होसे 14:1 - लिम्बु1 इस्राइलए, यहवे के़निङ्वाॽफुमाङ्ङो नुःक्खे़ त्ये़ॽओ, खे़ने़ॽ के़लायोहाॽरे़ए खे़ने़ॽ के़सोःन्दे़आङ् वाॽरो॥ Gade chapit la |
होसे 14:1
26 Referans Kwoze
खे़ने़ॽ आबाङे कुॽइभे़म्माल्ले़ के़सम्धाङ् खुम्दिङ् तारुरो हे़क्क्याङ् खे़ने़ॽ के़नाॽराङ्बा पाःन्निल्ले़ए कुनामे़न्छाॽ के़जोःक्लो॥ आङ्गाॽ यहवे दाङ्बा के़निङ्वाॽफुमाङ्ङिन् नाॽमा नु आङ्गाॽओ से़वा मे़न्जोःक्मा साॽरिक् ताप्फे़ःम्बा नु निङ्वाॽ मे़न्दामा पोङ्लो, खे़न् खे़ने़ॽ कुसिङ् के़निःत्तुरो॥ आङ्गाॽ पयम् यम्बा मुक्साम्दाङ्बा यहवे दाङ्बे़ल्ले़ पाःत्तुङ्ङाङ् वाॽआरो॥”
यहवे दाङ्बे़ल्ले़ मिस्र लाजेॽओ पयम् यम्बा मिन्देॽ पोःक्ल याःन्दुॽ॥ खुने़ॽ खे़ॽयो के़युङ्बा मनाहाॽ मे़दुक्ल याःन्दुसिॽ, हे़क्क्याङ् खे़ङ्हाॽ याम्मो वेःन्दुसिॽ॥ खे़ब्याङ् खे़ङ्हाॽ यहवे दाङ्बान् ले़प्माङ् मे़नुःङ्ॽ॥ हे़क्क्याङ् खुने़ॽ खे़ङ्हाॽरे़ खुन्छिॽ पेलिन् खे़प्सुआङ् वेःन्दुसिॽ॥
खे़ङ्हाॽ मे़त्ते़से़ॽ, ‘आङ्गाॽ कुहिङ्वे़त् वाॽआबा कुइसिक्, मुक्साम्दाङ्बा यहवे दाङ्बे़ल्ले़ पाःत्तुॽ, ताक्के़भे़ॽबा मनाहाॽ मे़सिःल्ले़ आङ्गाॽ मे़सःत्तान्॥ खे़ङ्हाॽ खुन्छिॽ कुॽइभे़म्मा लाम्हाॽओनु मे़नुःङ्ल के़लॽबारक् आङ्गाॽ निङ्वाॽ चोगुङ्ॽ हे़क्केलॽरिक् खे़ङ्हाॽ हिङ्मा मे़सुक्ल॥ इस्राइलबा मनासे! हिआसिम्मे़ॽ! खिनिॽ कुॽइभे़म्मा लाम्मोनु नुःक्खे़म्मे़ॽ, खिनिॽ थेआङ् के़स्ये़ॽइबाबे?’
खुम्दिङ् पिमा ये़न्हाॽ निःत्ताङ् त्ये़आङ् वाॽरो, कुले़क्वा नुःक्मा ये़न्हाॽ चिदुप् वाॽरो॥ कन् पाःन्हाॽ इस्राइलरे़ निङ्वाॽ खोसुररो॥ खिनिॽ लायोहाॽ यरिक् वाॽबा नु सिक्चोःक्मान् यम्बा चोःक्पे़ल्ले़ माङ्निङ्वाॽपान् के़बाःप्पे़न् अदङ् नु याम्साम्मिल्ले़ थुक्तुबा मनाःङ्ग के़नाङ्बा के़लेःत्तुम्लो॥
खिनिॽ लागि साम्योबा याःम्बक्किन् याॽरिःम्बा हेॽरे़म्मे़ॽओ, हे़क्क्याङ् चक्मे़न्लॽमनाबा मिःम्जिल्ले़ सिङ्सेन् सुप्से़म्मे़ॽओ, हे़क्क्याङ् खिनिॽ याक्चाना इक्ताप्हाॽ थोक्से़म्मे़ॽओ॥ थेआङ्भे़ल्ले़ यहवे दाङ्बे़न् युआङ् खिनिॽओ साम्योनिमे़न् मे़धासुन्ल थारिक् खुने़ॽ कोःप्मा ये़म्मिन् आल्लोएरो॥
हजाएलरे़ सेःन्दोसु, “आदाङ्बाए, आदाङ्बा थेआङ् के़हाःप्पाबे?” एलिसाःल्ले़ नुगप् पिरु, “थेआङ्भे़ल्ले़ खे़ने़ॽ इस्राइलिहाॽ ताप्फे़ःल्लिक् मे़प्मा के़इःत्तुसिबान् आङ्गाॽ निसुङ्ॽ॥ खे़ने़ॽ खे़ङ्हाॽरे़ खुन्छिॽ यक्हाॽओ मि के़गेःत्तुॽ, हे़क्क्याङ् खे़ङ्हाॽरे़ खुन्छिॽ थाङ्बे़न् मनाहाॽ ताभेःल्ले़ के़से़रुसिॽ, खे़ङ्हाॽरे़ खुन्छिॽ चुजुक्सा अङे़ःक्वा साहाॽ खाम्बाङ्ङो के़धाप्सु के़से़रुसिॽ, कुस्सा के़याक्मा मे़न्छुमाहाॽरे़ खुन्छिॽ साप्पोःक्किन् के़जे़रु के़बिरुसिॽ॥”
Piblisite