“खे़ने़ॽ कन् इङ्घङ्ङिन् यरुसले़ःम्मो के़वाॽबाहाॽ के़रे़क् मे़त्ते़से़ॽ, यहवे दाङ्बे़ल्ले़ अक्खे पाःत्तुरो— “इस्राइलए, खे़ने़ॽ के़धाङ्बे़न् वे़म्मो आक्खे़न् नसाःन्साबा के़वये़ के़लॽबान् आङ्गाॽ आनिङ्वाॽसुम्मो वाॽरो, सिसामेःत्तिल्ले़ हे़क्के खे़ने़ॽ मिःम् के़मे़त्ताङ्लो॥ मुरे़क् खारे़क् थेआङ् के़होप्पादे़न्नो, थेआङ् मे़न्लिङ्मनाबा चिजि खक्खक्पा एःक्सादे़न्नो खे़ने़ॽ आङ्गाॽ आएगाङ् आएगाङ् के़नाःत्ताङ्लो॥
होसे 2:7 - लिम्बु7 खुने़ॽ लुङ्माॽ हिःप्तुसिबाहाॽ एगाङ् एगाङ् तिम्दुसिरो, कर खुने़ॽ खे़ङ्हाॽ मे़सिॽरुसिन्लो खुने़ॽ खे़ङ्हाॽ हक्सुसिरो कर खुने़ॽ खे़ङ्हाॽ मे़घोसुन्सिन्लो॥ खे़ब्याङ् खुने़ॽ अक्खे पाःत्तुरो, ‘आङ्गाॽ तगिबा आये़म्बाओ नुःङ्ङा पेःक्कारो, थेआङ्भे़ल्ले़ आल्लोनुःल्ले़ खे़न् ये़म्मो आङ्गाॽ नुराङ् तासाङ्ङाङ् वयाङ्लो॥’ Gade chapit la |
होसे 2:7
41 Referans Kwoze
“आल्ल एफ्राइम्मिल्ले़ खुने़ॽ कुदुक्मे़न् निसुरो हे़क्क्याङ् यहुदाःल्ले़ खुने़ॽ कुयाङ्घेःक्किन् निसुरो, खे़ब्याङ् एफ्राइम्मिल्ले़ अस्सुरबा पयम् हाङ्ङे़ओ कुभाॽरे़ लागि मनाहाॽ पाङ्घुदेसुसिरो॥ कर खे़ल्ले़ खे़ने़ॽ के़नुॽर चोःक्मा खे़ल्ले़ खे़ने़ॽ के़याङ्घेःक्किन् वेःम्मा मे़सुक्तुन्लो॥
यम्मे़ल्ले़ कुमिङ् ओहोला वये़, हे़क्क्याङ् खुने़ॽ कुन्साॽरे़ कुमिङ् ओहोलिबा वये़॥ आङ्गाॽ खुन्छिॽ ते़न्धाम् मेःक्खिम् लिःक्खुङ्सिङ्, खे़ब्याङ् खुन्छिॽ आङ्गाॽ आलागि ये़म्बित्छासाहाॽ नु मे़न्छुमा साहाॽ कत्ते़सु पिराङ्सिङ्॥ आङ्गाॽ सामरिया नु यरुसले़मरे़ खुन्छिॽ याःम्बेओ पाःत्तुङ्ल पत्ता, थेआङ्भे़ल्ले़ ओहोलाःन् सामरिया नु ओहोलिबाःन् यरुसले़मरो॥
वेॽ मे़न्छाम् सुवाङ्हाॽरे़ खुन्छिॽ हने़बा माङ्साम्माङ्हाॽरे़ वहित् थामा मे़न्छुक्तुन्लो॥ ताङ्साङ्बाल्ले़ आबाङे वगेःङ्मा मे़सुक्तुन्लो॥ मेःन्लो, यहवे दाङ्बा आनिगे निङ्वाॽफुमाङ्ङे, आनिगे खे़ने़ॽए के़लाम् ओमे़त्तुम्बे़आङ् वयिगे़रो थेआङ्भे़ल्ले़ कन् के़रे़क् पाःन्हाॽ के़जोःक्पा खे़ने़ॽए के़वाॽरो॥
मनाहाॽरे़ खुन्छिॽ हाङ्जुम्मो के़रे़क्नुःल्ले़ यम्बा निङ्वाॽफुमाङ्ङिल्ले़ए काक् युक् कत्तुॽ हे़क्क्याङ् खुने़ॽ कुसिराॽ के़धाङ्बे़न् आत्तिन्छाङ् खे़न् हाङ्जुम्हाॽ पिरुॽ के़लॽबा पाःन्नो मे़न्दे़न्ने थारिक् खुने़ॽ मनाहाॽलाम् मे़नाःत्तु मे़देसुआङ् लत्छा थक्सा निङ्वाॽ मे़बिरु॥ खुने़ॽ ताम्भुङ्ङोबा अदङ्हाॽनु वये़ हे़क्क्याङ् पित्थक्सा इसिःक् याःन्सुङ्हाॽ चआङ् वये़, खम्भ्याङ् खुने़ॽ कुधक्किन् ताङ्साङ्बोबा सेःक्वाःल्ले़ वारक्ते़॥
