होसे 12:8 - लिम्बु8 एफ्राइम्मिल्ले़ पाःत्तुॽ, ‘आङ्गाॽ साॽरिक् याङ्साकुन्धेसाबा चोःक्कारो, आङ्गाॽ के़गप्पा पोःक्खाङ्ङाङ् वाॽआरो॥ आङ्गाॽ के़रे़क् आयाङ्सा कुन्धेहाॽरे़ चोगुल्ले़ खे़ङ्हाॽरे़ आङ्गाॽओ थे़माआङ् फे़न्याःम्बक् नु लायो मे़ङ्घोसुन्लो॥’ Gade chapit la |
होसे 12:8
29 Referans Kwoze
खे़ङ्हाॽ के़इङ्बाहाॽरे़ खे़ङ्हाॽ मे़जे़प्तु मे़स्ये़रुसिॽ, खम्भ्याङ् खे़ङ्हाॽ खुम्दिङ् मे़ङ्घोए मे़बेःक्॥ खे़ङ्हाॽरे़ अक्खे मे़बात्तुॽ, ‘यहवे दाङ्बे़ल्ले़ कुनारा पोररो, थेआङ्भे़ल्ले़ आनिगे याङ्साकुन्धेसाबा पोःक्खिगे़!’ के़इङ्बाहाॽरे़ मे़साङुसिबा मे़ल्लुक्कम्बाहाॽरे़आङ् खे़ङ्हाॽ मे़न्दाङ्घुसिन्ॽ॥
ये़सुरे़ खे़ङ्हाॽ मे़त्तुसि, “खिनिॽग सदादिङ् लाःक्कात्लक् नुबा थाःम्सिङ्मा निङ्वाॽ के़जोगुम्, कर निङ्वाॽफुमाङ्ङिल्ले़ खिनिॽ सिक्लुङ्मोबा पाःन्निन् निसुॽरो॥ आत्तिन् पाःन्निन् मे़न्छाम्गे़न् याप्मिरे़ खुनिॽ निमाओ यम्लाबा चोक्, खे़न् निङ्वाॽफुमाङ्ङिल्ले़ कुनिमाओ सिक्के़ले़ःङ्बा चोक्लो॥
“आत्तिन् से़वारोबाल्ले़आङ् ने़प्फु दाङ्बाहाॽरे़न् थिक्ले़ङ्मो से़वा चोःक्मा मे़सुक्तुन्लो॥ खे़ल्ले़ थिक्किन् चिःत्तुआङ् वेॽसमान् मिःम्जि मे़त्तुॽ इग्र थिक्किन् इङ्धाङ् पिरुआङ् वेॽसमान् हिनाःम् मे़त्तुरो॥ खिनिॽ निङ्वाॽफुमाङ्ङिन् नु याङ्साकुन्धेन् थिक्ले़ङ्मो से़वा चोःक्मा के़न्छुक्तुम्मिल्लो॥”
कर खे़ने़ॽ के़बाःत्तु, ‘आङ्गाॽ आबाङे आसुत्थो होःप्पाआरो, बाल साम्माङ्ङिन् से़वा मे़मे़त्तुङ्ङिन्लो’ लॽरिक् खे़ने़ॽ आक्खेलॽरिक् पाःप्मा के़सुक्तुबे? खे़ने़ॽ सेःङ्घा ने़ने़बादे़न्नो लायो के़जोगुआङ् के़वये़रो हे़क्क्याङ् हे़न्हाॽ हे़न्हाॽ के़जोगुआङ् के़वये़, खे़न् ओमे़त्ते़ॽओ॥ कुम्बाबा के़गोःप्मा उमे हे़क्तङ्मा पान् मे़ङ्घे़म्मनाबा के़बोक्खे़आङ् के़वये़रो हे़क्क्याङ् खे़ने़ॽ याङ्ना कत्ना के़लोःक्ल के़वाॽरो॥
खे़निॽ पाःन्निल्ले़ यहवे दाङ्बे़न् नासे़र के़याःन्दुम्माङ् वाॽ॥ कर खे़निॽ से़ःन्गे़दोसुम्ॽ, “आनिगे आक्खेलॽरिक् खुने़ॽ नासे़र याःन्दुम्बे़बे?” कर खे़निॽ अक्के के़बाःत्तुम्माङ् नार के़याःन्दुम्ॽ, “ताप्फे़ःम्बा याःम्बक् के़जोःक्पाहाॽ के़रे़क् यहवे दाङ्बे़ल्ले़ कुमिक्साओ नुबाए मे़जोक् हे़क्क्याङ् खुने़ॽ खे़ङ्हाॽनु कुनिङ्वाॽ ताःॽ,” इग्र “खासे़न् के़लोःम्बा निङ्वाॽफुमाङ्ङे़न् आत्ति वाॽबे?”
खिनिॽग अक्खे के़बाःप्तुम्लो, “लादुप्पिन् आप्फाल्ले़ माःप्पाबे? खे़ब्याङ् आनिॽ चाःन् सङ्मा आसुक्तुम्बाबे, आभे़ल्ले़ नाःम्सिङ्मा ये़न्निन् पेःक्पाबे? खे़ब्याङ् मासिन् आनिॽ सङ्मा आसुक्तुम्बाबे? आभे़ल्ले़ कुसिःक्मा नु कुदङ्मे़न् चुक्पा चोःक्माआङ् मे़ङ्गे़प्मनाबा कुधाङ्मान् याङ्माआङ् इङ्ले़क्मासिबे॥
Piblisite