit la |
होसे 3:4
44 Referans Kwoze
खे़न् आसाःल्ले़ कुदुम्से़ ये़आङ् मे़त्तु, “आसाए, के़रे़क् यहुदाबा नु बेन्यामिन मनासे आङ्गाॽ आबाःन्निन् खे़प्से़म्मे़ॽओ॥ आल्ल यहवे दाङ्बे़न्नु खिनिॽ के़वयिल्ले़ खुने़ॽआङ् खिनिॽनु वाॽरो॥ खुने़ॽ के़गोःत्तुम् के़हक्सुम्मिल्ले़ खुने़ॽ के़घोसुम्ॽ॥ खुने़ॽ के़नाॽरुम्ने़भग्र खुने़ॽआङ् खिनिॽ के़नाॽरिॽ॥
लत्छा ‘नुसि’ रे़ लागि यरिक् मनाहाॽनु खे़ल्ले़ माङ्हुप् थिक् निःन्धो चोगुॽ॥ ‘नुसि’ लुम्मो खे़ल्ले़ सिदुङ्जभा नु हुक्वाहाॽ नुप्सुॽ॥ हे़क्क्याङ् कुमे़क्मा निःन्धो के़बोङ्बा इङ्जाङ्ङिन् खे़ल्ले़ कुसम्धाङ् मे़न्धाए थारिक् खे़ल्ले़ माङ्हिम्मोबा लत्छा कुलक्को आमे़ङ्मे़ङ्बा याम्गे़सिङ्बा नावाइत्ला थिक् ये़प्सुरो॥”
खे़ङ्हाॽरे़ चोःक्मा के़बोङ्बा चाङ्हाॽ हाबा कन्हाॽरो—साःङ्बे से़ःप्चाङ्, एपोद, लगेःप्, थाक्मनाबा तागावा, फे़ता नु फॽइ॥ चोःक्मारे़ लागि चबेगुहाॽ मे़त्ते़से़ॽ॥ खे़ङ्हाॽरे़ खे़ने़ॽ के़म्भुॽ हारुने़न् नु खुने़ॽ कुस्साहाॽरे़ लागि निङ्वाॽफुसाम्बा ताक्फाओ आङ्गाॽ आलागि माङ्से़वा याःम्बक् चोःक्से़ सेसे चाङ्हाॽ तये़ॽ॥
हे़क्केःल्ले़ यहुदिहाॽ साॽरिक् मे़अःक्ते़र मे़मे़त्तु, “खे़न् तेॽरे़ॽआङ् सिलाम्साक्मा सिङ्सम्दाङ् फोःन्दे़ॽ!” हे़क्केःल्ले़ पिलातसरे़ सेःन्दोसुसि, “खिनिॽ हाङ्ङिन् सिलाम्साक्मा सिङ्सम्दाङ् फोःन्दुङ्बाबि?” तुम् निङ्वाॽफुसाम्बाहाॽरे़ नोगप् मे़बिरु, “आनिगे हाङ्ङिङ्ग सिजरे़न्लक्लो॥”
बेबिलोनबा हाङ्ङिन् आल्ल यरुसले़ःम्मिन् फप्माबि इ रब्बाःन् फप्माबि लॽरिक् निःन्धो मे़म्बोङ्ङे लाम् के़से़बादे़न्नो ये़प्॥ खुने़ॽ थुम्या इमारे़ लागि कुघागे़इक्पाहाॽ उःत्तुसिॽ॥ तोङ् याङ्मोलाम् तोःङ्हाॽ यगङ् यगङ् मे़मुन्दुआङ् खे़ङ्हाॽरे़ तॽयाःन्सोन् मे़गे़सुॽ॥ खे़ङ्हाॽरे़ थक्सा तोःम्मनाबा सिदुङ्जभाहाॽरे़ कुने़रे़त्हाॽ ओमे़मे़त्तु मे़साॽरु॥
कन्नुःल्ले़ वेॽ यहवे दाङ्बे़ल्ले़ कुहिम्मो निङ्वाॽफुसाम्बा हिल्कियाहःल्ले़ खोसुबा साम्योथिम् इङ्जाङ् साप्पन्नो साप्ते़बा पाःन्हाॽ के़प्मारे़ लागि योसियाहःल्ले़ के़रे़क् खागे़इक्पाहाॽ, हे़क्क्याङ् फे़न्साम् मुरा के़मे़प्पाहाॽ, के़रे़क् हिम्साम्माङ्हाॽ नु नावाइत्लाहाॽ, खे़ब्याङ् यहुदाओ नु यरुसले़ःम्मो निगे़दे़प्पा के़रे़क् याम्गे़सिङ्बा पाःन्हाॽ थ्यःङ् मे़क्खु॥
निङ्वाॽफुसाम्बाल्ले़ मे़त्तु, “एलाहबा ते़म्बेॽओ खे़ने़ॽ के़से़रुबा पलिस्ति गोल्यतरे़ कुदाभेन् कप्मो वाॽ॥ खे़न् एपोद तेःत्तिल्ले़ कुएगाङ् चिरिक्किल्ले़ किप्मनाआङ् ने़ःॽ॥ खे़न् के़देॽरुने़भग्र तेॽरे़॥ कप्मो वेॽ ताभे होप्॥” दाउदरे़ मे़त्तु, “खे़न् हे़क्तङ्बा वेॽ ताभेए होप्॥ आङ्गाॽ हाबा खे़न् पिराङ्ङे़ॽ॥”