मनाहाॽलाम् खे़ने़ॽ के़म्नात् के़म्देरो हे़क्क्याङ् ताम्भुङ् थक्साहाॽनु के़वाॽ के़युङ्ॽ, पित्थक्साहाॽ कुइसिक् खे़ने़ॽ याःन्सुङ्हाॽ के़जरो॥ मनाहाॽरे़ खुन्छिॽ हाङ्जुम्मो के़रे़क्नुःल्ले़ यम्बा निङ्वाॽफुमाङ्ङिल्ले़ए काक् युक् कत्तुॽ हे़क्क्याङ् खुने़ॽ कुसिराॽ के़धाङ्बे़न् आत्तिन्छाङ् खे़न् हाङ्जुम्हाॽ पिरुॽ के़लॽबा पाःन्नो खे़ने़ॽ के़न्दे़न्ने़ल्ल थारिक् खे़ने़ॽ के़लागि कुगप् नुसि ये़म् ले़क्पेक्॥”
मनाहाॽलाम् आदाङ्बा के़म्लत् के़म्दे, हे़क्क्याङ् ताम्भुङ् थक्साहाॽनु के़वाॽ के़युङ्, पित्थक्साहाॽ कुइसिक् याःन्सुङ्हाॽ के़जरो, हे़क्क्याङ् ताङ्साङ्बोबा सेःक्वाःल्ले़ आदाङ्बा वागे़रक्॥ मनाहाॽरे़ खुन्छिॽ हाङ्जुम्मो के़रे़क्नुःल्ले़ यम्बा निङ्वाॽफुमाङ्ङिल्ले़ए काक् युक् कत्तुॽ हे़क्क्याङ् खुने़ॽ कुसिराॽ के़धाङ्बे़न् आत्तिन्छाङ् खे़न् हाङ्जुम्हाॽ पिरुॽ फाॽआङ् आदाङ्बारे़ निङ्वाॽ के़ङ्घोसुन्ल थारिक् आदाङ्बारे़ के़लागि कुगप् नुसि ये़म् ले़क्पेक्॥
इङ्घङ् के़साबाहाॽरे़ निःन्धो पाःन्निन् मे़मे़त्तुसिआङ् वाॽरो, सेसे मनाहाॽरे़ कुनुप्मा पाःन्निन् उवा मे़जोगुरो, हे़क्केलॽरिक् मनाहाॽरे़ खुन्छिॽ हाङ्जुम्हाॽओबा काक् युक्किन् के़रे़क्नुःल्ले़ यम्बा निङ्वाॽफुमाङ्ङिल्ले़ए कत्तु फाॽआङ् कुहिङ्वे़त्हाॽरे़ निङ्वाॽ मे़घोसुररो, हे़क्क्याङ् खुने़ॽ कुसिराॽ के़धाङ्बाहाॽ खे़न् हाङ्जुम्हाॽ पिरुसिरो मनाहाॽओ के़रे़क्नुःल्ले़ नःम्नःम्बाहाॽ खे़न् हाङ्जुम्हाॽओ फोःक्खुसिरो॥
हे़क्क्याङ् आङ्गाॽ याम्मो लाङ्घेगाङ्ङिल्ले़, खे़ने़ॽ नानुॽमा के़ये़म् के़रे़बा निने़॥ खे़ल्ले़चोगुल्ले़ आङ्गाॽ आजाङ्ङिल्ले़ खे़ने़ॽ ले़क्चाबुधुःक्पा के़धक्किन् ते़प्तुङ् पिने़ हे़क्क्याङ् खे़ने़ॽनु मेःक्खिम् चोःक्मा माङ्हे़क् चोगुङ्॥ आङ्गाॽ खे़ने़ॽनु माङ्हुप्पाङ् चोगुङ् मुक्साम्दाङ्बा यहवे दाङ्बे़ल्ले़ पाःत्तुॽ, खे़ब्याङ् खे़ने़ॽ आङ्गाॽइन् के़बोःक्खे़॥
खे़ङ्हाॽरे़ खुन्छिॽ पाधे़बाहाॽनु आङ्गाॽ चोगुङ्बा माङ्हुप् हे़क्तङ्बा खे़न् मे़बोङ्ने़न्लो मिस्रलाम् लःत्तुङ् फे़त्तुङ्सिङ्ङिल्ले़ खे़ङ्हाॽ खुन्छिॽ हुक्को ते़म्सुङ् फे़त्तुङ्सिङ्लो॥ आङ्गाॽ खे़ङ्हाॽरे़ खुन्छिॽ हिम्दाङ्बा कुइसिक् वयाङ्लो हे़क्केसाङ् खे़ङ्हाॽरे़ खे़न् माङ्हुप्पिन् मे़भेःन्दुरो,” यहवे दाङ्बे़ल्ले़ पाःत्तुरो॥