खे़ङ्हाॽरे़ खुनिॽ लुम्मो निङ्वाॽफुसाम्बे़ल्ले़ चाङ्मनाबा एपोद चाङ् के़जाङ्बा अहियाहन् वये़॥ अहियाहःङ्ग इक्काबोदरे़ कुन्साॽ अहितुबरे़ कुस्सा वये़॥ इक्काबोद नु अहितुबे़ङ्ग सिलोओ यहवे दाङ्बे़ल्ले़ कुसे़वा के़जोःक्पा निङ्वाॽफुसाम्बा एलिरे़ कुम्मे़न्छाॽ हे़क्क्याङ् पिनहासरे़ कुस्सा वये़सि॥ जोनाथाने़न् पेबा हाःत्ले़आङ् निङ्वाॽ मे़ङ्घोसुन्॥
खे़ब्याङ् लेस कब्रिङ् पिसाङ्बा लाजेॽहाॽ थोःम्से़ के़बेःक्पा खे़न् ङासि मनाहाॽरे़ खुन्छिॽ फुॽनुसाॽहाॽ अक्खे मे़मे़त्तुसिआङ् ताॽमे़जे़क्तुसि, “थे कन् हिम्हाॽओबा लत्छाओ एपोद नु हिम्साम्माङ् नावाइत्लाहाॽ, लक्मनाबा इत् नु युप्पा योःम्मनाबा नावाइत्ला युङ् फाॽआङ् खिनिॽ के़निसुम्बि? आल्ल आक्खे चोःक्मा के़लॽबान् खिनिॽ के़निसुम्ॽ॥”
खुने़ॽ कुइङ्जाङ् इःप्मा नाःप्मा मे़न्दे़म्माग कित्चाक् चोःक्मा हे़क्तङ्बा लायोरो, हे़क्क्याङ् आङ्दिङ् लॽमाग लुङ् नावाइत्ला से़वा मे़प्नाबान्नुःल्ले़आङ् ताप्फे़ःम्बारो॥ थेआङ्भे़ल्ले़ खे़ने़ॽ यहवे दाङ्बाल्ले़ कुबाःन्जाःक्लाम् माःङ्घा के़बोःक्खे़, खे़ल्ले़चोगुल्ले़ यहवे दाङ्बाल्ले़आङ् खे़ने़ॽ हाङ् पोङ्मालाम् के़ले़रे़आङ् वाॽरो॥”
यम्बा लाम्धेःत्हाॽ खाम्बाङ्ङो निमे़रो, खुने़ॽ खे़ल्ले़ कुए़प्माहाॽ यसुआङ् कुम्जिक्मा चोगुरो॥ हाङ्ङिन् नु लाम्लोबाहाॽ वेॽ मे़न्छाम् सुवाङ्हाॽरे़ खुन्छिॽ लुम्मो लाजेॽलाम् मे़लःत्तु मे़देॽरुसिआङ् मे़वाॽरो, हे़क्क्याङ् साम्योथिम् इङ्जाङ्ङिन् मे़न्हुॽरुन्सिन्लो॥ खे़ब्याङ् खे़ल्ले़ कुमाङ्निङ्वाॽपान् के़बाःप्पाहाॽरे़आङ् यहवे दाङ्बे़न्लाम् थे़माआङ् सुफो मे़ङ्घोसुन्लो॥
नावाइत्लाहाॽरे़ इङ्ले़क्पा पान् मे़बाःत्तुरो, हे़क्क्याङ् कित्चाक् के़जोःक्पाहाॽरे़ इङ्ले़क्पा सुफोहाॽ मे़निसुरो, खम्भ्याङ् मे़न्वाॽमनाबा से़प्माङ्हाॽ मे़बाःत्तुरो, खे़ङ्हाॽरे़ कुसुम् मे़न्दम्मनाबा आःन्छिङ्मा मे़बिरुसिरो॥ कल्ले़चोगुल्ले़ मे़ल्लुक्कम्बाहाॽ मे़सुःम्बाल्ले़ चोगुल्ले़ तुक्खे मे़जाःत्तुसिबा मे़ल्लुक्हाॽ कुइसिक् मनाहाॽ ताप्मे़बे़ॽरो॥
कल्ले़ कुबोराक्हाॽओलाम् मि हाॽरुलःन्दे़आङ् पत्लो हे़क्क्याङ् कल्ले़ कुजाॽहाॽ खाप्पुथ्यःङ् चोगुरो॥ कल्ले़ के़दाङ्बा के़याःक्पा कुलाङ्हाॽ युक्साबे़ल्ले़ कुहाङ् तक्कात् चोःक्मा के़धुम्बा मे़जोक्ने़ल्लो॥ “कङ्ग लत्छा मे़रिङ् थक्मा साम्लोरो, हे़क्क्याङ् निङ्वाॽ तुक्खे चामा ये़म्मो कन् साम्मे़मे़त्तुरो॥”
Piblisite