“आङ्गाॽ यहवे दाङ्बे़ल्ले़ मे़त्निङ् खिनिॽ आबाङे लागि के़जोगुम्सिम्बा साम्माङ्हाॽ आत्तान् मे़वाॽबे? ये़त्तुक्खेओ खिनिॽ के़ध्ये़ॽइल्ले़ खे़ङ्हाॽरे़ मे़सुक्तुने़भग्र खिनिॽ ताङ्के़म्से़ःप्तिररो॥ यहुदाए, खे़ने़ॽ के़ये़क्यक्हाॽ यरिक् मे़ने़रो, खे़म्म्याक्के यरिक् खे़ने़ॽ के़माङ् साम्माङ्हाॽआङ् मे़वाॽरो॥
यहवे दाङ्बे़ल्ले़ अक्खे पाःत्तुॽ, “कुभा मनाःल्ले़ आबाङे कुमेःत्तिन् नाॽरुरो हे़क्क्याङ् खे़न् मे़न्छुमाःल्ले़ खुने़ॽ ले़रुआङ् वेॽ ये़म्बित्छाःन्नु मेःक्खिम् चोगुरो हे़क्केने़भग्र खे़न् मनाःल्ले़ याम्मो खे़न् मे़न्छुमान् हिम्मो नुःक्मा ताःप्मा मे़सुक्तुन्लो॥ हे़क्के चोःक्माल्ले़ के़रे़क् लाजेन् चिःन्जिन् के़घुबा पोङ्लो॥ कर इस्राइलए, खे़ने़ॽ यरिक् के़धाङ्बे़न्हाॽनु के़बोःत्ते़रो हे़क्क्याङ् याम्मो आङ्गाॽओ नुःङ्मा तामा निङ्वाॽ के़जोगुरो!”
खुने़ॽ के़नाःम्बा दमस्कसबा माङ्हाॽओ सिदुङ्जभा तोःन्दु, थेआङ्भे़ल्ले़ खुने़ॽ अक्तङ्बा निङ्वाॽ इःत्तु, “अरामबा हाङ्हाॽरे़ खुन्छिॽ माङ्हाॽरे़ खे़ङ्हाॽ मे़भाॽरुसि॥ कल्ले़चोगुल्ले़ खे़ङ्हाॽरे़ आङ्गाॽ मे़भाॽआर फाॽआङ् आङ्गाॽआङ् खे़ङ्हाॽओ सिदुङ्जभा तोःन्दुङ्ॽ॥” कर से़क्खाःल्ले़ग खे़ङ्हाॽरे़ए खुने़ॽ नु के़रे़क् इस्राइलिहाॽ मे़आगे़र मे़जोगु॥
आनिगे चोःक्मा सिराॽ के़धाङ्बा च्यासाङ् चोगुम्बे़ॽ॥ आनिगे नु आनिगे पाधे़बा, हाङ्हाॽ हे़क्क्याङ् लाम्लोबाहाॽरे़ यहुदाबा ये़क्यक्हाॽ नु यरुसले़ःम्मोबा लाम्लाम्मो आभे़ल्ले़साङ् सिदुङ्जभा मे़दोन्दुआङ् वये़, खे़न् कुइसिक् आनिगे सिराॽथाङ्धाङ् साङ्ग्राम्पेदाङ्मा हाङ्माओ सुक्पा हाःन्दुम्बे़ हे़क्क्याङ् सेजःङ्वा सिदुङ्जभाहाॽ हुक्खुम्बे़॥ थेआङ्भे़ल्ले़ खे़न् ये़म्मो आनिगे वे़त्ते़सरे़ कुजा कत्तुम्बे़, आनिगे नुॽमा तामा पोःक्खे़आङ् वये़ हे़क्क्याङ् आनिगे ये़त्तुक्खे तुमुम्बे़बा होःप्ते़॥
आल्ल यहवे दाङ्बान् होसेःन्लाम् पाःप्मा हेःक्ते़ल्ले़, यहवे दाङ्बे़ल्ले़ खुने़ॽ अक्खे मे़त्तु, “कन् लाजेःल्ले़ यहवे दाङ्बे़न् नाॽरुआङ् साॽरिक् याम्बोःप्मा आप्तिक्को थ्ये़आङ् वाॽ, खे़ने़ॽ पेगे़ॽआङ् चागे़राम्मा के़त्निमाधिक् ते़न्धाम् मेःक्खिम् मे़त्ते़ॽ, खे़ब्याङ् खे़ल्ले़ चाराम्मा के़त्निमा याःम्बक् चोगुबालाम् कत्तुसिबा साहाॽ सा चोगे़से़ॽ॥”
Piblisite